到埗

December 14, 2012 (Friday)


聖誕係我最鐘意嘅節日.

而家一到聖誕, 就跟Brian 去探親, 之後, 就去旅行. 簡直係我年中, 最期待嘅時刻.

雖然執行李時, 比較考技巧. 要將全部大小不一的聖誕禮物放入行李,  同時又要把自己隨身物pack 好. 當中真係不少心機和工夫才能做到.

在星期五(Dec 14), 放咗工, 馬上拖住行李, 坐機場的士, 直去機場, 寄行李, 過海關, 坐夜機, 出發去我聖誕之旅. 雖這天, 自己時間表嘅流程非常緊湊, 但當坐在飛機嗰一刻, 真係相當興奮. Happy~~

這個聖誕之旅, 第一站-----[Brian 家鄉-----加拿大, 溫哥華].  準時4 hours 50 mins 到達.

↓臨出門口, 同啲行李影下相, 啲行李, 真係執咗好耐!! ( 第一次用pink rimowa 行李. 哈哈~~)

↓聖誕真係聖誕, 街外啲氣氛好好. 坐的士去機場途中, 見到啲聖誕樹好靚靚. 去到機場, 全是自動化, 自行print boarding pass and Baggage tag!!

↓寄完行李, 過埋海關, 揾野食啦!! 我食hotdag, Brian 食burger  (次次坐夜機, 事前都超級繁忙, 都係去到機場, 先忙完, 依餐係我第一餐)

↓今年早走咗啲啲, 同Brian去探親,可能就係早, 機場未係多人到暈, 好容易揾到位坐. 哈哈~~ 一人一張相



↓在多倫多機場出發, 等上機, 今次出門, 有Pink Rimowa 陪我全程!!

↓由加拿大多倫多坐內陸機, 坐了四小時五十分鐘. 終於到達-----加拿大溫哥華

↓到埗----加拿大溫哥華. 即時去食宵夜. (Brian 食炒飯,我食米粉)

 

 

 

開始準備

December 12,2012 (Wednesday)

開始啦!! 開始啦!!

我而家只是將所有聖誕禮物, 和自己的東西執好, 放入自己新買的Pink and Purple行李內.

仲有幾日就坐飛機離開多倫多啦!! 黎緊嘅日子,我會同Brian 探親和去旅行啦!! 我哋下年先返多倫多啦!! 所以, 現在, 不段包聖誕禮物和執行李.

我會帶齊晒一切上網用品. 盡量一邊去旅行, 一邊update blog 啦!! (如果我唔攰嘅話!!...哈哈~~)

提早祝大家有一個愉快嘅聖誕節和新年!! 大家玩盡啲呀!!



↓今年準備送給人家的禮物. ..................買定Hello kitty 聖誕花紙包聖誕禮物

↓正在忙於執行李中!!!

Merry Christmas & Happy New Year!!

Christmas Lunch

December 9,2012 (Sunday)


星期日去完教堂.

我們竟想去外面食一個舒服lunch. 大家難得想法一致. 所以, 便go go go.

由於, 而家周處都係聖誕佈置, 所以, 我覺依餐lunch, 好像聖誕午餐咁.


↓我們慢慢吃, 這餐lunch, 吃得好舒服. 我吃沙律. 還有原來這間西餐廳的飲品, 全是出自Starbucks 架!!



↓Brian 吃肉丸意粉 (粒肉丸好大粒架!! Brian 話食到好飽肚,哈哈~~), 我的雞肉三文治

↓西餐廳環境, 現在這間餐廳的露台已經close 咗, 但間餐廳, 而家好有聖誕氣氛, 周圍都有聖誕樹和聖誕作裝飾.  而且, 餐廳內還有好多部大電視, 不段播聖誕商品廣告

吃後, 我們又去行商場了!!

這次行商場, 就行得自然點. 因為這次行商場嘅主要目的. 就是為自己空缺的東西作添設.

準備自己所需嘅物品, 幾時都是最簡單. 因為自己最清楚自己嘅需要!!

↓這天所買給自己的物品........袋m.a.c 細細袋, 但就花費了最多銀兩!! 女士啲化妝品,真是容易賺!!還有買了一對Hello kitty聖誕公仔



而家聖誕, 商場真的是人多, 所以, 行完商場,好像好攰咁. 所以, 行完商場去咗飲一個下午茶.

