December 31,2012 (Monday)
每一年最尾個日, 都會同Brian屋企人一齊去除夕倒數ball.
雖然, 所有除夕嘅裝備, 都一早準備晒!! 但次次到依一日, 都會特別忙碌, 係Brian屋企周圍轉. 揾依揾露. 先至裝備好!
由其是, 我件除夕裝束, 12月頭已經買入,當時着上身係有鬆動, 但去完Las Vegas, 而且,再係溫哥華的大飲大吃.
到最後, 我件除夕裝束有啲緊, 好彩行李內仲有其他裙, 可以配配塔塔另一套咋!! 如果唔係真係好驚驚!! 下次去溫哥華, 都要減多啲磅先去得!! 因為係溫哥華, 真係時時食, 好容易食脹自己!! 哈哈~~
↓去除夕Ball 前, 去咗食下午茶點心!! 啲蝦餃好大隻, 啲蝦好新鮮呀!! 又唔覺意又食多咗點心
每年都係咁, 去除夕Ball 之前, 都會係Brian屋企的客廳影相, 今年, Brian's Daddy搬咗隻「大老虎」嘅擺切出客廳, 叫我哋同隻「大老虎」一齊影相.
但我唔知點解Brian's Daddy 會有依個舉動?? 但我記得舊年係同隻「沙皮狗」擺切影相!!
↓今年去除夕Ball 前, 係Brian's 屋企個客廳, 同隻「大老虎」嘅擺切影相
↓年年都好例牌, 除夕Ball 前, 都會係客廳, 一人影一張相!!
其實, 每年去除夕Ball, 都好似一個reunion 嘅party咁. 因為我哋年年除夕Ball, 都係同一班人一齊去架!! 每年都見到大家, 都好開心. 我都不知不覺, 去咗5年除夕Ball 啦!!
↓在除夕Ball 現場, 影返啲相先!!
↓依幾年, 都係喺依間酒店參加除夕倒數,除夕夜頭盤---龍蝦湯
↓頭盤--士多啤梨汁沙律, 主菜有三文魚
↓甜品----朱古力蛋糕,還有茶
今年除夕party, 啲氣氛特別好, 又熱鬧. 由其是今年除夕ball 隊band, 播啲歌好特別. 有近排, 最hit 嘅江南style......Brian's daddy跳得好勁呀!! 引到好多舞池嘅其他人都拍手添!! 所以, 今年除夕Ball 都特別好玩, 跳到成身汗!!
↓倒數完, 係除夕ball 場地周圍影下相, 我年年都攞啲除夕ballon 返Brian屋企架!! 時間真快, 唔覺唔覺又2013年啦
---------------------------------------------------------------------------------------
January 1, 2013 (Tuesday)
通常係除夕倒數Ball, 都會玩到三間半夜架!!
但第二朝, 照樣要一早起身食早餐. 又係咁, 一落到飯檯, 啲早餐已經準備好.
↓2013年第一餐---好豐富嘅早餐. ......由於要等齊人先食早餐, 我和Brian's Daddy 一邊玩ipad,一邊等齊人 ...哈哈~
Brian 有個奇怪習慣架!! 每年一月一號, 一定要去溫哥華的一間西餐廳食午餐架!!
所以, 我哋年年一月一號, 都會去同一個地方食午餐. 好彩間西餐廳, 都幾多食物選擇!! 如果唔係年年都去同一間, 無新意得黎, 又會好悶!!
不過,都係一年去一次 0者!!.....
↓一月一號午餐---Egg Benedict 配薯條(Brian嘅), 蝦沙律三文治配沙律薯條(係我嘅!!)
↓Brian's daddy 漢堡包配紅薯薯條和沙律, Brian's mom 食漢堡包配大沙律
由於, 我這天要執行李, 準備第二日,飛返多倫多啦!! 所以, 這天好夜先出去食晚餐.
真係唔覺唔覺係Las Vegas和溫哥華都買咗好多野, 個行李執到脹爆晒!!
原來我買野之餘, Brian又有買, 大家一堆戰利品, 真係要好有技巧先塞晒啲野入喼
Brian's mom 仲攞咗個 "士啤"大袋比我. 話驚過重喎!!! 哈哈~~
↓晚餐去食中餐, 我哋四個人食咗十樣野食, 仲要蝶蝶清, 真係好驚, 我哋四個(Brian, 我 and Brian's 父母)食野方面, 好似好狼!!哈哈~~ 我哋成日話, 如果我哋去歐洲旅行, 歐洲啲食物份量比較細, 我哋可能去歐洲食野, 會唔夠食!!哈.....食咗辣子雞丁, 手絲雞
↓味菜牛拍葉, 炸豆腐, 茶燻鴨, 蒜容西洋菜, 炒米粉....仲有好多, 無逐一影相
-----------------------------------------------------------------------------------------
January 2,2013 (Wednesday)
我哋坐下晝機, 由溫哥華飛返去多倫多啦!!
上機前, 去咗飲茶, 仲約埋其他Aunties and Uncle 一齊飲茶添!! 估唔到臨走, 都要同其他Aunties and Uncle見面, 傾一大倫先走.
每次, 同Brian屋企去機場, 都好難捨難離架!! Brian's 父母真係會送到我和Brian入閘, 仲要大家擁抱一輪, 先講Bye Bye. 就算我和Brian 入到閘, Brian's 父母仲企係入閘門口, 真係直至見唔到我和Brian影中先肯走架!! 依啲情況, 真係唔喊就假啦!!
