星期六--Queen Elizabeth Park & Japanese Ramen

October 19,2013 (Saturday)


對我黎講, Weekend 係星期五夜晚就已經開始啦!!

所以, 係星期五嗰一日, 咩都會興奮啲!!

雖然, 近排好大霧, 但唔會比啲霧影響. 照出街.....

首先講星期六 Oct 19, 一起身就去咗Queen Elizabeth Park 行.

係呀!! 又係去行公園. 況且, 行多啲又無壞!!  而且, 溫哥華真係好多大型公園行. 真係近近哋就有一個.

今次去依個Queen Elizabeth park公園, 除了花園景, 仲有噴水池,行人小橋和餐廳..... 還有一個比較學術性質嘅熱帶雨林溫室展館. 通常學校去戶外參觀, 都會去. 但我就唔去個溫室啦! 因為只係行個Queen Elizabeth Park 個花園都有排行.



↓一入到Queen Elizabeth Park 入口, 就見到個巨型噴水池.  個噴水池仲有花式. 美麗. 旁邊嗰個半圓形玻璃建築物係熱帶雨林溫室展館




↓Queen Elizabeth park裡頭個鐘

↓係Queen Elizabith Park 地圖影張相, 而我好鐘意溫哥華啲公園設計, 單車和遊人, 行嘅路係分開的. 感覺係公園步行都安全好多.

↓Queen Elizabeth Park 個花園景. 遠望仲見到溫哥華的市心

↓同Brian 係Queen Elizabeth park 一人一張相!!

↓行行下Queen Elizabeth park公園裡面, 見到啲好特別嘅石像. 所以, 就影張相.  其實, 依個公園, 好多遊客參觀, 一架架旅遊巴, 送啲遊客黎參觀, 但啲遊客好nice, 一個一個排隊輪住影相.  

↓Queen Elizabeth park個花園啲值物種得好靚呀!! 而家又係秋天, 周地都係紅葉, 行人路佈滿紅葉, 好似放完奏節嘅氣氛咁!! Happy~~

------------------------------------------

行Queen Elizabeth 公園, 行到差唔多, 就渣車過橋, 去downtown 食lunch!!

以前出街, 個腦都會諗, 行邊條高速公路, 先會到達目的地.

而家去街, 個腦會諗, 行邊條橋, 先會到達目的地.

溫哥華, 此終近海, 所以, 橋---就係跨越不同區域嘅必需品, 真係去邊都要過橋. 成日出街都好似過海咁. 雖然我話要過海, 但渣車唔洗渣到好高速, 只係渣一陣間就到downtown.  真係好方便.

而去downtown嘅目的, 當然係食日本嘢啦!! 因我係網上面, 見到有一間日式拉麵店. 好有興趣. 所以, 就去試下.

↓Lunch 去咗食日本拉麵. 餐廳日本人經營. 有很多食客也是日本客, 還一家大細, 一人食一大碗拉麵. 

↓間拉麵店, 專賣竹炭miso湯底, 雖然, 成碗拉麵好似黑抆抆. 但味道不錯!! 湯味好濃, 麵質彈牙. 好美味!! 除咗食拉麵, 仲食咗豚肉飯. 日本飯質好煙銀, Brian 鐘意個飯多過碗麵!! 哈哈~~

食完lunch, 就係downtown行陣街, 此終, 係市中心. 周圍都係鋪頭, 周圍都係人, 好熱鬧呀!! 哈~~ 


其實,我行街都係得個「行」字. 我跟本無咩嘢買, 至在係星期六, 就周處去行下.  當中, 行咗一間韓式超級市場和日式超級市場添!!   買咗啲凍肉, 醬料.......其中買咗支韓國梅子汁和日式黑糖花生. 都幾特別.


↓韓國梅子汁, 唔知點解, 一到秋天就想飲啲酸酸味味嘅飲品. 見到韓國超級市場賣緊梅子汁, 就買黎試下, 味道好好. 好鐘意, 飲完要encore 再買!! 還有, 在日本超級市場買了黑色糖花生, 都幾美味!!

星期六, 胡亂係街行, 比我慢慢探索下溫哥華.  但其實, 我對溫哥華downtown 啲路還不太熟. 還要一邊行一邊開手提電話嘅GPS.  可能, 我鐘意步行, 又貪新鮮, 行到天黑, 都唔覺攰, 反而好relax.   
 

---------------------------------------------

而weekend 其中一日夜晚, 同咗一班Brian 由細識到大嘅Uncle and Auntie 一齊食晚飯.

