我住緊座大廈, 早個星期有張通告貼到周處都係, 連門鞡都夾張通告係度, 真係唔睇唔得. 張通告話, 係March 11, 大廈附近有啲工程進行, 所以, 會由March 11 夜晚8pm 到零晨6am 全座大廈, 包括gym room都唔會有水供應!!
0下!!!住咗咁耐, 都未試過無自來水供應. 8pm就無水, 咁放咗工, 煮到飯, 都洗唔切碗啦!! 唯有買外賣食囉!! 開心係開心, 無啦啦唔洗煮, 又唔洗clean dishes. 但無水....最麻煩就係去洗手間啦!! 話晒8pm-6am 都要去下洗手間掛!!! 點都要準備啲水, 作衝廁, 洗手, 刷牙,洗面啦. 所以, 我一早, 將屋企啲水桶裝滿水. 將屋企啲大煲攞晒出黎, 又裝滿水!! 以便有需要時用得着!! 而Brian就去超市買咗瓶 10L 蒸餾水, 咁大支水, 實知飲唔晒, 咪遲啲慢慢飲囉!! 最怕到需要時, 無得用就麻煩啦!!
到8pm ....屋企樓下真係好噪呀!! 啲工程車 and 工程人員, 一大堆人係晒樓下, 好努力咁做做做!! 我唔介意噪呀!! 只想啲工程快啲完成, 開返個水掣比我座大廈啦!!
無自來水用, 個感覺唔太好, 自己會唔覺意開水龍頭洗手, 開完先知, 係喎!! 無水. 去完廁所, 又要舉起個水桶, 倒水衝廁. 總之, 無自來水就好唔方便啦!! 好彩10 小時無水, 如果多一日,無水用, 都唔知點好!! 有自來水用, 好幸福!!
↓依支就係 10 L 水. 0
↓煲定兩個水煲啲水. 用黎洗手好, 用黎飲都好啦!! + 兩個是日飯盒0
↓一到8pm 就聽到出面好嘈, 原來警察已經封咗路, 一堆工程人員係度工作中.0
No comments:
Post a Comment