Vicky 在溫生活

Victoria day---Italian Dinner

May 18,2012 (Friday)

可以擁有自己的周末---開心!!

可以擁有自己的長周末假期--更開心!!

下星期只有四日工作天------Super開心!!

Victoria Day長周末終於來臨, 一早已經有Holiday mood. 閒時, 不段講話, 要依度去個度. 一開始放假(星期五放工後), 已經急不及代走出街!!! 首先去酒鋪, 買買埋埋一堆酒. (因為公眾假期酒鋪會close) 之後, 就渣車, 去意大利餐廳.

來這間意大利餐廳吃晚餐, 我最期待是它們杯雪糕(Gelato). 但無理由第一時間就食雪糕!! 食野點都要有啲紩序

點想食意大利雪糕, 都食咗咸點先, 食咗個美味Lasagna. 之後, 即刻order杯好香滑意大利雪糕.

明明吃過Lasagna 肚皮已經足夠, 但我仍很好貪心, 好飽都要食三款雪糕, 先心息. 但食到好滿足!!

↓望住餐牌叫野食!! 算係一人一張相

↓一杯熱Latte and一客Lasagna (好味道, 啲沙律好新鮮!!)

↓最期待的意大利雪糕Gelato (依間意大利雪糕店, 都幾多太太帶住啲細路去食, 啲太太好多都帶閃閃石係身, 好shiny 呀!!)

放假心情總是活躍, 唔捨得瞓, 可以不望時間, 在家上網和看電視. 超級輕鬆!! 可能, 吃過意大利餐, 有點意猶未盡. 宵夜, 落樓下買火腿+哈蜜瓜, 還開埋支酒. 再食再飲過. 哈哈

↓宵夜, Salami+哈蜜瓜, 還有支酒!!

BBQ

May 16, 2012 (Wednesday)

現在的天氣很神奇. 一熱就熱. 大廈會所的BBQ 場都已經開幕. 日日都見到好多人走去燒.

我同Brian兩個人, 閒日食飯, 可以很隨意. 這天, 買了塊魚肉和香腸. 便走落樓下燒野食. 燒完帶返屋企食. 最多飯後吃點水果. 成餐飯慳水慳力. 就攪掂.

燒烤真係燒烤, 燒烤爐, 燒出黎個陣味, 真係唔同啲. 係屋企點整舊肉, 都食唔到燒烤嘅香味!!

今年,第一次BBQ, 未食完, 已經諗定下次幾時再燒好. 哈哈~~

↓太陽高掛.....但遲啲, 前面啲矮嘅建築物會拆, 將會起服務式酒店+ 居住大廈, 都唔知會唔會咩都遮住晒......而Brian 負責燒野食.

↓坐係度,等啲食物燒完, 攞返屋企食. 我無化妝, 只可影則面. 哈哈~~ 而我還是好怕凍, 人人短袖衫, 我仲着風褸.

燒野食, 都係熱氣, 食完喉渴渴, 走咗落樓下麥當當買Mcflurry雪糕. 買完先知, 而家雪糕加咗好多價!! 但Mcflurry 有新口味---Drumstick ice-cream 碎. Brian 仍然好老套, 食傳統Oreo Mcflurry 雪糕. 我有新口味試, 當然即時試!!

Drumstick ice-cream 碎---就好像朱古力雪糕甜筒碎. 好有咬口. 食Mcflurry 時, 啖啖都咬到脆bob bob

↓燒三文魚, 香腸+麵包. 已經夠兩個人食!! 還有, 甜品---麥當當雪糕.

媽媽day

May 13, 2012 (Sunday)

母親節, 媽媽的day. 坦白說, 我心情很"馬馬哋". 越是至親的人, 就是越是令你為難.

我班妹妹長大了, 母親節飯局上, 妹妹們會顯心思, 送禮物給媽媽. 但返回娘家之後, 我媽媽便連忙問我. 妹妹所送給她的禮物, 價錢值多少.

