就係咁簡單

February 28, 2015 (Saturday)

我......發脾氣.

令到原本放假嘅一天.

就變了沉重的一天.

但事後, 又會覺自己為何會咁無謂.

好簡單嘅事, 都可以嬲

黎到溫哥華, 空閒時間好像很少.

很多時, 做好簡單嘅一件事. 都好像限時限刻

真係應該珍惜放假嘅時間.

而且,每每Brian一空閒,  實會帶住我周圍去.

他比我更忙. 但不時給我驚喜. 我發脾氣. 他唔介意我發出黎.

只要我每一天, 肯食, 肯瞓, 工作無壓力...... 就係咁簡單. 就是他嘅樂事!


↓星期五Feb 27, 難得Brian 放早, 大家走去食拉麵. 好耐無食, 食咗好滿足.

 

↓有一日, 同咗Brian 去食lunch, 其實, Brian 就係想帶我去食Godiva 軟雪糕. 他很記得, 我講嘅說話.

 

↓依一日, 記得Brian 好遲收工, 連dinner都無未食, 但他知我珍珠奶茶癮到, 帶咗我去飲Bubble tea 先, 之後, 先去麥當當食dinner.

 


↓早餐-----我是最無時間食, 所以, Brian 會間唔中買早餐比我, 皮蛋粥+蘿蔔糕+咸水角,還有港式麵包. 份量多, 通常食唔晒. 但我肯食, Brian 都已經好安樂.

 


↓有時, 我會提議出街食早餐, Brian 實會逢陪.  .....現在間唔中, Brian 會買啲中式早餐比我.

 

↓近排, Brian 屋企好忙, 可能農曆新年啲飯局, 所以, 我哋出街食or 食外賣. 所以, 多咗兩個人時間. (Happy 到跳舞)

 

↓早排, Brian 媽唔覺意消滅咗我啲蛋卷. Brian 驚我唔Happy, 其實, 我無唔開心, 只係覺Brian 媽食零食,會如此快.  但Brian 放工之後, 即刻買返另外堆零食比我!! 

 

賀年飯+ 賀歲片

February 22,2015 (Sunday)

新蒸頭, 飲飲食食嘅慶祝. 真係特別多

所以, 近日都出街食飯多!! 

可能, 新年啦!! 個個都出街慶祝

連出街食餐飯, Brian 父母都係restaurant 裡面, 撞到其他朋友. 

原來, Brian 父母, 有啲朋友, 係香港慈善show 嘅總理.  唔覺知得, 咁熟口面啦!!  

新年除咗見多咗人, 啲酒樓仲好爆, 因而出菜比較慢.  所以, 今年食賀年飯, 有好多餐都食得好趕. 

食得趕, 係因為有啲朋友, 食完餐賀年飯, 要趕夜機返香港.

而我和Brian 就趕住去戲院.  睇賀歲片---衝上雲霄(電影版).

估都估唔到, 身處外地, 我有機會睇到賀歲片. 



↓賀年飯-----鮑魚豬手冬菇蠔豉煲(非常好味, 成煲都炆得好夠味), 飲咗木瓜湯

 


↓龍蝦伊麵(啲麵好好食, 龍蝦肉好爽口), 章魚介蘭 (炒得好爽)

 


↓仲有咸肉片髮菜冬菇及乳鴿. 還有一條好好味嘅蒸魚, 但唔記得影相

 


↓趕睇最夜嗰場賀歲片,  "衝上雲霄" (電影版). 加拿大依邊, 稱依齣戲係外語片

 



----------------------------------------------------------


另一餐, 賀年飯.

都係同Brian 父母啲朋友, 以及朋友啲小朋友一齊食. 


↓飲咗個雞絲羹, 鮑片髮菜蠔豉生菜

 



↓龍蝦配蛋麵. 炸子雞

 


↓帶子菜心, 蒸魚 (好喜歡酒樓啲蒸魚, 好好食, 自己點蒸,都蒸唔到)

 


↓還有糯米飯, 甜品杏仁茶.

 

農曆年初一

February 19, 2015 (Thursday)

點都是係香港長大過,

農曆新年嘅興奮心情, 此終走唔甩. 

咁興奮, 那就約Brian 出去嘆個lunch. 

放工之後, 再去行陣街, 食下啲小食, 周圍逛下, 當行個大運!!


↓我哋驚食中餐會多人, 所以, 年初一嘅 lunch time 去食西餐

 



↓放咗工就去食日式層層雪糕+ 去嘆咖啡店(但飲薄荷凍飲)

 


↓今年溫哥華天氣比較暖, 二月已經處處櫻花, 農曆新年, 就順便賞花

 


↓好少何, 農曆新年可以賞到櫻花. (而家啲櫻花未開得大, 遲啲櫻花大朵啲, 會密啲, 同靚啲)

 




入夜, 到大年初一晚餐.

