沒有Plan, 有驚喜

November 16,2013 (Saturday)

係weekday, 會幻想下. Weekend, 去邊度食, 邊度hea!!

但這個星期, 可能太忙, 所以, 無特別幻想定。

就好簡單, 一切隨心, 想做咩就做咩, 反而, 無預期, 更有驚喜.

近來, 天氣開始凍, 最低有零下-1℃!! 係依啲天氣, 個心好想食啲嘢, 滋潤下. 所以, 就上網摷chinese糖水店!! 食碗熱辣辣嘅糖水.  潤一潤!! 真係舒服好多.  (有時, 我覺chinese啲飲食智慧, 好叻㗎!! 啲chinese嘅杏仁糊, 乜乜合桃露, 真係好潤㗎!! 所以, chinese 嘅甜品, 都係有益過人!!)

事前, 都無預friday night去食糖水,只是胡亂上網摷,又比我揾到間, 好美味嘅糖水店!! 我, Brian and Brian's mom 三個人, 食足四個甜品. 食到好開心!!! 食完個身仲好暖淋淋添!!

↓Friday Night食咗熱辣辣薑汁豆腐花, 杏仁糊, 腰果糊配芝麻湯丸 and 榴蓮肉西米露. 食完, 仲去買朱古力食. Happy~~

而係星期六, 其實都無咩點諗過去邊度食lunch.  首先, 去咗個商場買冬日長襪, 所以, 就係商場個food court 食埋lunch!! 可能, 天氣涼咗, 所以, 我揀咗一個, 一人麻辣豬肉火窩食! Brian 就揀鐵板飯食. 兩個餐, 之前無食過, 但兩個餐都好好味, 熱辣辣!! 食到出晒汗.  飯後, 仲要買個日式crepe 降溫添. 哈哈~

無plan 定, 食到好嘢, 真係好驚喜!!


↓星期六lunch time, 食咗一人麻辣豬肉火窩 and 日式鐵板飯. 還有日式crepe (裡面有綠茶雪糕and 芝士蛋糕, 好好味!!)

而食完lunch, 就行下商場, 點知發現美國集團--Target, 係我行嘅商場開始營業, 講真我事前, 真係唔知Target 會係溫哥華咁早開業!!  見到開咗, 當然入去行啦!!

Target 裡面啲日常用品, 只係個原價都好抵買!! 雖然,我知美國嘅Target仲會低價啲. 但Target 係加拿大開咗, 我覺對加拿大消費者, 都已經係喜訊!!

點解Target可以做依個價, 但加拿大其他零售可以做到咁高價呢?? Anyway, 我係Target 買嘢!! 買到我好開心!!  以後, 我買洗頭水, 都要去Target!! 因為真係......便宜好多呢!!


↓Target係溫哥華開咗啦!! 我係裡面買到一袋二袋,好開心!! 而夜晚去咗同Brian父母出街食飯!! 

這個周末, 真係咩都無plan, 但到頭來, 所食嘅嘢, 所行嘅地方, 都好有驚喜!!  有時, 唔plan 定, 隨心想去邊就去邊, 原來仲好玩!!