September 3,2012 (Monday)
這個長周末假期, ..........我在吃方面, 就有如到達了另一個舞台. 因為我旁邊個位男士, 餐餐都動手煮. 簡直對廚藝著了迷!!
以前,我旁邊個位男士, 視所有電子產品, 是一種嗜好. 現在, 這位男士的思想, 有點兒出了軌, 變了沉迷廚藝!! 還閱讀食譜. 有時, 我都唔相信這個是事實. 哈哈~~
想返起, 當初我認識旁邊個位男士時, 連雞蛋都不懂打開!! 現在,變了認真入廚. 還在食譜上寫下筆記. 還好像要和我爭廚房使用. 現在的他, 真是令我有點吃驚. 而且, 他進出超級市場的密度, 比往時多了. 連超級市場啲價格, 也清楚一二. 突然間, 變成咁. 我是否將他重新定位呢...哈哈~~~
↓長周末假期, 吃了....芒果雞柳, 麻婆豆腐
↓梅菜肉餅和泰式檸檬雞翼
↓蘋果炒雞柳和腐乳雞柳菜膽煲
↓連早餐, 也整埋!!! 罐頭咸牛肉,煎蛋,多士和街外飲品
但好像覺長周末假期, 餐餐在家吃. 好像少了一點生活上的活力!!
時時有出街癮的我, 要求一餐, 出外吃. 我們去了麥當當食早餐, 假日, 真係好多人排隊買早餐, 但多數啲人, 買完就走,好少堂食. 所以, 快餐店啲座位, 係假日仲多過平時. 哈哈~~
吃過早餐之後, 便步去西人超級市場.......而家, 超級市場係我旁邊個位男士嘅新浦點....哈哈~~
↓麥當當早餐好多人排隊買, 高峰時, 排到出街. 哈哈~~ 但啲人買完就走, 好少堂食.
↓而家麥當當有Paul frank 物品換. 但對依隻公仔無咩興趣!! 影張相留念就算!!
真係好利害，著迷著到咁，就算係我....難得假期都想休息下，仲邊想煮飯，brian真係煮到有板有眼！
ReplyDelete[版主回覆10/04/2012 04:40:37]Mrs. Wu:
~我都叫佢放假,就好好休息下, 唔好餐餐煮. 但佢近來好有興趣煮, 而且, 閒日Brian唔係太多時間. 所以, 佢一到長周末就好開心. 因為可以煮飯喎.
Brian 煮飯為興趣我好了解， 因為我都好享受（煮比我錫的人 only）。 最慘就係有啲人怕煮飯洗碗但又要慳錢唔出街食嗰d.
ReplyDeleteMcDonald 早餐幾好吖， 可惜 Dondon 唔食 McDonald， 對上一次去都唔知幾多年前囉。
[版主回覆10/04/2012 04:40:38]Angela:
~非常同意你講法!!煮飯等同享受!!
~我知有啲人怕煮飯,怕洗碗, 出街又話貴, 又嫌依樣個樣, 攪到係屋企食飯, 好似係一種負擔. 咁嘅態度, 苦係自己咋!!
~Dondon 咁健康嘅!! 原來,佢唔食麥當當架!! 我好貪方便, 好鐘意去麥當當架!!
~咁耐無去, 麥當當, 揾日同Dondon 玩下啦!! 可能會有新鮮感...哈哈~
真係好...繼續羡慕中......~~~
ReplyDelete[版主回覆10/04/2012 04:42:23]空中少奶奶:
~咪咁啦!!
~你叫得你旁邊果個做少爺....我都知點解. 但我覺你個位少爺做咗爸爸之後, 都好主動揍Mochi B. 見到你post上fb 啲相. 都感受到!! 唔係個個爸爸,都肯揍BB架!!
Brian煮D嘢賣相好掂丫
ReplyDelete佢係咪開始鑽研廚藝啦？
[版主回覆10/04/2012 04:42:21]Oli:
~係呀!! 佢開始鑽研廚藝啦!! 煮煮下餸, 都要寫筆記!! 好好笑!!
~不過, 佢都係weekend or 長周末先會煮, 因為放假, 佢先有多啲時間!!
嘩~Brian煮嘢都好得啊~~
ReplyDelete結婚後廚房變成我的實驗室,老公都少咗煮嘢食lor~
[Molly 公路之星回覆10/04/2012 06:25:32]佢肯ga~本來家中的大廚係佢呢~不過佢見我咁興致勃勃學煮菜, 就由我佔據廚房lu~~我諗我而家係好似Brian咁, 啱啱踏足廚房, 乜都想試下做啊~(你俾佢看下blog上不同煮婦的菜, 真係令人乜都想試下煮啊~)
[版主回覆10/04/2012 04:42:30]highwaystar 公路之星:
~哈哈, 咁你老公肯唔肯煮??
~其實, 我覺Brian 煮出了成功感, 所以, 越來越喜歡下廚
Vicky 我相信...他好享受入廚煮嘢食的成功感....也同時能為身邊人煮嘢, 是愛的表現
ReplyDelete因而著了迷 是正常喎...!
[版主回覆10/04/2012 04:42:46]冬日Winter:
~同意, 成功感, 令到廚藝興趣大增!!
wa~實在太勁了~好少可男人識煮野食呀~賣相仲要好吸引~
ReplyDelete我識果d..唔好話男...其實好多女都唔識整煮食...包括我XDDDDD~
[版主回覆10/04/2012 04:43:06]素會員:
~都係近排, 我旁邊個位男士先有興趣煮. 以前佢連廚房用具放係邊都唔知架!!