雖然, 是同一班Auntie and Uncle 級的人食飯, 但他們很玩得. 又喜歡紅酒.  所以, 依餐飯係酒氣和嘻哈氣氛下渡過.

↓以前我和Brian 會好失驚無神, 一有假期就會由多倫多飛黎溫哥華, 所以, 啲Uncle and Auntie都慣咗我和Brian失驚無神係溫哥華出現. 而家, 啲Uncle & Auntie知我哋定居, 個個都無特別反應. 但就好welcome 我哋返黎, 依餐飯和用餐啲酒, 都係我和Brian 的welcome dinner and welcome drinks. 飯後, 仲去買波羅油食添!!

生日

October 15,2013 (Tuesday)

今年生日, 相信是這麼多年來, 最特別的生日, 因為, 今年是我第一年在溫哥華渡過生日.

這年的生日, 很多人向我說「生日快樂」. 後加多一句, 「你溫哥華生活如何呀?」 一個生日祝福, 加了簡單問候, 說實話, 我已經甜在心頭. 還要連續了好幾天, 很多人發給我的短訊和留言. 洗了版之餘, 還令我的手提電話, 不停閃燈(示意有短訊). 令我生日當天的下午, 要找充電器來差手提電話呢!

祝福, 有誰會嫌多?  我細閱每一句短訊和留言, 自己忍唔住微笑起來. 還笑着答謝每一個訊息. 哈~~

----------------------------------------------


而我生日當天, 是在星期二. 全人類開工的日子.

所以, 我係較早前,已經同Brian 去了downtown 行街, 食飯當慶祝!! 哈哈~

↓提前生日飯, 吃了日本餐, Yummy!!

原本諗住慶祝咗, 生日正日, 是weekday. 都不大需要理會.  當平常日子一樣的過.

點知, 生日正日, 和Brian 放工之後, 回到Brian 家中. 我便看到很多生日禮物等着我. 當中, 還有一扎花添. 真是不知道, Brian 所識啲Auntie and Uncle們, 從何方收到風. 因而送生日禮物給我.  其實,我一直都想把自己生日低調一點. 所以, 我從沒有在人前, 提及過自己生日日子. 因此, 收到其他Auntie and Uncle們的禮物, 真是有點驚喜.

↓今年所收的生日禮物




↓生日禮物, 還有花, 和很感人的生日卡

但最令我感動, 是Brian父母. 為我做一頓生日飯.

由於, Brian父母是廚房新手, 做一頓飯, 要額外多時間, 而我一放工, 便看見廚房, 佈滿食譜書和煮食筆記. 廚房內有點淋淋亂亂, 就知Brian父母, 為了這餐飯. 真是花了不少心機和時間.

食物未進口, 都已經好感覺, 他們對我生日飯嘅準備!

當日, Brian父母還怕我, 因為他們的烹調時間, 會延遲我睡, 怕我疲倦, 所以, Brian父母, 一大清早便準備這一頓晚餐. 雖然, 一餐飯, 看似簡單. 但當中嘅心思和心機. 令我感覺很感動,又溫暖!!

↓Brian父母, 為我親自下廚的生日餐, 有意大利ham 配哈蜜瓜和親自造的creamy蘑菇湯

↓主菜,spaghetti alla bolognese, Brian 父母烹調咗好耐, 味道很好, 而且, 啲意粉好彈牙. 甜品, 有美味的芝士蛋糕. 好香, 好好食

↓Brian's daddy 專登係自己珍藏, 找了兩支酒, 來同我慶祝生日. 

↓當然, 生日指定動作, 同蛋糕合照和許願

-----------------------------

原先我還以為,  我走進Brian 父母的生活圈子內生活, 會令她們對我的印像會減退. 因為大家共同生活, 唔多唔少, 都需要包容和時間適應.

但原來Brian父母沒有把我的印象打折, 還更加想給多點溫暖給我. 因為我是隻身一個女仔, 跟着他們兒子(Brian)來到溫哥華生活. Brian父母認為我放棄了很多,才走過黎溫哥華的.

有着一對咁開通, 處處為我設想的長輩, 我真是很是感恩

感恩節

October 13,2013 (Sunday)

係香港長大嘅我, 都唔知什麼是感恩節. 係黎到加拿大先知.

所以, 我以前, 會比如感恩節. 就有如chinese過節咁.

但日子一年一年咁過, 一年一年咁融入. 現在, 每年感恩節, 都會好起勁咁準備感恩節火雞餐.

感恩節當日, 一朝起身, 就開始準備感恩節晚餐.  準備火雞, 火雞餡料, 還有, 火腿, 頭盤.......總之, 一頭煙啦.

