復活節假, 行戶外商場

April 6, 2015 (Monday)

難得復活節假期, 商場都營業. 而且, 天氣又好

那就當然去戶外商場行下. 順便享受下太陽光.

今次, 仲特登約埋Brian 父母一齊去行.

因為他們平時所學嘅課程都係復活節假期休息.

所以, 咪一齊行下街兼食飯囉!!

講開行商場, Brian 媽就最喜歡.....她一shopping 真係好狼, 邊間鋪頭都入, 真係咩都可以買一餐. 好短時間, 已經買咗幾袋. (但她已經話收歛咗, 未退休前, 仲shop 得更狼!!)

可能, 就係咁, Brian被訓練到, 好行得街. 而且, 好有興趣同我行商場.

今次, 行商場, 我都有收獲.

買到嘢, 當然開心啦!!


↓我今次收獲, 就係買咗鞋, 衫 & 裙..........我鐘意行戶外商場, 因為感覺開揚啲. 而且, 天氣好, 行戶外商場, 順便一邊行, 一邊享受下太陽光.

↓行咗陣商場, 去西餐廳食個午餐. Brian媽, 食咗墨西哥薄餅配沙律, Brian 爸就就火雞餐

 


↓我食咗肉粒番茄意粉, Brian 食club house 三文治餐

 


↓其實, Brian 媽, Brian 以及我, 都是超級喜歡行商場嘅人, 今次隨行嘅Brian 爸, 有點受罪咁, 因Brian 爸唔喜歡行商場, 所以, 我哋行行下, 會轉戰去食, 作中場休息, 又等Brian 爸無咁悶!! 哈~我哋下午茶, 去咗嘆件西餅和咖啡.

↓其實, 我哋都幾發癲, 由下晝行商場行到夜晚. 先捨得走. 臨返歸, 去埋港式茶餐廳食晚餐先返歸. 食咗泰式炒飯及蕃茄焗豬扒飯