Thanksgiving day

October 7,2012 (Sunday)


感恩節又到, 一連三日公眾假期.  對我黎講, 就係又食又嘆!!

我旁邊個位, 特別應節, 什麼節日都會響應.

感恩節, 就有如中國嘅中秋, 團團圓圓. 所以, 好多人會返自己家鄉食飯. 而感恩節, 飯檯上嘅主角, 便是火雞.

其實, 我覺火雞肉比較"鞋". 而且, 火雞體積龐大. 得我同Brian 兩個食, 真是好難消滅得晒.

但我旁邊個位, 要應節. 因此, 都會特登去超級市場買隻火雞. 黎整一餐感恩節餐. (隻火雞揀到最細個隻先買, 但都係好大隻)

我哋都整咗好多年火雞. 年年都是Brian 負責整. 我只係提早一日整定啲糯米飯.  等Brian 釀啲糯米飯入火雞肚內. 入焗爐焗.  等4-5 鐘頭. 就有感恩節餐.

我哋今年比較懶, 下晝四點幾先開爐. 所以, 成9pm 先開到依餐感恩節飯. 哈哈~~



↓感恩節餐 (火雞, 菠蘿火腿肉和紅酒)

↓用火雞釀糯米飯, 啲糯米飯特別香...........切好火雞,一片片, 開紅酒.....可以開飯啦!!



↓食完感恩節飯, 同Brian 去咗咖啡店飲秋日咖啡. (杯咖啡都唔似幅圖嘅!!)

↓係咖啡店, 好似見到「桃姐」導演 -----許安鞾 (唔通多倫多舉辦---亞洲電影節, 所以佢係度!?)



--------------------------------------------------------------------------------------------------


一連三日假, 我和旁邊個位, 都無咩點去邊度玩, 最多去下超級市場入貨. 夠時夠刻煮野食, 或者行落街買野食.

以前, 多麼的想, 加拿大啲商業店鋪, 係公眾假期or 周末, 會照常開門營業. 而家, 靈驗咗啦!! 連銀行都係周末開門營業.

但到依個時候, 我哋又無咩出街心!!

當「無」果陣時, 就好想「有」. 當「有」果陣時, 又唔覺有咩特別!! 所以, 人都係奇奇怪怪. 哈哈~~

雖然, 公眾假期在家, 但又唔覺悶, 就算係屋企, 都硬係會有啲家務做下.  攰就望下電視, 或者上網周圍巡, 所以, 一啲都唔悶, 反而覺得咁樣, 好自在.

↓公眾假期早餐, 落街買早餐食, 下晝食去KFC. (之後行了陣街and 超級市場)

 ↓放公眾假期, 多數唔願瞓, (其實,唔捨得瞓), 所以活動時間多啲, 消化時間也多了點, 因此, 在食方面都會狼一點. .....所以, 吃了大大盒韓國飯和Brian 炮製的檸檬雞翼和飲梅酒

↓其中一日公眾假期, 午餐煮麵+熱檸茶, 晚餐, Brian's 腐乳菜膽雞煲

↓某日, 午餐吃了撈麵(Brian整的), 晚餐吃了Brian 第一次 炮製的蔥爆雞柳 (由於第一次整, 味道ok, 但下次要買點蔥!!)

↓公眾假期, 全天候是Brian 入廚, 有時, 我都想入廚房弄點東西吃, 但已經比我先一步入了廚房, 但Brian 很喜歡我買的廚具, 時常話「好好用」. 嘻~..... 午餐吃了火腿麵, 晚餐吃了菜煲和梅菜肉餅

↓今年, 啲雲層好低呀!! 望落去好靚, 但感覺怪怪.