無意中--賞櫻花

May 11,2013 (Saturday)


每個周末的其中一日, 都會去教堂.


這個周末, 揀星期六去教堂,  這天, 我只是無意中,由第二條路, 行去教堂, 經教堂後面的花園去教堂, 中途竟遇上櫻花樹. 而且, 棵樹, 仲開得好燦爛添!!! 真係估不到無意中, 就能賞到櫻花


真係開心, 可以遇上櫻花. 啲櫻花, 好靚呀!!


↓教堂後面, 有棵櫻花樹. (其實, 我依邊有一個公園(叫High Park), 種滿櫻花樹. 年年這個時候, 都會迫滿人. 賞花.但由於, 太多人, 所以, 我只去過一次,就沒有再去. 而家近近哋有棵櫻花樹, 又唔多人, 任我影下相, 已經好開心.)

↓今年,應該係最後一年, 係多倫多賞櫻花. 到下年的櫻花盛開時, 我已經搬了去溫哥華.到時, 再賞過. 

---------------------------------------------------------------


這個周末, 很特別. 雖然, 餐餐都好像在家吃. 但我哋真係想食咩, 先行落街買. 買完返屋企, 再加工啲, 先食.

就係想食咩, 先走落街買, 有啲感覺自己食嘅嘢好新鮮. 哈哈~~ (買完即食, 仲唔新鮮!!)

而我哋見天氣好返啲, 食完嘢, 又走咗落街, 去屋企附近嘅商場行街. 其實, 都唔知去行乜,但硬要去行下, 先舒服. 


行到差唔多, 去飲杯半價凍咖啡. 當下午茶.  之後, 再去超級市場, 想食咩, 就買乜返屋企煮.
 

周圍行下, 又過咗一個weekend!! 

 

↓早餐, 落街買咗幾個包和飲品, 再係屋企煎隻蛋+咸牛肉, 併併埋埋一個早餐. 下午茶, 去了飲半價碎冰咖啡. (綠茶和Vanilla beans Frappuccino)

↓晚餐有咸牛肉雜菜炒飯和花生辣子雞丁

↓星期日早餐, 一早落樓下買咗啲包, 沙律和Yogurt Parfait 食

↓星期日,下午茶, 想食芝士, 就落街買芝士和餅食, 之後, 買埋半價碎冰咖啡飲 (Strawberry 和Vanilla beans Frappuccino)

太陽沙律餐

May 6,2013 (Monday)


在閒日的工作天, 大多數坐在家, 吃晚飯.

但今日, Brian 在放工之後, 竟在超級市場, 買了幾盒沙律. 

我立刻提議, 吃飯地點, 轉為會所的花園食. 
 

咁就可以在太陽下, 食沙律!! ---->這個片段, 我期待咗好耐啦!! (可能剛過去的冬天, 真是特別長和特別冷). 今年特別想熱啲.

好彩, 我和Brian, 兩丁友, 就最容易話圍. 即刻踢對人字拖, 攞住盒沙律, 行去(大廈)會所個花園開餐.


↓一盒沙律加杯熱飲,還有一支大果汁. 好簡單的晚餐, 但坐係花園食, 感覺當躺唔同晒.

↓有人食沙律, 點好多醬..........日光時間長, 放咗工之後, 還可以enjoy the sun!!!



近排天氣, 真的是不錯!! 見到太陽好happy!!

↓天色好清, ..........仲係最高20℃. 依啲天氣最舒服!!

有太陽出, 好似口味, 都熱帶地區咗.

我哋買咗大量果汁係屋企. 一放工, 就一人飲一支. 一支果汁都差唔多1公升. 飲完都半飽.

所以晚餐, 都係簡單食下湯米粉就算. 雖然, 隨意食, 但我夏天通常都係咁過. 依個夏天感覺, 終於返黎啦!!

因此, 我成日同Brian 講, 我比較鐘意熱, 又熱愛熱帶水果, 應該移民去夏威夷. 因加拿大太少夏天感覺啦! 哈哈~~ (但就因為夏天有限, 才會珍惜!)
   

依個時候, 我仲走去剪咗個髮. 其實,都係修下個頭髮, 因我半年無剪頭髮. 依家雖然個髮型, 無咩變. 但自己感覺自己個頭輕咗好多. 哈哈~~


↓就係依支果汁, 一人飲一支.

