長周末頭炮

February 7,2015 (Saturday)


這個周末.......是長周末.

除咗星期六,日. 仲放埋星期一. 好舒服!!

頭炮節目, 去咗食拉麵.

其實, 依間拉麵店, 係我同Brian 定居溫哥華時, 第一餐兩個人, 出去幫襯嘅餐廳.

當時幫襯, 我倆個心, 都未穩定. 此於, 新搬黎溫哥華, 什麼都是從頭開始, 真是什麼事, 都懷着, 十萬個為什麼.

雖然, 而家唔經唔覺定居咗溫哥華一年半. 時間唔算好長, 但已經少咗好多疑問.

有時, 好想食拉麵, 就自然醒起, 依一間拉麵店.

雖然, 感覺這間拉麵店嘅管理和菜單有點轉變.

但我同Brian, 就食到個份情懷出黎.

好感恩, 這一年半, 一齊行嘅路


↓日本拉麵

 



↓出咗街食拉麵, 之後邊會咁容易返歸, 點都直落, 無嘢買, 點都去商場行個圈先. 去商場先知, 已經佈滿農曆新年裝飾.

 

↓其實, 啲農曆新年裝飾同舊年差不多, 但勝在啲裝飾夠大型, 而且全個商場嘅位置, 都有佈置, 行到邊都有氣氛.

 

↓話無嘢買, 但又唔知點解, 又會買到一堆嘢返歸. 全是特價貨, 我會買得開心!!

↓長周末嘅節目,係會多咗啲. 夜晚同鬼佬朋友, 出街食晚飯. 首先, 就是飲下酒, 中西酒都飲下

 


↓飲咗個燉湯,(叫"借姑" 燉湯---好清甜) 還食咗隻鴨 (菜名:沈魚落雁)

 


↓依個齋菜個presentation 好特別. 開出黎, 全都是齋菜. 食落去好甜.

 


↓食咗個好好送飯嘅咸蛋肉餅. 還有豆腐, and 魚 (魚骨炸, 啲魚肉起晒黎炒時蔬)

 


↓甜品, 食咗啲煎堆仔&杏仁餅, 還有芒果布甸

 


↓題外話,....食晚餐時, 見到隔離枱班五星人, 飲緊相中個袋酒, 我見到「賴茅」兩個字, 即刻笑咗出黎, 因為「賴茅」讀音, 好似「賴貓」. 他們飲啲酒個名, 都與別不同過人. .......我同Brian 講, 隔離枱五星人飲緊「賴貓酒」哈哈~~