雖口中,說是攰.  但依啲攰, 都係攰得開心. 因為所有聖誕禮物, 自己聖誕所需嘅物品, 都準備得七七八八. 個心定好多!!


↓行完街, 下午茶, 飲了杯熱茶and 吃了一個甜roll




 

 

清淡菜

December 8, 2012 (Saturday)


近來, 都是喜歡清淡一啲.

可能, 知道十二月,這一個聖誕月, 宴會和飯聚, 會特別多.

無理由去宴會, 只有說話, 不進食. 禮貌上都不合.   所以, 現在就準備好一點. 盡量在吃方面, 清淡啲.

雖然我要求清淡餸菜, 但Brian 仍是很有興趣煮食, 就算我們忙到透, 他仍喜歡下廚.  因為他現時的心態是 :「只要可以下廚便快樂」

可能我近日, 要吃清淡菜, 因此, 令Brian 研究上炒菜. 雖然, 炒菜聽落去好似簡單一蝶餸, 但要炒得爽, 炒得像酒樓的玻璃羹炒菜. 真是不容易.

因此, 他天天炒, 真是炒菜, 都好有鑊氣. 嘻 !


↓要清淡---煲了皮蛋菜絲粥和薑蔥爆雞.  另一天, 吃了檸檬雞,蒜容炒白菜仔配撈麵



↓清淡---吃了皮蛋菜絲粥和番茄雞柳煲,  但清淡了一陣, 就忍不到, 要吃肉碎豆腐煲和腐乳雞肉雜菜煲, 還煲了竹蔗紅蘿蔔無花果湯

↓豆辦醬肉碎豆腐煲和炒白菜......有一天, 因外出吃不夠, 晚上吃了一個爽口公仔麵作宵夜.

還有近日, 天氣乾燥, 皮膚都要額外潤膚膏.  所以, 我馬上去中式超級市運場, 買一些中式材料, 煲多點湯水飲. 身體內,都多點水份. 真是感覺舒服啲.

原來, 長輩所說得無錯!! 「湯水真是飲多點好. 」----這是真的.  有些說話, 真是要長大到某一個地步, 就會自然明白.

↓有時間就煲湯----紅棗排骨葛湯

↓晚餐---辣腐乳白菜雞翼煲, 湯米粉和紅棗排骨葛湯. 我們兩個人, 飲一煲湯, 要飲兩餐才完成.  所以, 另一天, 又是紅棗排骨葛湯,洋蔥茄辣雞,湯米粉和冬菇炒小棠菜.

↓有一天, 有時間便煲了牛篣青紅蘿蔔排骨湯, 第一次用牛篣, 原來牛篣煲湯, 幾好飲. 之後, 炒蝶蠔油玻璃湯菜. 就開飯!!

↓Brian仍然每天研究 炒菜, 越炒越進步. 蝶炒菜心, 好美味, 再加個肉碎加辣豆腐煲.  另一天, 煲烏雞杞子龍眼肉乾湯和吃了我好喜歡的腐乳雜菜雞煲

↓零食----吃了Saltly Caramel 果仁朱古力 (依個好味呀!! 朱古力加點鹽味, 又幾特別嘅配塔), 有天吃了麥當當宵夜, 而家天氣凍, 杯朱古力sundae, 由麥當當買返屋企食, 杯雪糕一啲都無溶, 仲硬晒. 証明外出天氣, 都幾凍!!

生日...打邊爐

December 8,2012 (Saturday)


五妹生日, 她說:「只想去我屋企打邊爐. 慶祝生日.」

我們叫她出街癲下, 五妹好像唔多願. 其實, 我唔介意啲妹去我屋企玩, 但生日, 可以癲盡佢嗎!! 哈哈~

所以, 現在啲「90後」係好難觸摸. 我和五妹同年齡時, 我都不知幾想出街玩到癲!! 哈哈~~  不過, 五妹算係咁, 她現在是一個人料理一間屋, 我父母回港, 所有家居雜務, 全是她一個人負責!! 而且, 料理得好有條理. 算是好交帶的「90後」.

而五妹生日當天, 我班妹及她們的另一半, 總共七個人. 到時到刻, 便黎我度烚下烚!!  我們食咗好多野呀!!

而且, 而家打邊就最啱. 外出就凍, 室內打邊爐, 令捨有氣氛. 食到個身暖笠笠.

飯後, 還有Oreo 生日蛋糕!!!