但好快好快.........................我二月又會返去溫哥華啦!!
↓臨上機, 去咗飲茶..............之後, 去機場啦!! 飛返多倫多
我都想著靚靚去 ball 跳舞呀， 可惜過到嚟都無咁嘅機會。 "春晚"就有我份。
ReplyDelete隻老虎個樣好開心， 啱哂新年氣氛。
打煲呔好襯 Brian ， 我幻想緊你哋結婚時， 我諗佢都會打煲呔。
[版主回覆02/11/2013 07:57:14]Angela,
-我哋都係痴Brian's daddy 嘅朋友去ball 玩, 你下年聖誕試下提議同你家姐去下ball, 你同你家姐都啱channel. 大家去ball 會投入d. 而且你想去, 你同你家姐講, 一定會安排比你, or 你返hk, 我知你係hk, 會去ball, 有氣氛d. 因去ball 都要同啱channel 人先好玩.
-我覺隻老虎惡就真, 但Brian 屋企好好笑, 年年都會和不同擺切影相,仲要將d擺切搬黎影一餐相, 之後先肯起程去ball.當時好趕時間就真. 哈
-你對結婚真係好有想像力, 我對依方面巳經冇想像, 結婚著咩都唔理,我反而想結婚之後嗰階段, 我覺結婚只是一剎那, 係結婚之後條路, 重緊要.
-
we are in February already. So, you are in Vancouver for CNY? Happy New Year!!
ReplyDeleteIt is true restaurants in France do not serve very big portions. If you want to feel full, order pasta or pizza
[版主回覆02/11/2013 08:26:08]Mrs. Tintin,
-我嘅十二月之旅嘅遊記寫得比較緩慢, 所以寫到二月先寫完.
-無錯, 我二月會去溫哥華過農曆新年, 我而家已身在溫哥華啦!
-哈哈! 日日食pizza and pasta 都會悶嗎! 去到法國, 想試下當地嘅特別嘢,所以我諗住去到法國, 要買定包餅係酒店房食先得.
-
又西餐又中菜，正呀！
ReplyDelete[版主回覆02/11/2013 19:35:06]Mike,
通常食完西餐, 之後都會食返中餐. 但無論中餐or 西餐, 好食就會好開心
未食早餐同午餐，睇完之後好鬼肚餓！
ReplyDelete去ball，我咁大個女都未去過，哈哈！
[版主回覆02/11/2013 19:41:33]Mrs. Wu,
-哎呀, 唔好意思整到你肚餓添！哈.
-其實去ball, 都係同一班啱key 嘅人, 一齊傾下, 一齊食下嘢, 最多跳下舞, 都係至在大家開心下, 有時我覺, 好似同朋友聚會, 多過去ball 咁.
......每一年最尾個日, 都會同Brian屋企人一齊去除夕倒數ball....
ReplyDelete祝你們年年都一樣咁開心呀!
[版主回覆02/12/2013 05:49:22]愛SHI 家庭,
-多謝你祝賀, 我都祝你萬事如意, 身體健康
Vicky ....妳們一對真的有淑女紳士的風範...!!
ReplyDelete新年快樂！！！
祝你地身體健康，萬事如意！
[版主回覆02/11/2013 19:43:19]冬日Winter,
-我都祝你新年怏樂, 身體健康.
蛇年到啦, 祝新年進步, 身體健康.
ReplyDelete[版主回覆02/11/2013 19:44:45]靚芒,
-多謝祝賀, 我都祝你身體健康, 萬事勝意, 恭喜恭喜
個間西餐都唔錯架，就算一年去一次，我都願意架
ReplyDelete[版主回覆02/11/2013 19:51:20]Oli
-其實,除夕時, 間酒店附屬嘅西餐部, 要整一大group 人嘅嘢食, 食物水準未必話太細心, 但這間西餐, 一年一次食, 都算不錯了. 其實除夕都係同朋友聚多, 食物要求唔太著重
新年快樂，而家已經2月了又可以係溫哥華吃多D中餐。
ReplyDelete[版主回覆02/12/2013 06:04:39]Lily.
-多謝你祝賀, 我都祝你身體健康.
-無錯, 我2月又去溫哥華啦!又可以係溫哥華再食過!
英國既份量都唔細架， 不過你地4個人食到咁多野，好擦得呀。
ReplyDelete祝你蛇年快樂！事事如意！
[版主回覆02/12/2013 06:14:08]Ka,
-英國食嘢嘅份量唔細, 但係英國食嘢價錢都唔平！
-我哋4個食嘢真係癲癲哋㗎！有時唔覺唔覺食到好多, 嚇呆咗班待應一跳!哈
-多謝你祝賀, 我都祝你新年快樂, 日日開心
好多中西美食呀~XD~
ReplyDelete[版主回覆02/12/2013 06:19:03]素會員,
-我哋鐘意食嘢, 真係中西都食一餐!咁先開心
除夕Ball一定好好玩！個龍蝦湯好正！Brian's parents love their son and you very much !
ReplyDelete[版主回覆02/12/2013 06:37:07]Happy girl,
-而家除夕ball, 似一個同朋友gathering 嘅日子, 一年見到一次大家, 係一件開心事.
-Brian 屋企人真係好好, 我也hope 一直好下去
Vicky , 每天都咁多豐富美食 , 睇見真係好難忍得口
ReplyDelete[版主回覆02/28/2013 10:12:54]ak,
-所以次次去都增磅囉! 哈