而今年感恩節, 有我, Brian, and Brian's 父母. 一齊準備. 忙足一日. 但到最後一齊坐係飯檯食. 就好似農曆新年食飯.嗰種好warm 嘅感覺.

而且, 餐檯上啲食物是大家一手一腳, 夾手夾腳一齊整.  此終, 自家整, 點都係會欣賞啲, 好味啲.

就算, 而家市面上, 有幾多林林總總嘅現成食品. 我每年, 都唔會買.  此於, 都係一手一腳整, 個氣氛會濃厚啲.

↓第一個在溫哥華的感恩節餐.

↓感恩節主角---火雞

↓今年感恩節, 係依一個客廳慶祝

↓感恩節, 頭盤開白酒, 飲了番茄濃湯, 還有沙律, 其實, 還有蠟味 糯米飯, 但糯米飯就無影到相. 

↓甜品, 係西餅.

------------------------------------------------

其實, 感恩節, 每一年都有.

今年, 感恩節, 這兩個「感恩」的字.  令我想到, 自己今年以來, (直到現時), 有很多事, 真係好感恩.

其實, 我只是搬去了, 另一個省份.

但今年以來, 就好像經歷了許多. 自己開始懂得反思, 懂得珍惜. 

突然覺得自己大個咗!! 哈哈~~

現在, 有很多東西. 都會很輕鬆地看. 以前, 有什麼紀念日, 也想大事慶祝一反. 現在, 把日子放在心裡.已經很滿足.  很感激過去和現在的所有.  我會好好珍惜

Spanish Bank 海灘 + 秋日

October 12, 2013 (Saturday)

星期一係感恩節. 那做就了一個長周末.  星期六,日,一都off. 太美好啦!!

長周末, 首站, 就去了Spanish Bank海灘行.

都話溫哥華咩都近啲. 去海灘, 感受大自然. 都係渣一陣車就到!! 太方便啦!!

而且, 海灘設計好完善. 好多車位泊之餘. 還有單車和行人專線分隔. 感覺個海灘好功整.

一去到Spanish Bank海灘就見到有山, 又有一望無際嘅海. 沿海岸線, 一直行着, 真係好舒服!!

其實, Brian 係我耳邊, 講了這個海灘十多年, 這個周末, 他終帶到我黎Spanish Bank 海灘啦!!

佢一邊行, 一邊猛問我, 係咪好舒服呢?? 佢真係行到邊, 都介紹到邊. 有如一個小導遊. 好好笑. 但我明嘅, Brian 好想我explore 多啲溫哥華!! 了解溫哥華多啲. 咁我係溫哥華定居, 就唔洗有恐懼感.

雖然個海灘, 只是望到有山有水, 但一邊沿住海邊行, 一邊傾下, 望下景. 感覺好自在.  所以, 人真係要出下街行下. 個心情都容易開心.  

係依一個長周末假期,打開咗好好嘅序幕.

↓Spanish Bank 海灘景色

↓Spanish Bank 海灘好廣闊呀!! 有沙, 有海和山, 再加天氣好. perfect day.

↓一人一張係Spanish Bank 海灘相

↓Spanish Bank 海灘, 能遠望溫哥華的downtown. 
















↓個公園設有行人跑步徑

-------------------------------------------------

而近排, 秋意好濃, 涼咗好多. 街上面啲樹, 都開始變紅, 變黃啦!! 

所以, 早幾個周末, 食完早餐, 都走出街, 影啲落葉相!!

都唔知自己係咪黎咗新地方住, 所以, 感覺身邊好多事物都好新奇.簡單到, 啲樹變色,都要同Brian 出街影下相, 當玩下.  

不過,時間過得快, 係溫哥華都住滿一個月啦!!      

↓秋天黎啦!! 好多地方都出了紅葉啦!!

↓有啲樹, 就變了金黃色. 我專登企係樹下, 等啲葉飄落自己塊面. 哈哈~ 幸好, 這邊的秋日, 天氣不太凍, 周圍行下, 好舒服.

↓現在比以前早咗起身, 周末食完早餐, 就出下街,行下, 望下啲葉, 去下公園....仲玩埋韆鞦. 唔同以前, 一落街,就周處都係鋪頭. 行慢啲都比人鬧. 不過, 都唔理住係邊, 我隔離嗰個肯願意陪我行. 其實, 已經好開心.

去了日本??

October 7, 2013 (Monday)

雖然, 我是身處溫哥華, 但每天, 總是看見很多日本人, 甚至看到許多日本人經營的商業鋪頭.  有時, 有兩三刻, 真是以為自己去了日本.