↓打邊爐 (西西里蕃茄湯和咖哩湯底)


↓生日蛋糕 (Orea 蛋糕)

其實, 我屋企無咩特別野玩, 我哋一齊睇下啲music show和飲下酒. 之後, 行落樓下,附近啲餐廳, 飲下野, 就係咁, 唔覺唔覺癲到4am. 真係玩到, 天都就黎光, 真係得人驚!! 哈哈~~  但都幾盡興.



↓我和我班妹, (我係左二),...........我們去街途中, 見到我家樓下的聖誕樹, 大家影下相 

而今次籍着五妹生日, 見班妹, 啲妹就即刻送了堆Hello kitty給我.

依堆Hello kitty 都係班妹, 閒時在街上見到啲Hello kitty 物品, 便買下來. 見到我, 就成堆送給我. 嘻

雖然啲Hello kitty 物品唔係貴野, 但我知, 我班妹都好有我心!!


↓Hello kitty 物品, 有糖, 啤牌, 掛飾和環保袋

周末--坐車辦聖誕年貨

December 1,2012 (Saturday)


在外國生活, 份外珍惜----交通工具.

因為外國地大, 渣住架車, 真是渣好耐先到達目的地. 而且, 路面太多人和車, 還要找車位,  所以 如果渣住架車, 真係未到目的地,  成個人嘅精神, 都已經無咗大半.

現在, 明知星期六要去好多地鐵沿線嘅地方, 就會買個地鐵Day pass . 只要比一個價錢, 就可以全日任坐. 好抵用.

星期六, 一朝早享受一個豐富早餐, 便出外做兼職. 之後, 就去商場. 為聖誕禮物作準備.  好好彩, 有啲我想送給人家的聖誕禮物都開始減. 雖然, 唔係話減太多. 但有得減, 已經好好多!!

最最最鼓舞, 係送給人家的聖誕禮物, 已經買到差不多了!! 所以, 行完商場, 去咗買杯Bubble tea 比自己飲!! 開心下!!

 

↓早餐----煙肉雜菜Bagel, 下午, 完成了辦聖誕年貨, 便去嘆杯Bubble Tea  

↓這天, 行完商場, 過四邊停車的十字馬路上, 見到一對新人企在馬路中心影結婚相!!好funny. 咁樣影結婚相, 好特別

由於, 有地鐵Day pass, 我真是去每一個地方都好方便. 雖然, 由朝出街到晚, 有時對手仲渣住一袋二袋, 迫住上車. 但我完全唔介意. 因為方便, 慳咗好多自己嘅時間和精神!!

回到家, 夠時間和精神去煮一餐美味晚飯吃!!


↓晚餐---有我喜愛的茄辣雞腿煲(Brian弄的), 蠔油炒白菜和 椰子雞湯 (是昨天飲剩的). 還有一杯聖誕咖啡.

--------------------------------------------------------------------------------------------------------

December 2, 2012 (Sunday)


現在每個星期日, 都會盡可能去教堂望彌撒.

屋企附近嘅教堂係星期日,開準好多個彌撒時段. 今日, 好早便起身, 所以, 9am 就去了教堂啦!!

去完教堂, 就去了中式超級市場買餸, 原來, 中式超級市場一朝早都已經好多人, 但無辦法, 有點餸菜, 是需要在中式超級市場才能買到. 幾多人都要去!!

我和Brian 還在中式超級市場附設嘅food court 吃了點中式點心. 其實貪快, 但又想享受點心, 依啲中式超級市場附設嘅food court 係最方便!!


↓中式超級市場, 內裡附設的food court , 嘆點心 (冬菇蒸雞飯, 燒賣和蝦餃)

之後, 去了運動用品店, 買聖誕禮物送給人家. 其實, 我住多倫多咁耐, 都唔知多倫多有咁多咁專業的運動店. 有時, 居住在加拿大其他省份的朋友 or 外地朋友, 會托我買運動用品給他們架!!

今次, 就因為聖誕節, 知道身邊有愛好運動嘅朋友. 所以, 便去買運動用品送給人家.

雖然, 今天只是去了---教堂, 中式超級市場和運動店.  三個地方, 但由於是渣車, 用嘅精神比較多. 回到家, 只是4:30pm, 但竟然睡起來.  

好彩, Brian 煮晚飯, 如果唔係好可能我會難過了晚餐時間!!! 

↓星期天的晚餐----蕃茄洋蔥雞翼和炒白菜