Ice Hockey

December 9, 2009 (Wednesday)

      係因為Brian 公司有人送咗兩張冰上曲棍球球賽票, 今日, 我們便有機會近距離睇現場球賽, 原來啲冰上曲棍球球員個個都好高大, 好大隻架, 個puck (冰上曲棍球的球) 都幾大個喎!!! 係電視就感覺唔到. 

     講真, 如果要自己掏腰包, 買手上啲球賽票, 我真係唔捨得買, 我令願去名店買手袋. 哈哈!  所以, 當知道有機會能夠好近距離看冰上曲棍球, 都幾興奮架!  所以, 我哋今天都早少少放工, 早點去會場感受冰上曲棍球嘅氣氛.

    睇現場真係唔同啲, 大家一齊叫, 大家齊齊肉緊, 入球時, 又齊齊歡呼, 齊齊尖叫, 好開心架!! 中場休息, 會場又有啲專人搞氣氛, 都幾好玩架!!     

   最後, 我哋支持個隊, 贏咗呀!! Yeah Yeah Yeah!! 睇完球賽, 成個人都好開心, 仲走咗出街食Dinner 添. 返到屋企都成12am. 好盡興. 哈哈!

↓早咗入場, 啲球員練習緊, 所以, 有啲球員未帶頭規架!!

↓早入場, 影下相先.

↓開始喇.... 衝呀衝...打呀打.....Go Leafs Go

↓最後加拿大隊取得勝利.........3比2呀!!

↓今日, 仲係加拿大(我居住地方)冬天第一場大雪添!! 一朝起身好多雪, 之後, 都開始溶咗啲.

後記: 
   我係第一次, 係現場睇冰上曲棍球架!! 我感覺好好, 好鐘意,  而Brian 以前都睇過一次冰上曲棍球, 但坐嘅距離比較遠, 所以, 看不清楚, 有點唔鐘意現場睇.  但今次Brian, 坐近距離睇, 坐在球場中央前座, 咩都看得清楚, 睇現場嘅感覺改觀了. 

  可能, 座位比較近球場, 我哋個樣, 可能會上電視添, 因為, 電視都有現場直播架!! 哈!! 不過, 如果有下次有機會, 我同Brian都一定會再睇.

  仲有, 我哋睇球賽, 坐嘅地方還有menu 附設架!!有個着得好整齊嘅姐姐會幫我哋落單, 啲食物or 飲品會有專人送上面前架!! 自己唔洗離開張凳, 都可以有野食架!! 服務好好。
↓球賽當天的Menu.....連壽司都有得order架!