係下午, 接到Brian 電話, Brian話今晚應邀三妹男朋友 and 三妹, 會去睇戲, 食打邊爐.......﹐ Brian 叫我放工之後就好get ready!!!!
之前, 一啲都無提過有依啲節目嘅!! 真係無啦啦決定去睇戲, 打邊爐.......確實幾即興. 哈哈!! 不過, 又幾好玩.....因為, 我已經有一段時間無入戲院睇戲喇.
由於, 要千就大家放工時間, 同距離, 所以, 我哋成9:30 pm 先係戲院集合, 大家睇戲時, 又未食飯, 好肚餓, 要一邊睇戲, 一邊食住薯條, 爆谷, 同Taco, 過口癮 .......
我哋睇齣戲叫 "2012", 講2012 依一年, 地球上, 地殼變動, 冰山溶化, 水位向上, 掩蓋地殼 .....好似世界未日咁架!! 情節都幾緊揍, 每一刻都精彩.
之後, 就係去打邊爐, 成零晨點幾鐘, 先食我哋嘅dinner, 依日, 天氣又特別凍, 打邊爐好正, 暖淋淋, 因為咁, 我哋就不段碌, 比平時食更加多野食添!! 食完望個鐘, 先知道已經係零晨3點幾喇!! 返到自己屋企成4am, 真係好耐無玩到咁癲喇......哈哈!
第二朝, 還要早起身, 返我媽咪度.....我哋玩到唔知時間添! 哈哈!
↓戲院門口
↓戲院購票地方
↓依家啲戲院有啲似機鋪, 未入場前, 有機打, 有類似細個歡樂天地嘅遊戲玩. 等入場前都唔洗悶, 但夾公仔機啲公仔好唔討好, 真係無個心去夾黎玩. 另外張相, 就係我哋睇齣戲嘅poster
↓等開場時, 大家勁肚餓, 買咗薯條食...(之後, 仲買爆谷 and taco 食, 哈哈)
↓睇完戲去食宵夜火窩, 好好味, 啲調味汁料任混, 而且食物用料唔錯, 好正, 食好耐都唔趕人走, 哈哈!
我有時間都去睇下2012
ReplyDelete[版主回覆12/12/2009 13:46:00]小威子: 都幾值得睇架!!!
似乎驗證碼冇用喎......
ReplyDelete哈哈哈... 真係後生仔女, 玩到四點.....
[版主回覆12/12/2009 13:46:00]表叔公: ~你講得岩, 有驗證都係有啲無料回應...而家我見到有啲無料回應都會delete.... ~放工唔早嗎!!而且, 係加拿大居住啲距離比較遠, 無咁集中. 所以, 唔經唔覺出街夜咗囉!!哈哈!!
你地後生先可以捱到肚餓，我每晚定時就要食飯，唔係晏左就唔想食
ReplyDelete[版主回覆12/12/2009 13:46:00]Mui: ~都唔算話捱肚餓, 有時放工時間唔穩定嗎!! 間唔中都唔會定時食飯架!!哈哈!! ~0下!!如果你晏咗食就唔肚餓, 咪可以唔食當keep fit...哈哈 !! (講笑咋!)
so happy gathering ! watching movie and hot pot dinner !! Great !
ReplyDelete[版主回覆12/12/2009 13:46:00]Happy Girl: 係呀!!我哋間唔中都會一齊出街, 食下野, 睇下戲都幾好嘅節目, 而且幾relax架!!哈哈!!