Sept 7 (Sunday)
依個weekend 返咗媽咪屋企!! 打後幾個weekend 都會返媽咪度!! 所以, 平時自己屋企啲家務, 洗衫, 抹屋, 吸塵都要迫係閒日做晒...如果, 閒日唔做, 成個weekend 返咗媽咪度, 自己屋企啲家務就積埋積埋, 唔知幾時先做啦!! 我啲語氣好似唔係太想返媽咪度, 其實, 我唔係話, 唔想返媽咪屋企, 但返去就一定要返成個weekend...因為, 我平時自己出咗去住, 太少返去媽咪度! 我parents 已經有啲投數!!! 而且, Daddy 飛咗半個地球黎加拿大...我點都要返去見下daddy!! 而且, Daddy 喜歡熱鬧, 屋企多啲人就開心!! 仲有呀!! Daddy 而家飛半個地球, 已經無以前咁輕易喇!! 而家次次坐完飛機都見攰喇!! 以前, Daddy 飛完長途機, 仲"料"我哋出街食飯兼食糖水架!!! ...好有energy 架!! 哈哈!
好彩, Brian 依家唔係個個星期六都要返工, Brian and TT 仔仔都可以陪我返媽咪度!! 好感謝Brian 係weekend 唔休息, 唔約朋友,... 陪我返媽咪屋企!!! 但反而, Brian 又幾期待返我媽咪度!! 因為,Brian 最喜歡同我啲妹玩, 玩wii or ps3 乜都玩一餐, 我啲妹and Brian 真係可以玩wii 都可以玩成個下晝, 都得架!! 哈哈!!
返媽咪屋企, 就成日都好多野食, 成日都食唔停口!! 飲完茶, 返到屋企就有冰皮月餅食!!! 以前,加拿大係無冰皮月餅賣架!! 依兩,三年, 就開始有冰皮月餅賣, 有香港美心, and 聖安娜, 但仍然無我最喜歡嘅大班冰皮月餅賣.... 算喇!! 聖安娜冰皮都唔錯喇!! 哈哈!! 除咗, 冰皮月餅, 當然, 就有媽咪啲精美飯餸....次次媽咪都煮得快, 10個人飯餸完全無問題, 仲好似好輕易添!! 哈哈!! 而且, 啲餸菜仲好好食, 次次食到個肚都脹"book book", 哈哈!
↓聖安娜冰皮月餅都ok...我試咗士多啤梨味 and 綠茶味囉!
↓媽咪啲飯餸
↓食完飯, 成家人都打麻雀...打打下口痕,出咗去食甜品(紅荳綠茶雪糕crepe) and 飲野!!! 我破介...飲咗凍野(芒果粒粒爽), 仲食咗甜椰椰嘅crepe and 啲紅荳...哈哈!! 雪糕就Brian 食咗!! 所以, 返到屋企又咳!!!
↓今次,返屋企, 同屋企人去咗間裝飾幾舒服嘅restaurant 飲茶,食點心!! 啲點心都唔錯, 幾好食,有個點心(海哲) 係用竹筒做蝶, 好特別!!!
我第一
ReplyDelete[版主回覆09/12/2008 16:31:00]Kitty: 第一...yeah
Your mom's dishes are very delicious. I feel that your family is always full of energy.
ReplyDelete[版主回覆09/12/2008 16:35:00]Happy Girl: ~你過掌喇!! 但我成日覺媽咪啲dishes 好溫暖架!! 會比平時食多啲架!!!
飲茶個間好熟口面，係邊度呢？
ReplyDelete[版主回覆09/12/2008 16:36:00]Mui: 飲茶個地方你都去過架!! 係"大唐盛事" 呀!!
typo *仲未買
ReplyDelete[版主回覆09/12/2008 16:40:00]Bobe de Licious: 我明你想打咩字架!!
好好餸啵~~~聖安娜冰皮麻麻地咋,不過應該最好食既冰皮都係大班,不過我就對月餅麻麻地喇~~~
ReplyDelete[版主回覆09/12/2008 16:44:00]V&M: ~通常返媽咪屋企,一定好好餸, 比我煮一定唔知點煮好!!! ~我多倫多依邊都係得聖安娜冰皮and 美心賣, 而且,我哋成家都食月餅, 所以, 有月餅都食!! 上面個盒聖安娜冰皮,已經係dinner 之前食晒喇!!
我都鍾意食大班冰皮月餅多d呢.
ReplyDelete[版主回覆09/12/2008 16:46:00]Edison & Cherry: Totally, agree!!! 我最欣賞都係大班冰皮月餅! 以前有蓮茸冰皮仲正!!!
係咪Finch個間？我未去過呀
ReplyDelete[版主回覆09/17/2008 05:48:00]Mui: ~我去依間chinese restaurant, 唔係Finch 架!! 係on hwy 7 架!! ~依間chinese restaurant 係叫"大唐盛事" 地址: Unit 9, 230 Commerce Valley Dr. E L3T 7Y3 Tel:905-771-3988 係Go for tea 個Mall 裡面!!
噢! 點解會變左private message 架!?!! 哩排我留俾人都係咁喎! 唔知做乜!
ReplyDelete人多食月餅好好呀﹐可以買唔同味道﹐實食得晒!
我鐘意食奶皇月餅﹐但哩度無得賣!
[版主回覆09/17/2008 05:48:00]Bobo de Licious: ~又會咁奇怪!! 自己會變private message!! 可能,依排yahoo 傻咗!!哈哈!! ~奶皇月餅, 聽個名好吸引呀!! 有奶皇...但係依邊真係聽都未聽過!!! 依邊啲月餅選擇真係少啲!!! 但都好過無喇!!哈哈!
Vicky: ~你盒聖安娜冰皮,俾你講到好似幾好食咁,但我睇到你呢篇Blog時, 已經買唔到啦!所以唯有再要等下一年既中秋! 我同你都一樣係大班 冰皮既fans,佢既綠豆蓉真係勁好食又香,個冰皮簡直係一流呀!但已 經兩年無食過啦!我呢邊一樣無得買!
ReplyDelete[版主回覆09/24/2008 15:18:00]陶陶夫人: ~依盒聖安娜冰皮, 味道係唔錯架!! 但就無大班咁好食囉!! 哈哈!! 不過, 人哋送架...我哋屋企人多,一人一啲,好快食晒架!! ~其實,我成日覺美國係大國, 應該好多香港移民會係美國做生意架!! 但原來美國好似沒有什麼中國貨品賣, 講真, 美國都幾個人主意, 感覺自己出品啲野永遠係最好!!! 但你身處外國地方, 緊係想接觸多啲外國野, 所以,居住美國啲人,真係容易容入美國多啲架!! 我依邊太多chinese 店, 想溶入外國文化,自己都要下一下苦工!!