一朝起身, 面都未洗, 就好努力上網!! 因為, 要download 烈火雄心3 大結局, 本想, 落樓下買早餐!! 點知就係懶, 而且, 唔太肚餓, 所以, 攞住張棉被趴係梳化,半瞓半玩電腦!! 後尾, 睇埋烈火雄心3大結局, 直至, 三點鐘先起身梳洗, 出街行, 揾野食!! 就係依啲懶洋洋嘅行為先感覺星期六過得, 超舒服!! 哈哈!
成下晝3點幾先食lunch!! 都係出街食下薯條, 之後, 去行街街!! 順便去改手錶, 因我隻手錶, 帶到最入個窿都比較鬆, 有需要在手錶帶上打多個窿, 才能帶得穩.....好彩, 打窿--依啲輕易功夫, 連整錶師夫都覺太輕易, 打個窿都唔需要2 秒, 所以, 整錶師夫無收我費用!! 本來攞定銀包想比錢....知道唔需要比, 都唔知幾開心......哈哈!
依日, 天氣真係好熱, 感覺夏天真係來到, 仲成日想飲凍飲, 不過, 夏天行室內商場就最好, 可以順便嘆下冷氣, 我同Brian 仲一連行咗兩個室內商場添!! 雖然, 行室內, 但都係會口渴, 要邊行, 邊飲凍飲品!!
↓我哋嘅午餐,...去咗食薯條.....仲叫咗個burger 兩份食, 我哋兩個咁食法, 都食唔晒!!
↓行商場時, 玩下影相!!
↓無無料料, 係商場同display window 影下相!
入黑就約埋三妹and 三妹男朋友食晚餐, 都係食台灣野, 因為, 天時熱, 食台灣野之如, 仲可以飲埋凍珍珠奶茶 and 食刨冰添!! 咁解暑, 唔去食台式餐店點得呀!!....而刨冰, 其實, 我去開台式食店都好想點黎食架!! 但啲刨冰多數都大大蝶, 而Brian 又唔係好食刨冰架!!見三妹係身邊, 可以同三妹share 黎食刨冰, 我都唔知幾happy!! 哈哈!!
講真, 我係香港居住時, 好少接觸台灣野架!! 係黎到加拿大先接觸得多啲!! 連台灣人, 我都識啲!! 可能加拿大都幾多台灣移民!! (溫哥華仲多台灣人), 有時, 我覺加拿大啲台灣食店都幾有規模, 而且, 我覺啲野台式飲品, 仲沖得好飲過香港架! 哈哈!
食完滿足, 台式食物 and 甜品, 便回娘家, 剛巧媽咪打長途過黎, 同媽咪煲咗陣粥, 之後, 仲同阿妹煲劇集!! 簡簡單單, 但感覺好舒服!
↓台式食店嘅環境
↓飲品and 食物
↓台式多士 and 台式炒粉......同埋刨冰 (有紅豆, 花生, 珍珠 and 芋頭)
↓合照
我都好鐘意食台式食物....睇左烈火大結局未呀?
ReplyDelete[版主回覆08/20/2009 10:18:00]心樂: ~台式食物好多款架!!而且,味道真係唔錯!! 而且,台式飲品(珍珠奶茶)我最喜歡飲架!! 所以, 去台式食店食,我會好興奮架!哈哈! ~睇左烈火大結局喇!! 王喜無事,諗通咗,我都唔知幾開心!!哈哈!!
我好少見你著短sleeves t shirt ar Vicky
ReplyDelete[版主回覆08/20/2009 10:18:00]Kitty: 咁前排涼嗎!! 所以, 無着到!!現在,咁熱!!唔着短袖點得呀!!哈哈!!
我都好鐘意食台灣食品，其實最鐘意係飲珍珠飲品 ，不過好多飲完野都飽晒，咩都唔食得落。
ReplyDelete[版主回覆08/20/2009 10:18:00]Mui: ~Give me five!! 我都係好鐘意飲珍珠飲品架!! 有時,行Mall都會想買黎飲架!!哈哈!! ~其實,台灣食品比較"的式", 所以, 飲埋杯珍珠飲品, 我都ok架!!哈哈!!我間唔中都會"料"Brian同我去下架!!哈哈!
始終刨冰食得多都係唔好, 上次食完都最好2個share一個好D啦~~
ReplyDelete大家都追睇烈火3, 我仲以為王喜會C添~~哈哈...原來無喎~咁都好, 大團圓結局!
[版主回覆08/21/2009 08:15:00]細細粒: ~街啲刨冰,一定係大大蝶架!!所以,一定要share先食得晒!! 不過,我依邊係近排非常熱, 而且,三妹肯同我share 刨冰,我就馬上趁依個機會叫黎食囉!! ~烈火3個結局都幾好呀!!大家開開心心!!又有緊張 and感動位,都算做得幾好架!!
Vicky: 我見到你去食New York Fries，其實係香港都有呀，依家係香港大熱一杯杯既fries，有好多間過江龍飛去HK做，又真係俾佢地做得起喎，但我覺得最奇怪既係，我地NY係無NYF架囉，你話奇唔奇
ReplyDelete[版主回覆09/10/2009 07:29:00]陶陶夫人: ~reply 你前, 等我講啲野先!! 其實, 你唔洗覆我咁多篇blog 架!! 知你有留言, 我當然好開心!! 因為你好有心! 但我驚你用太多時間留message 比我!! 咗到你呀!! 不過, 都多謝你咁支持我個blog!! ~我知呀!! 係New york 原來係無new york fries 架!! 我十幾年前一移民黎加拿大, 就食New york fries 架喇!! 我當時食完感覺啲薯條真係好好味!! 仲諗住大個咗攞個New york fries 嘅特許經營權返香港架!! 好喇!! 到我大個咗, 我邊有咁多彈藥去買人啲特許經營牌吖, 哈哈! 舊年, 我返香港, 都已經見到New york fries 喇!! 香港人真有頭腦, 攞咗外國最好嘅食物, 返香港經營!! 哈哈!! ~你近近哋都可以黎加拿大試下啲New york fries 架!!