係依啲農曆新年日子, 理應會去食中餐

但Brian 父母, 最怕人多. 又最怕, 農曆新年期間, 中餐廳, 唔比訂位食飯.

所以, 年年農曆新年, 都會食中餐之外嘅食物!!

今年, 農曆新年, 就去食日本菜黎慶祝!

日本菜, 開正我同Brian 胃口啦!!

我同Brian 真係不段食, 不段order壽司. 攪到最尾, 好似Brian 父母坐係度望住我和Brian 兩個表演食壽司咁.

因為我同Brian 真係一食起壽司, 就食好多!! 哈哈~~

Brian 父母都佩服, 我和Brian 可以一次過食到咁多壽司落肚.


↓係得溫哥華居住, 啲壽司店, 好難話會唔好食, 因為溫哥華近海, 又多日本聚居, 所以, 刺身選擇都多啲, 而且又鮮味啲,最開心, 溫哥華食日式食物比多倫多便宜及有鮮味.  頭盤, 食咗刺身及焗蠔

 


↓仲食咗燒鰻魚飯, 生牛肉

 

↓壽司出黎啦!! 依間啲壽司, 配塔特別, 我覺好岩我口味呀!! 所以,  encore 又encore. 還食咗餃子

 











↓roll 呀!! 不段order, 不段食. Brian 父母, 好快就停咗筷,但我同Brian 不段食!!

↓仲食埋甜品, 食做朱古力梨和炸香蕉雪糕, 食完返歸, 睇tvb 啲新年節目, 又見到麥玲玲

 


↓年初一, 行街時, 買咗條廚房抹手毛巾, 朱古力及新口味嘅粟米片

由朝玩到晚的年初一!!

農曆新年 (年三十)

February 18,2015 (Wednesday)

見係----年三十.

內心又有強烈嘅農曆新年feel.

當然, 諗啲節目玩下.

我哋原本, 一早plan 定去某一樹, 食餐lunch.  

點知, 去到目的地, 又有修路工程. 又無車位.

所以, 就突然間轉咗場地,食lunch.

就係因為轉咗場地. 食lunch.

比我同Brian 見到好多農曆新年佈置和舞獅表演.

好開心呀!! 

↓嘩!! 依一個經常都係西人行嘅商場, 係商場中央位置都整咗農曆新年佈置. 好大好大嘅桃花呀!! 好有心思嘅佈置

 

↓係商場仲見到, 有舞獅表演. 邊間鋪頭門口, 掛住棵生菜, 舞獅就會行埋去,採青....and 舞下獅!!

 


↓我真係完全估唔到, 溫哥華啲西人, 都幾重視農曆新年, 差唔多間間鋪頭, 都有生菜掛係鋪頭門口. 我哋影到啲舞獅, 採青. (箭咀指住)

 


↓近距離同咗舞獅影一張相.  哈哈~~ 其實, 舞獅表演都幾多人圍觀, 好熱鬧. 睇咗一輪, 就去食lunch. 我哋食咗全日供應嘅A+B 早餐. 但加咗波蘿包

 


↓到放工, 就同Brian's parents 一齊去食dinner. 我哋去打邊爐呀!! 滾呀滾, 長滾長有!!

 

↓叫咗新鮮魚黎打邊爐, 啲魚頭,魚尾, 魚邊, 就清蒸, 食盡全條魚, 但條魚好鮮, 真係好好味!

 


↓我哋打邊爐, 食好多, 叫到全枱都係,....最後, 仲食咗個蠟味煲仔飯. 啲飯...好好味, 食到個肚凸出黎, 都要食!! 但依一餐, 食得好趕, 因為Brian 媽好驚, 我哋食完打邊爐, 沖唔切涼, 因為Brian 媽, 話, 年初一, 係家中唔可以用太多水, 所以, 依一餐,打邊爐無食甜品, 就埋單啦!! 哈哈~

 


↓返到歸, 見Brian's mom 已經準備咗啲全盒 and 新年食品. Brian屋企, 真係咩野節日, 啲工夫都做到好足.

↓Brian's媽啲朋友送咗農曆新年禮物比Brian 一家. 啲朱古力又靚又美味!

 


↓農曆新年, 開加拿大中文電視睇, 因為依啲時候, 實有特備節目. 估唔到中文電視請到加拿大總理, 去現場演講, 祝賀農曆新年. 平時, 依啲活動, 議員做已經得. 估唔到總理(全國最大粒嘅人物)會親身去中文電視特備節目. 我好驚訝