空運月餅

September 11(thursday)
    收到月餅喇.......每一年, Brian's daddy 都會空運兩盒大班冰皮月餅過黎!!! 而且, 仲係用冰鎮住啲冰皮月餅先寄過黎!! 因為,我哋依邊無得買大班冰皮月餅架!!  而我同Brian 又最喜歡大班冰皮味道!! 所以, Uncle 就係每一年嘅中秋都會咁樣寄冰皮月餅比我哋!!  真係好多謝Uncle 嘅心意!!! 嘩!!!我每一年, 都覺依兩盒冰皮月餅, 好珍貴架!! 真係要慢慢嘆先得!!!

    我以前對中秋月餅唔太有興趣架!! 係冰皮月餅面世之後, 我就好喜歡食月餅(冰皮)!! 仲記得第一次食冰皮月餅, 冰皮裡面係包住白蓮容架!! 比較傳統!! 而我就最喜愛依隻傳統味!!!  但而家啲冰皮月餅已經越出越新頴, 又綠茶味, 荳容, 栗子容, 真係層出不窮!!  不過,當我喜歡食冰皮月餅之後, 我連傳統白蓮容月餅, 也同時期喜歡食!!!  所以,一到中秋, 份外開心!! 

    大家blog 友: 我祝你哋中秋快樂!!


↓空運郵包
DSC02904-1.jpg picture by vickyngkiki


↓大班冰皮月餅呀!!! Uncle 每年買完冰皮月餅之後, 就放啲月餅係冰箱雪一整日, 之後, 用啲冰圍住啲月餅...用最快嘅空郵寄過黎比Brian and 我 !!!
DSC02906-1.jpg picture by vickyngkiki



** 我依個weekend 返媽咪屋企過中秋!!! 所以, 我又未必太緊掂個電腦!!!我可能覆你哋啲blog比較遲啲架!! 你哋等我一等, 我會慢慢走上軌道架喇!!
Posted by at

10 comments:

  1. kitty13 September 2008 at 06:50

    我
    [版主回覆09/19/2008 15:31:00]Kitty:   成日都好快手!

    ReplyDelete
  2. kitty13 September 2008 at 06:51

    我咩餅都唔鐘意食
    [版主回覆09/19/2008 15:32:00]Kitty:   你好似不太喜歡甜品!!! 椰子味又唔喜歡..餅又唔喜歡!! 食月餅應下節嗎!!

    ReplyDelete
  3. Mui13 September 2008 at 07:12

    Brian既爹地真係細心啦!有咩味呢？
    [版主回覆09/19/2008 15:34:00]Mui:  Brian既爹地好有心and 細心, 年年都記得寄黎架!! 而且, 一定係中秋節前收到!!! 好好架!!

    ReplyDelete
  4. Nancy13 September 2008 at 08:54

    我比較鐘意傳統月餅　新式既都會試下~~
    冰皮月餅　緊係鐘意自家製啦~~~
    不過今年唔整... 家姐整親隻手!!!!
    街買果啲　我覺得個皮太軟同埋好多粉呀!!!!
    [版主回覆09/19/2008 15:40:00]畫:   ~我唔識自家製月餅架!! 我有無月餅模, 所以, 中秋都係出街買餅食囉!! 而且, 我依邊都有幾多月餅係由香港運黎!!!   ~你家姐無事嗎!!! 整齊親手...希望依家好返喇!!   ~街啲冰皮,啲味道口味越來越怪, 我開始覺得冰皮月餅太新潮喇!哈!!

    ReplyDelete
  5. meimei14 September 2008 at 01:16

    Brian既爹地真係好細心+有心bor....
    [版主回覆09/19/2008 15:43:00]天使BB:    係呀!! 我都覺呀!! 所以,每年中秋都好開心!

    ReplyDelete
  6. Beauty Sandy14 September 2008 at 07:51

    嘩 ~ ~ 好有心呀 !!
    你個未來老爺好錫你喎 !!
    [版主回覆09/24/2008 14:00:00]New beauty sandy:   係呀!!Uncle 真係好有心!! 年年到時候就話寄月餅黎!!! 一定中秋前收到架!!

    ReplyDelete
  7. ღ V M ღ15 September 2008 at 18:39

    我就唔鍾意食月餅喇~~~
    [版主回覆09/24/2008 14:08:00]V&M:   我以前都唔喜歡食月餅架!! 但大大下就喜歡食...越食越上癮...哈!!.

    ReplyDelete
  8. 細細粒15 September 2008 at 19:52

    brian daddy真係錫你哋既姐......年年都會空運畀你哋, 好幸福呢! 個包裝同香港好似唔一樣咁喎~~~
    [版主回覆09/24/2008 14:10:00]細細粒:   ~係呀!! Brian's daddy 好細心架!! 年年都會係中秋節前寄月餅黎....中秋節都額外開心!!   ~個包裝盒, 係Uncle 自己整架!!所以, 唔同香港...

    ReplyDelete
  9. melmel16 September 2008 at 11:38

    Me too ! 我都係大班fans 嚟 ! Brian 's daddy 係咪係Van ? セ果邊有呢邊冇咁大細超 !
    [版主回覆09/24/2008 14:14:00]高貓貓:   我都係大班fans !!! 但真係估唔到多倫多無大班, 但溫哥華已經有大班好耐架喇!! 但一定要去大班專門店先可以有大班, 平時啲超市係無大班賣架!!

    ReplyDelete
  10. 陶陶19 September 2008 at 09:43

    Vicky: 嘩!嘩!嘩!岩岩上一篇先話無得食大班冰皮,o轉個頭就有 空運月餅食,Brian daddy真係好錫你地呀,但,其實咁寄係咪好貴架呢? 乜Brian daddy係香港架咩?你唔係話佢地係溫哥華架咩? 但,大班第一個既冰皮應該係綠豆容黎架喎,但你話係白連 容,唔通係我記錯?
    [版主回覆09/24/2008 14:21:00]陶陶夫人:   ~每一年Uncle 都會用依個方法寄月餅黎..但Uncle 係溫哥華...溫哥華有大班專門店架, Uncle 由溫哥華寄黎多倫多,算係寄內陸野, 就唔洗檢驗...但我覺咁寄月餅係有啲貴架!! 但Uncle 每年都會寄架!! 好有心架!!
       ~我第一次係香港食大班,係用蓮容架!!所以, 我估大班出蓮容先囉!! 哈哈!!

    ReplyDelete

Subscribe to: Post Comments (Atom)