落大雪+ 剪頭髮

December 20,2013 (Friday)

又話溫哥華冬天, 會無咩雪落嘅??

今年冬天, 我係溫哥華已經, 經歷咗第二場大雪.

一場比一場大. 好得人驚.

由其是溫哥華啲道路, 好多都係斜路, 落雪渣車, 好驚呀!! 不過, 依度啲人, 一落雪, 渣車渣得好禮讓. 感覺好好.

而放工時份, 自己坐巴士返歸. 等車等咗45分鐘. 原因都係落雪!! 但所有乘客, 一句都無抱怨, 還好耐心等.  好好呀!! (講真, 如果有人趁班次延誤, 乘機攪事, 我會好驚!)

不過, 都係唔好complain, 原來係加拿大, 溫哥華的冬天, 是全加國最好的地方. 見到加拿大其他省份, 凍到-20℃, 又落冰, 又落雪, 又大風. 還引發停電.

但溫哥華, 只係-1℃, 無咩括大風.  所有設施沒有什麼大影響. 已經係好好了. 況且, 這場雪, 落完一日, 第二日已經溶晒. 又綠草浮現. 哈哈~~

有時, 我會諗, 係冬天, 由其是十二月, 落下雪, 白檬檬一片, 先有啲聖誕氣氛嘅!!

不過, 就係依場雪, 令我延遲咗買聖誕禮物比人. 今年, 買聖誕禮物送比人, 都買到好趕呀!!


↓一起身, 啲積雪都幾多, Brian 要剷雪

↓沿途渣車, 都落緊雪, 但好好彩, 一切順利. 路面上雖有積雪, 但啲車都好禮讓

↓似唔似聖誕卡啲畫面, 所以, 十二月落下雪, 係會有啲聖誕氣氛嘅!!

--------------------------------------------------------------
December 21,2013 (Saturday)


貪落完雪, 唔多人出街, 所以走去剪頭髮.


而且, 聖誕節就到, 就執一執自己, 我終於, 係溫哥華剪了第一次頭髮.  


而我個新髮型, 都無咩特別, 只是剪短少少, 等自己望落去整齊啲。 聖誕節去食飯, 都整齊啲!!


↓新髮型, 無咩特別, 只是剪短少少. (當日個樣有啲攰,哈哈~)

而我成日感覺溫哥華, 這邊啲人好有善啲. 脾氣唔太操.

有時, 等車或者係條街行下, 啲人都同我笑晒口. 傾埋計添!!

所以, 有時去啲陌生地方, 唔識路, 真係周圍都問到人. 好有安全感.  好似依日, 剪完頭髮, 行返歸, 途中又有人, 同我傾計. 大家講下聖誕節. 互相祝福. 感覺好好.



----------------------------------------------------------------------

而近排都好似好多嘢做, 又去咗好多地方食下嘢, 又周圍騰. 準備聖誕送給人.  總之,好快就一日.


今年我嘅聖誕, 只放兩日假 (Dec 25, 26). 所以, 都去唔到邊度旅行. 但就計劃去行下街, 試下係溫哥華boxing day shopping. 同埋參加一連串聖誕飯局和做伴娘. 無去聖誕旅行, 但好似仲多咗嘢參加!! 哈哈~~


Anyway, 大家聖誕快樂, 身體健康.