我只說, 禮物只是心意. 價錢不要太着重吧! 但父母親, 總是打爛沙盤問到篤. 但是屋內人來人往的. 總是要我回答, 真是多麼尷尬呢!

反而, 我頗關注, 妹妹們是利用什麼空閒時間, 使用什麼交通工具, 長途拔涉去購買母親節禮物呢? 我知道份禮物. 只是市中心, 某幾所專門店, 才能買到. 這方面, 父母沒有太大興趣想知. (thinking) 太着重聽表面啦!! 都不關心過程嘅!!

  但回娘家, 見到班妹, 吱吱喳喳, 好快又過. 但今次回娘家, 班妹無同我瞓. 因為佢哋係周末早上要返早班. 她們費事晨咁早嘈到我. 所以, 自己返房瞓. 突然間, 自己瞓有啲驚. 好耐無係娘家, 自己一個瞓. 哈哈~~

↓什麼節日, 周末飯局, 都是同一餐廳用膳, 媽媽Day 都不例外. 相中是我和四個妹+ 媽咪+daddy

   ***還有, 這次回娘家, 氣溫突然升高到25℃, 夜間只是18-20℃. 但我全家都是怕凍, 所以, 沒有特意開冷氣. 只把調較空氣調節器作fan 的形式. 我家空氣調節器是中央式. 突然開冷氣是需要很長時間. 才能感覺涼快. 但全家感受不到熱, 有誰會開冷氣.

   每次我回娘家, 渡過周末, Brian會執點包服, 跟我回娘家, 在客房渡一夜. 平時, 冬天也開放冷氣的Brian. 在我娘家已經感覺熱, 在睡覺時, 他熱到無比, 當然睡不着. 沒有冷氣對他是折磨. 他全個周末, 就好像生我的氣. 不作聲.

   離開娘家後, Brian即時對我說, 提早完成現有工作的合約, 什麼都不理會. 只想盡快離開多倫多.

這次, 我回娘家, 聽父母所說的話, 和他們對我的態度, 我已經很難消化. 還要顧及Brian的生氣. 我在這天的心情如何會開懷.

雖然, 我內心不開懷, 但我的臉, 不會展露什麼, 身旁的人還以為, 我很歡樂. .................其實有苦自己知.

--------------------------------------------------------------------------------------------------

除了家事, 三妹, 竟留意到我, 我好像有一個香港朋友, 好像消失咗.

是真的, 三妹口中所說的那位"香港朋友", 已經和我絕交.

性格和生活方式, 會隨着時間的改變. 原先以為大家是好好的朋友, 可能因為時間改變. 而漸漸疏離. 各行自己應有的道路. 這樣, 我是明白.

說絕交, 那是很嚴重. 好像做了千般壞事. 所以, 不能原諒.

朋友不想再和我有瓜摑, 我便知難而退吧!!

但很感謝三妹的關心.

↓所有媽媽day 聚會完結, 便和三妹一起去飲凍咖啡和食咖啡店新出的小型Pie .

12號--Special Day

May 11, 2012 (Friday)

我們拍拖的日子, 是在12號.

每個月的12號, 我便名為Special Day. 其實, 都是一個好好的籍口, 出外進食或者是弄一些特別少少的食物來吃. 當慶祝.

由於, 12號正日, 需要回娘家, 一定沒有時間慶祝. 所以, 提早一天慶祝

原先, 想購買Bacon, 來弄一餐"白汁煙肉意粉"吃. 但竟然走訪了三間超級市場, 所有Bacon 都賣光了. 有無咁"橋"?

臨時臨急, 要轉plan. 真是有點難度. (同埋有點勞氣, 咁簡單的東西, 都買不到!!)

看見街上的途人, 都捧着一個大Pizza和我擦身而過. 那就改為食Pizza 吧!!

