又邁向了新一步

October 29,2016 (Saturday)


又好耐無寫blog.

見自己可以放假,

就急起直追, 希望可以追返啲 blog.

上篇blog, 就講自己做咗業主.

到而家都好開心, 最開心係, 我同Brian 擁有自己嘅小天地.

雖然, 有自己地方, 每個星期都為咗間屋, 置依樣 or 整嗰樣. 不段周圍騰

但為自己地方, 佈置及粉飾.  見到自己間屋, 越來越齊全. 嗰種滿足感. 真係好warm. 真係幾忙, 都已經唔忘記.

原本, 我打算, 我忙完, 搬新屋之後,

我就打算找新工作,

無錯, 我想搵新工,

其實, 原有工作, 唔係差, 個個同事, 都好close. 成隊term 都好有默契.

但只係我覺自己比公司嘅新主任對待, 有點不公平.

我哋全team差唔多做晒主任嘅工作, 才能運作.

我還返足六日工,

Brian 也感覺我忙得無價值.

但當時, 還忙於, 買新屋啲賣買合約, 諗住忙完間屋, 先再諗自己份工

點知, 當我簽完, 我新屋嘅買賣合約之後,

大概幾日之後,

我收到一個電話, 係我公司嘅第二個department 嘅主管打黎揾我,

因我較早前, 曾經去這個department 幫過手, 這次來電, 我還以為, 是工作上面嘅跟進.....

點知, .......

電話另一邊嘅主管, 她的語話, 講到好神秘咁.

第一句就問我「你身邊有無其他人??」 「以下, 我和你的對話, 只可以你和我才能知道」

這個主管:「我這邊有一個職位, 剛空置, 需要人, 我便想起你........, 你有無興趣, 都答覆我吧!!」 「如你有興趣, 我會教你如何做......但全個過程, 都不要提及, 我打個這個電話給你.」

就是這樣, 我一步一步跟住做, 但其實, 都係同普通求職嘅過程一樣, 我要去HR Department, 之後, 就interview . 但這個interview 就好輕鬆. 因為個主管, 好似同我傾計咁, 嘻嘻哈哈,就完咗interview.

因此, 我未正式搬去自己間新屋, 我已經入職去我自己個新職位.

我工作崗位, 又邁向了新一步.

雖然, 係新職位, 但我仍然是同一間公司工作. 只是department 不同.

Brian 話, 我這次轉工, 我好像咩都是自己做, 例如, 上求職網申請職位, 去HR, 去interview. 就好像, 每一個step 都是我自己申請, 但其實, 所有過程, 都是主管, 事先話我知, 其實, 我似比公司第二department挖摑多啲.

唔理係點, 轉咗新Department, 待遇真係好啲, 雖然每日嘅工作量增加不少, 更比以前忙, 還有很多考試, 要溫, 但我覺忙得有價值.

我不經不覺, 係這個新職位, 做咗五個月啦!!

感謝上天, 安排機會給我! 



↓早排, 我生日, 我啲同事, 係我部電腦裝飾,  祝賀我生日快樂. 由於我喜歡bubble tea and  bbq, 所以, 我啲同事就整依啲裝飾品比我. 

 


↓有時, 會同啲同事, 一齊出下去食lunch or 去飲杯嘢

 


↓係新公司附近, 有間日本快餐店, 有時買返公司食.

 


↓也有, 新同事一齊放咗工之, 出去食晚餐. 

 


↓有時, 新公司啲同事會買啲甜點一齊食.......新職位, 工作量是比以前多, training course 都多, 但公司, 依班team 好organize. 大家一齊很努力, 忙都忙得開心~