星期一, 返一日工, 之後星期二(July 1)就放假.---- 放加拿大國慶日
其實, 一星期嘅中間, 放一日假, 比我嘅感覺都是幾好!! 因為唔洗直落返五日, 咁辛苦. 中途好似有得抖下嗎!!
雖然, 現在加拿大的國慶, 大部份商鋪, 食店都會照常營業. 但我都無咩邊度想去!!
只是出街食下嘢, 順便買下日用品, 睇下世界杯,..... 就係咁!!!!!
↓加拿大國慶日, 天氣好好呀!! 出咗街行咗陣, 食下雪糕
↓食完雪糕, 去食下午茶, 西餅+ 咖啡
↓加拿大國慶日, 睇下世界杯, 食下依家當造嘅車厘子
而係國慶日, 放假嗎, 有多啲啲時間, 所以, 夜晚Brian's daddy 攪了bbq dinner.
即燒完, 即刻食, 真係好好味. 而且, 我估唔到, Brian's daddy 好識掌握時間, 啲bbq food, 真係件件都燒得剛剛好, 唔會過熟!!! 美味!!
↓晚餐, 首先黎個藍莓芒果沙律, 之後啲bbq food 到啦.......有帶子串燒
↓BBQ 晚餐, 還有燒三文魚.... 啲肉質燒到剛剛好!!
↓BBQ 晚餐, 還有香腸和燒牛扒....好yummy
↓雖然, 食咗豐富dinner, 但加拿大國慶當天嘅宵夜, 食咗雪糕和薯條...哈哈
(真橋, 年年加拿大國慶日, 我係多倫多時, 都"興"bbq. 當年, 喜歡找自己班妹, 係自己會所玩bbq 癲返下!! 今年, 第一年在溫哥華過國慶日, 原來也是bbq 中渡過. )
(今日, 我仲唔知發咗邊條根, 同咗班妹whats app 一返!! 好掛住她們!!)
美國國慶啲人多數都係BBQ, 但今年落雨，我哋都無燒。
ReplyDelete掛住啲妹就放幾日假返去探吓佢哋啦！
Jackie Green:
Delete~放假最好bbq, 又好玩, 又好食, 而且食耐一耐都得.
~原來今年美國國慶落雨. 不過, 落雨無咁熱, 出街都舒服. 北美生活, 真係要係夏天先多啲機會出街行下.
~我唔可以話請假就請, 現在份工太多野follow 啦!! 又有試要考. 所以, 都好難話探到啲妹. 好彩, 互聯網方便, 都係網上聯絡多
我比較貪心，放埋星期一，整咗個extra long weekend嘆下! ;)
ReplyDelete見到BBQ食物相相，實在有十級羨慕呀!! 有無襯假期去睇煙花比賽呢?
海豚兒:
Delete~嘩!! 太好啦!! extra long weekend. 其實, 我係一星期放一日, 我都好滿足. 哈哈~~但當然可以放多啲假,就最好啦!!
~而家bbq 好方便, 足不出戶都可以bbq, 買個grill pan 燒下肉, 都有bbq 效果. 以前我都有個grill pan, 出面落雨, 都食到燒烤味道
~煙花比賽好似係七月尾, 八月頭. 我隔條街就望到. 我都有提自己, 去望下
天氣好好呀~~
ReplyDelete又食宵夜薯條,杯雪糕好高呀~~正^^
殷師奶與大爺:
Delete~依家搬咗黎溫哥華居住, 天氣真係好好多, 夏天都係清爽嘅熱.
~放假先會食宵夜, 平時都少食宵夜, 連薯條都少食, 放假先放縱一下
香港回歸日，原來又係加拿大國慶呀?
ReplyDelete7月是否唔係好熱呀?見妳著住長袖衫
Oli:
Delete~無錯, 七月一號是加拿大國慶日. 對香港移民黎加拿大啲人, 會有雙重感受. 加拿大國慶, 係值得慶祝嘅日子. 但如果香港無回歸,都唔會移民啦!!
~溫哥華天氣清爽好多, 夏天都唔會太熱, 但又feel 到夏天感覺!! 不過, 我比較怕涼, 所以, 我會着長袖衫
Will your sisters be coming over to visit you?
ReplyDeleteFrank and Lois Plus 2:
Delete~我啲sisters 都有提及過, 找機會黎溫哥華玩. 但都要我and Brian 有時間先. 如果我啲sisters 黎咗, 我哋忙返工, 都對唔到我啲sisters 太耐.
香港回歸日, 也放假一天 . 我都是在家休息無週圍去......太熱了
ReplyDelete大海冬日:
Delete~放假在家都唔錯!! 有自己屋企, 真係舒舒服服. 嘆幾耐都得.
BBQ我最鍾意燒腸仔。
ReplyDelete你要四朵金花齊哂WHATSAPP都唔易喎。
Angela:
Delete~Brian 屋企講究健康飲食, 腸仔都唔係太多時食, 不過, BBQ 就可以例外!! 哈哈!! 因為我係BBQ 都喜歡食腸仔!!!
~又唔會四個妹一齊講Whats app. 因為有啲妹開始大, 有自己生活和不同班工作在身. 我都係今日同依個妹傾, 第二日就同第二妹傾.
原來都還有妹妹在多倫多，難怪你初時在溫哥華唔習慣。
ReplyDeletesamwei:
Delete~我原本係多倫多人, 所以我家人是在多倫多.
~雖然黎咗溫哥華, 但我又無咩點話想返多倫多, 只係掛住啲妹. 反而以前由香港移民加拿大. 我好掛住香港.
英國無DQ，澳門有好多間DQ，看到你的雪糕流口水了。
ReplyDeleteKa:
Delete~英國無DQ, 不過英國都幾多其他牌子雪糕店, 無咗DQ 都應該有大把選擇.
~你好像每年都返一返澳門, 返到澳門, 就食返夠本啦!!
我剛剛都BBQ左，真係好開心呀！不過湊住兩個去BBQ真係吾係人咁品，希望大D好D啦！
ReplyDeleteMrs. Wu:
Delete~bbq 爐, 燒出黎啲食物, 真係好味啲, 特別香!!
~其實, 我覺你兩個女都算係乖乖女. 不過, 而家年齡比較細, 真係要跟足啲. 大啲會好好多
VICKY I MISS YOU SO MUCH~~~~~
ReplyDelete見到你咁正既假期 我不知幾想呀 依加日日吾得閒... 唉!!!
我依加好小玩電腦打BLOG 但又好想知道你近況
搵吾到你FACEBOOK AR >_<
你E-MAIL比我呀 kiki721girl@hotmail.com
meiwa tsang:
Delete~你係咪已經生咗B女 啦??所以忙咗??
~ 好呀!! 我轉頭send 我個facebook address 去你email.
嘩~你地又食大餐，好開心咁呢:)
ReplyDelete最勁係你食極唔肥！
艾華斯:
Delete~放假日, 當然有大食大, 開心一下
~你誤會, 食極唔肥, 真係無我份. 我體型比較大舊㗎!!
~不過, 食嘢比到我開心. 所以, 一放假都會食好啲, 平時, 就食清淡
bbq好豐富呀，我都中意食DQ的雪糕
ReplyDeleteOphelia
Delete~我覺bbq 食得豐富啲先好玩.
~DQ啲軟雪糕好滑, 我都鐘意食!!!
又係抺茶雪糕嗎?? 我都好想食呀 >_<
ReplyDeleteMandy Chui:
Delete~依邊都幾多抺茶軟雪糕賣. 現在係夏天, 見到就想食.