入到Pizza 店, 人頭湧湧. 原來這天是Pizza 店的周年紀念日. 以Coupons 買大型號Pizza 有半價優惠. 但我手上邊有Coupon.

但Pizza 店員好好人, 我手上無Coupons 都比優惠給我. 認真好彩!!

令到我們的Special Day, 更加"Special." 哈哈~~

↓夏威夷Pizza + 兩杯凍飲 (冰咖啡和藍梅碎冰)

Patio

May 5,2012 (Saturday)

由冬天轉變夏天之間, 氣溫開始溫暖, 太陽也高掛. 着衫都可以瀟晒啲.

日間16-18℃ 理因是好好天的日子. 但我很怕凍, 這些初夏的天氣, 對我來說, 不算是暖. 我認為這些天氣是微涼, 但Brian 最喜歡這些微涼天. 星期六的早餐便去了有Patio 的餐廳吃.

這所餐廳, 我們剛顧了很多次, 餐廳為於鬧市高層大廈內, 餐廳牆身全是落地玻璃. 坐在Patio 區域, 就簡直緊貼落地玻璃而座. 一邊食野望出鬧市和建築物, 唔覺唔覺, 坐咗好耐都唔知. Brian 最鐘意啲餐廳裝修優雅+有Gimmick. 所以, 天氣許可, Brian便一定黎這所餐廳.

不過, 我喜歡這餐廳很體貼, 在室外座位, 都開了微heat. 坐在Patio 吃早餐, 都不至於過凍.

人要享受, 就點都有犧姓. 雖然我怕凍, 但如果因為凍, 就成日坐係屋企, 沒有娛樂, 生活就很乏味.

望遠啲, 向外走, 望得更加多, 思想便無意中接收新資訊. 最多凍, 咪着多件衫. 這天我享受一個美味早餐之餘, 還行了許多街, 看見很多新產品. 感覺有目標, 才生活充實. 最後,還越行越遠, 揾到一間, 空間舒服嘅咖啡店添!! 還享受埋特價飲品. Yeah!!

↓坐在餐廳的Patio 區域, 已經剛顧了很多次, 但都要刨本Menu 先. .首先飲杯花茶, 味道好香.

↓一人一張相

↓透過玻璃望下出面個景, 見到外出很繁忙, 但自己就好似好優閒. 真係好強烈對比.

↓第一張相是Brian 的Big Breakfast, 第二相係我的奄例早餐. (有牛油果, 煙肉,蕃茄,芝士)

↓食完便周街行, 見個廣場好多人影相, 貪得意又去影(其實成日經過, 都要影). 有時夏天,依個地方會有電影播放 or 音樂會

↓行咗好多街, 由電子鋪頭, 商場,家庭用品, 廚房用具. 通通行一餐, 最後, 去咖啡店飲下午茶, 剛剛好, 咖啡凍飲還有特價優惠. 間咖啡店, 仲好好坐.

去了大半天街, 回家途中便在超級市場行個圈, 買了簡單食物, 當星期六晚餐.

↓晚餐, 燒雞和什菜冷麵 (全是超級市場買回來)

------------------------------------------------------------------------------------------------------------

May 6,2012 (Sunday)

星期日, 當然遲一點起床, 一起身, 很簡單煮了麵.

這天, 留在家做了點家務, Brian 還吸塵. 真係very good!! 屋企乾淨, 我最鐘意.

其他時間, 我又是在電視,胡亂按電視搖控, 有什麼便看. 沒有特定看什麼, 反而亂按電視黎睇. 會睇得更多. 我喜歡看本地電視節目. 但Brian 喜歡看香港的劇集. 他很hong-kong-ese. 我諗Brian 看劇集,多過許多居住香港嘅香港人.

下午,我自己行落街逛, 我係咁, 鐘意去下街!! 買埋杯特惠飲品返屋企, 當下午茶.

晚上, 炒個飯......星期日時間過得簡單. 舒服啲迎接星期一!!!!

↓簡單早午餐生菜公仔麵