早排, TT 仔仔左邊嘅brake light 消咗, 所以, 預約咗Audi車行係今日換, 一朝起身時, 個心感覺好奇怪!!但講唔出咩奇怪!! 還掂預先預約咗車行, 就照去! 可能出咗街無依個感覺! 咁去到車行, 發覺Audi 車行黑麻麻, 原來, Audi車行個area 停電!! 但我哋只係換燈泡, 所以, 車行啲技師話停咗電都換到brake light!! 叫我同Brian 係等候室坐陣就ok!!
點知, 坐係等候室無幾耐, 有個整車哥哥, 好嚴肅咁行過黎等候室, 仲叫Brian 入車房睇, 原來TT 仔仔爆了呔!! ( 阿仔呀!! 你對球鞋爆得好突然呀!!) 但最特別係我哋由屋企渣去車行時, 我同Brian 又完全感覺唔到條呔有爆咗嘅 跡象, 不過, 好好彩, 唔係渣渣下車爆, 如果唔係會好危險!!
架車都爆呔, 都唔去得邊, 唯有放 TT 係Audi 車房, 好彩, Audi 車房叫人, 用專車送返我同Brian 返屋企!!
返到屋企, 當然係周圍打電話問輪呔公司, 由於, 我個TT仔仔嘅車輪size 比較特別, 所以, 唔係話有就有, 要都需要時間訂返黎, 但訂就需要時間, 我哋又唔可以放TT仔仔係Audi車行太耐, 所以, 需要揾間有現貨嘅車輪公司!!
幾經辛苦,打開黃頁, 報紙...... 揾到一間有TT仔仔size 嘅輪呔, 而且, 輪呔牌子還唔錯添!! 但輪呔公司離我哋屋企好遙遠,.......在這時, 我 剛巧記起, 三妹在上星期話我知, 今個星期六唔洗開工及補習!! 所以, 便至電給三妹求救, 睇下三妹可唔可以做我哋司機, 車我同Brian 買輪呔囉!!
三妹當然無問題, 她聽到我哋講"爆呔"兩個字, 成個人彈起.....她仲立刻問我哋正確位置, 因為, 三妹以為我哋係行駛途中爆了呔!! 其實, 我們剛巧去Audi車房換brake light, 才發覺車呔爆了!!
去買輪呔公司時, 由於, 大家都係臨急臨忙, 大家身上都沒有帶備GPS, 在揾輪呔公司時, 大家都幾盲模模, 幾經辛苦, 坐咗一段長時間車程......終於, 買到一set 輪呔了!! 買完輪呔, 大家都見肚餓, 便去了食下午茶, (忙到下午茶差啲完嘅時間先食野!!)
食完下午茶, 便立刻攞四條呔去返Audi 車行, 留待車房技師星期一返工, 再裝上!!
↓四條新呔(阿仔..新波鞋呀!!)0
↓下午茶 (四妹都有黎食下午茶)0
其實, 係加拿大, 我覺啲輪呔係比較容易磨損, 可能,....加拿大地方真係太大.....所以, 好多加拿大人, 都會夏天一set 呔, 冬天又一set 呔, 而且, 冬天落雪, 地面光滑, 需要比較特別嘅輪呔才能行得穩!! 本來, 我同Brian 諗住係十月, 入冬前(落雪前), 都會換新呔, 況且, 我哋嘅車呔都用了兩年, 都係時候換新, 剛巧, 有急切需要, 便提早一點換新!!
不過, 我同Brian 都覺好好彩, 因為, 車呔不是在駕駛途中爆了呔, 而且, 在報紙上,能夠揾到一間有現貨嘅車呔公司, 最開心, 個車呔牌子及型號, 好適合TT and Brian嘅心意, 係我哋沒有任何準備下, 有咁嘅結果, 已經係好好彩了!
亦多謝三妹, 提早起身, 車我同Brian 周圍去!
0
頭痛時, 曾扭過Brian買雪糕比我! 但我扭個日, 他無買到!! 我唔扭食雪糕果日, Brian就買咗雪糕返屋企! 