↓飲完果汁半飽咗, 所以, 晚餐食得好隨意, 湯米粉..................另一日開罐豆豉陵魚,淥白菜,用電飯煲整蠟腸飯, 唔洗開爐炒. 很慳水慳力的一餐.

 

 

野餐

May 4,2013(Saturday)


終等到, 在周末的日子係陽光燦爛.  所以, 決定去海灘公園------野餐.

↓到達海灘公園啦!! 天氣好好, 唔太熱, 唔太涼. 好舒服. 依啲天氣, 我哋多倫多嘅人等咗好耐啦!! 不過, 有人怕沙,所以, 去咗海灘旁邊啲長凳野餐.  



-------------------------------------------------------------------------------------------------


講返去海灘公園前....


雖然,我哋有車, 但我哋專登, 坐巴士去海灘公園㗎!!


一來海灘公園嗰邊, 好難泊車.


二來, 上網查看公共交通啲路線和路程, 事前做足一切準備. 好有旅行feel. 哈哈~


其實, 我哋平時都有坐開公共交通工具. 但就未試過坐巴士去海灘公園. 所以, 坐巴士時, 好像有點驚險. 唔知自己有無上錯巴士. 因此, 最後順利到達海灘公園. 真係好開心. 仲好有成功感添!! 哈哈~~



↓個巴士站係屋企對面馬路咋! 好方便. 而且, 而家啲巴士好全面, 會係巴士站上蓋, 有個電子版,顯示下一架巴士到達時間. 真係如果帶留嘢, 時間許可, 都可以返屋企攞嘢. ~~~~ 巴士到站, 專登同架巴士影張相.

↓巴士內--有個電子街道顯示版. 我初初黎加拿大, 啲巴士無咁先進.去邊都盲摸摸, 而家真係好好多 .....另一張相, 係我同Brain係巴士內嘅合照.

↓到達咗野餐嘅地方, (海灘公園傍啲長凳), 依度可以望到個大湖㗎!!  而且, 一邊食野, 對住湖景和晒下太陽, 好舒服!!

↓就係喺度食lunch.

↓我哋係超級市場買咗沙律,三文治, 和飲果汁黎野餐. 晒太陽之餘, 又可以食下野. 超級Happy. 所以天氣好, 心情都會好啲. 哈哈~~

↓天氣好, 好多人去海灘公園, 踩單車和帶狗散步.

↓我哋就係對住依個湖景--野餐. 湖面上好多風帆

↓影咗張合照,.......食完野, 坐石級望大湖景(Ontario Lake)  嗰日好多人玩水上活動, 湖景都顯得好熱鬧. 其實, 生活真係唔需要太覆雜, 簡簡單單望下湖和晒太陽, 都已經好舒服. 依日, 我哋不知不覺, 係度消磨幾個鐘. 

↓去完海灘公園, 坐巴士去咖啡店, 咁岩有半價碎冰咖啡. .......飲完就扮遊客, 同多倫多地標CN Tower 影相. (Brian 笑我, 手上還渣住巴士的票!!)

這天, 我哋好利用公共交通工具.


由海灘公園, 飲咖啡, 之後, 去超級市場買餸, 都係坐交通工具. 仲揪住購物袋追巴士.  而且, 又同人逼上車. 當中好似好衝忙, 但之後諗返, 自己嘅行為, 覺得好好笑.


大半日戶外活動, 我哋回家後, 發現大家都晒黑了一個tone. 我們反而好開心. 因為我哋真係等依啲天氣, 等咗好耐啦!!


而其他周末時間, 我哋都係在家吃. 在家hea 下, or 落樓下快餐店食個tea. 好隨意咁過. 但顯得好舒服.


↓星期五(May 3)Dinner, 食咗蘋果雞柳杯配飯和煎蛋. 星期六(May 4)Dinner 食咗腐乳菜膽雞配湯米粉

↓周末的早餐, (一日食咸牛肉, 另一日食香腸, 兩日都飲蘋果汁)

↓下午茶食咗Chicken wrap and 飲凍咖啡(而家啲凍咖啡, 只是$1 加紙一杯), 而星期日 (May 5) Dinner 食蘋果雞配湯米粉