我曾有個想法, 是想好好學一種自己生活以外的---外國語言. 我是很想學日語的. 由其是而家, 簡直更想學添! 哈哈~

但學一個語言, 邊學得咁快, 兩三下就識咩!!

不如, 有時間, 就好好去enjoy 下啲日式商鋪!! 去溫哥華的日本人聚居地方, 癲番餐先!!


↓去了一間日式超級市場. 嘩!!! 好多Pocky Sticks呀!!

↓見到都嘩嘩聲的Pocky sticks, 好多味道, 而且價錢唔貴, 好抵玩!!  仲見到日式Crepe 食, 啲日本鋪頭,啲display window 真係見到都想食

↓忍唔住買杯綠茶雪糕, 支綠茶雪糕, 真係好好味!! 相中,我似身在日本街頭中嗎? 哈哈~

↓去了日本人聚居的區域玩, 當然見到Hello kitty. 買了兩樽Hello kitty 裝洗手液嘅樽

---------------------------------------------

而依一日漫遊溫哥華的日本人聚居地方, 好似好輕鬆, 但其實, 落雨落得好利害!! Brian話我要習慣--落雨天.

因為溫哥華的冬天,會經常落着雨的. 所以, 定居溫哥華之後, 我需要投資一把好好的傘啦!!哈哈~~

↓依一日落雨,真係落得好利害,周圍都有水花. 暫時對我黎講, 就好新奇, 但溫哥華人,就覺好normal. 哈哈~~

出去食下, 自己煮下

October 5,2013 (Saturday)

也許是我以前的生活比較有規律. 下一個鐘頭, 有什麼工作做. 我大概是知道.

但現在, 搬了去新地方, 以往的規律就沒有了.   所以, 連寫blog 都延遲得很. 哈哈~~

近排, 雖然很多新事物係眼前, 但我和Brian 一有時間, 都會出下街. 還原返我的欄街本色.

其實, 行下街, 都是想認識多啲溫哥華, 而第二個原因, 出下街, 都係為了吃. 通常, 行一陣, 就找地方吃.

幸好, 溫哥華地域不是太廣. 由A 點飲完杯咖啡, 可以係短時間內去B點吃其他食物. 都很便利.

所以, 常常感覺係溫哥華居住之後, 有許多時間剩.  可能, 唔洗花太多時間係工路上. 由A 點去B點, 都只是很短距離.  現在, 購買生活所需, 都比以前縮短了很多時間.


↓來得溫哥華生活, 當然去發掘下, 溫哥華啲美食, 出街除咗行之後, 就順道出街食下嘢. 食咗刨冰, 迷你麻辣豬肉豆腐窩, 千層cranberry 酥, 蛋撻, 波蘿油(超級好味), 奶茶, 西多薯條, 炒牛河, 還有, 我和Brian as usual 係weekend出去嘆咖啡.

-----------------------------------

除了出街吃......我們都有自己煮.

近兩星期, Brian 父母出外旅行, 我和Brian 都好努力在家煮食, 可能, 烹飪是我們的興趣. 放工幾攰, 都唔介意煮. 見到自己所煮下嘅食物, 好有成功感.

↓係一個新廚房煮食, 好多廚房用具都要揾一倫先找到, 但最後見到自己製成品, 好有成功感. 而且, 摸熟Brian屋企個廚房. 以後煮食就方便得多 .....整了栗子雞, 肉絲炒椰菜花, 還有青紅蘿蔔湯搾. 另一日, 煮咗腐乳小棠菜雞腿和麻婆豆腐

↓紅洋蔥豆豉雞翼, 茄汁雞批. 有日, 懶一懶,食公仔麵, 咸牛肉煎蛋

↓有日開始涼涼哋, 整了肉絲蠟腸煲仔飯, 之後, 用高湯煮飯焦. 好好味. 而且, 第一次用煤氣爐整煲仔飯. 而且又成功. 好開心.

↓蒜香茄汁雞腿, 西洋菜湯榨和西洋菜湯.  另一日, 簡簡單單咖哩雞翼和蠔油小棠菜.

↓有日整了番茄香草芝士意粉和喼汁豬扒絲.

 

-----------------------------------
有樣嘢, 我要係度記低:

我很感恩, 原來許多事情, 上天自有安排. 早排, 不段練習interview, 現在, 就是要練習自己新position.

來到新地方, 我們仍然保持到, 黃昏時, 一起放工.

現在, 每天最期待的是, 放工時見到大家.  哈哈~~

以前覺一起放工,好無謂, 現在才發覺, 一起坐車, 一起講講每日所遇的事. 原來是很溫暖.