今年中秋

September 30,2013 (Friday)


今年中秋竟在溫哥華.

其實, 想也想不到, 會如此早, 移居去溫哥華.

雖心中是有移居的心. 但就不至於, 這樣快.

事原講返, 三個月前(即是2013 六月), 當時, 剛去完法國旅行. 返回多倫多. 回覆正常生活.

我隔離嗰個人, 正常地, 返回多倫多所工作的公司返工.  但他無意中看到溫哥華的職位網站. 就是這樣, 申請了某職位.

但一切黎得, 真是快過打針, 好快就約見--面試. 經了幾關,最後, 當然是僱用了. 九月便要在溫哥華上班.

我得知這個消息. 是在七月中. 當時內心有點喜悅. 因我終可離開, 擁有半年寒冷冬天的多倫多啦!

但要係一個多月, 準備移居. 真是一點都不容易. 不過, 我最不捨得, 係我同Brian係多倫多住嗰間屋, 裡面不至於是豪華裝修. 但每一件傢具, 每個角落, 都滿載着, 我和 Brian 的歡樂回憶. 而且, 間屋附近, 交通方便. 設備林立. 帶了我生活上很多便利. 在執東西時, 都相當不捨得.

臨離開多倫多時, 當我最後一次, 為多倫多間屋上鎖. 不禁流下不捨的淚.

還有, 我所有妹, 在我臨離開多倫多嗰日, 去了我多倫多間屋接我去機場. 當天還是閒日, 每一個妹都需要上班, 都特登黎, 送到我最後一刻. 非常感動.


--------------------------------------
我到步溫哥華, 隔無幾日, 便是中秋節.

可能溫哥華, 是亞洲地區, 第一個接觸加拿大的地方. 所以, 我感覺溫哥華的亞洲人都比較多, 連
中秋節貨品, 也有很多不同款式選擇!!  吃了很多美味的月餅.

↓吃了盒榮華月餅和左下角的新加坡出產的榴蓮月餅. (個榴蓮月餅, 好香. 一食愛上). 今年係第一年係溫哥華過中秋. 見到溫哥華嘅月光

而我和Brian.  算是第一年, 係溫哥華渡過中秋.   但這個中秋, 竟要提早同Brian 父母食過節飯.  因為Brian 父母, 中秋節當天, 會出發去旅行. 當然啦, Brian父母無預計我們會這個時候移居溫哥華, 所以, 我哋移居了溫哥華幾天之後, 我和Brian就要同Brian 父母係機場講拜拜. 哈哈~~~

↓提早和Brian 屋企食中秋節飯 (食了蝦, 梅菜扣肉, 「下圖」有梅子鴨+芋頭餅, 還有新加坡溜蓮冰皮月餅)

而中秋節正日, 就變返得我和Brian 一齊慶祝!! 兩個人去行Stanley Park, 之後再去食飯. 好舒服的一天.


↓中秋正日, 去了溫哥華的Stanley Park 行下.

↓中秋正日, 去吃日本拉麵. (我發覺溫哥華, 有很多日本人經營的店鋪, 亦有很多日本在溫哥華聚居)

------------------------------------------

旁人問我溫哥華生活慣嗎??

可以話我自己還未知慣未, 但我對溫哥華是不陌生. 因為以前, 一放假便來溫哥華. 以前黎講, 溫哥華是我去旅行嘅地方.  現在的溫哥華, 是我生活地方.   出街要開始認路, 有時都唔知下一條道路叫什麼名稱. 出街就好似冒險咁. 但溫哥華比我的印象是不差.

不過, 我好喜歡溫哥華的城市規畫, 公共交通系統, 好容易就捕捉到. 我係溫哥華, 單是坐公共交通工具, 已經到達了許多, 我想去的地方.


↓其中一款的溫哥華交通公具, 叫SkyTrain.(有如地鐵, 但地鐵係地低, 溫哥華啲地鐵是起在天橋上. 所以名為Sky Train) 

---------------------------------------------

但由於今次, 我們移居得突然.

現在, 我是居住在Brian父母間屋. Brian 和我, 再加Brian父母, 總共四個人一齊居住一間屋.

當中, 我有啲唔慣住一間屋, 真係叫Brian, 都要大叫. 以前住apartment. 真係一目了然嗎! 而且, 以前係2人世界, 現在是四人同住. 係需要找個平衡點. 但好好彩, 是Brian's 父母都好開通.

居住方面, 除了四人同住, 而我身邊還有一個nanny, 一切清潔都是由她負責!! 但原來管理nanny, 都是一門學問. 近排,才慢慢學識. 講真, 咁大個女, 第一次有nanny 幫手咋.

我知新生活, 係需要時間適應. 但我知我隔離嗰個Brian, 好顧及我感受. 每天都擔心我, 是否開心快樂.

一有時間, 便帶我遊溫哥華. 我知他想我了解溫哥華多一點. 同埋想帶我出街多啲, 當散心.

但我決定來溫哥華生活, 就會盡量投入, 而且, 我知道我和Brian 未來的生活. 是會好好的. 依方面, 我是有預感.

現在, 就是一步一步行落去.  而今年中秋, 就是我新生活的好開始.