~不過, 煮成一個餸, 真係好有成功感, 可能就係成功感推使佢. 越來越喜歡下廚.
~其實, 煮野食唔難, 係有無個煮飯心和花點心思和耐性, 就ok架啦!! 我相信你咁識食, 如果你係要下廚, 都應該會煮到美味菜式出黎架!!
好呀, 齊齊玩煮飯仔. 佢煮得好好喎
ReplyDelete[版主回覆10/04/2012 04:43:18]靚芒:
~多謝讚賞先.
~其實,我旁邊個位男士, 通常都係假日先有時間煮下. 平時,都係我煮嘅!!
你就好啦!有愛人落廚,食落特別窩心!
ReplyDelete[版主回覆10/04/2012 04:43:49]mabel:
~哈哈~~
~可能佢煮出成功感, 現在,越煮越有興趣!!
Brian's cooking is very good ! All the dishes look yummy !
ReplyDeleteHe must cook very seriously !
[版主回覆10/04/2012 04:43:49]Happy Girl:
~多謝讚賞先!!
~佢而家對下廚, 真係好認真, 有時, 煮煮下,會寫筆記. 哈哈~~
你個PUMPKIN CASSEROLE..................我前幾日都見到..諗緊買唔買好~~~但係又好似細左少少....但係見到你用得好靚.........我又心思思....!!
ReplyDelete[:+:+:涼粉子:+:+:回覆10/22/2012 19:55:55]你好好心機呀...竟然想用LC黎煲飯....我呢..O係香港抬左個電飯煲番黎...個膽都係CAST IRON架...D飯真係好味好多~~~
[版主回覆10/04/2012 04:57:17]涼粉子:
~我見你都有個紅色心心Casserole...............其實,個我個Pumpkin casserole比紅色心心嘅容量大啲啲架!! 我依家屋企都係兩個人!! 我反而想要多個細嘅LC 煲. 因我想用LC黎煲白飯呀!!
~就黎萬勝節,當買黎應節啦!! (我係咪好魔鬼呀!!!哈哈!)
泰式檸檬雞翼好好味呀!!!
ReplyDelete我宜家勁肚餓，見到咁多野食後就更肚餓了....................
[版主回覆10/04/2012 05:00:42]Luxueux Yvonne:
~個泰式檸檬雞, 味道真係好有檸檬酸味........怪不得引到你肚餓啦!!哈哈~~
~依個餸,我都好鐘意食架!!!
He is good!!!
ReplyDelete[版主回覆10/04/2012 05:00:33]Big daddy:
~thanks!!
~有無渣住架新toy, 周圍去下!!!
我識煮飯, 亦煮得唔難食, 但就真係唔鍾意煮, 尤其以前一個人住, 我係連公仔麵都唔會煮, 住喺中上環24小時都有餐廳開又有送外賣, 乜菜色都有, 諗起都好懷念!!
ReplyDelete依家唔計我自己有時煮個麵煎隻蛋當個人晚餐, 多數都係一星期煮一次, 星期一至五要返工一定唔煮, 就算真係要煮嗰餐都愈來愈求期, 好多時都係唔駛煮嘅打邊爐或者韓式BBQ都算煮咗, 我老公煮嗰餐就十次有八次都係意粉(因為佢對食無乜要求, 亦唔鍾意下廚). 好在佢唔太介意出街食, 如果唔係就有排嘈, 因為就算佢肯日日煮我都唔會高興, 我習慣出街食, 味覺已經習慣哂, 我唔係太鍾意食住家飯. 我一直覺得食係要洗錢嘅, 係必要支出, 唔可以慳.
[版主回覆10/05/2012 10:34:48]Ceci,
-好羡慕你以前係香港中上環住過，咩都方便，真係非常有動感.
-我哋以前嘅週末，都鐘意出街食，但自Brian對廚藝有興趣，近排的週末係屋企食多，閒日、時時頻撲，週末坐下屋企都有另一隻舒服. 但係閒日就係屋企食多. 食都係食啲簡便食物. 其實都可以叫外賣，但外賣好唔化算，選擇唔太多元化. 因此，都係自己黎，出親街，時間長，其實在閒日食完飯，沖下涼，都冇咩時間剩. 但食方面，慳唔到幾多. 點都要食嗎！通常買d自己鐘意食嘅嘢！
D住家煮好有特色，GOOD！
ReplyDelete[版主回覆10/05/2012 11:10:59]Fion,
-都係跟食譜一歩一歩煮. 但我很surprise隔離嗰個人肯煮，而且仲會記下筆記. 哈.
識玩懂吃，有福之人。
ReplyDelete[版主回覆10/05/2012 11:30:26]Mike:
~都係做返自己感覺舒服嘅野!! 平時, 已經太頻撲啦!! 原來, 周末係屋企可以全面休息. 都幾好!!
挪威的M記係冇早餐供應的，我好愛早晨全餐同塊薯餅!!
ReplyDelete[版主回覆10/05/2012 11:31:06]六月:
~哎吔, 都係你講,我先知挪威嘅麥當當係無早餐供應!! 我上次去挪威都有去麥當當, 但就係下午時份, 雖然, 麥當當係快餐, 都唔平, 我依邊啲麥當當都算貴, 但我知你個邊仲貴.
~你記得你曾幾何時, 都自製過麥當當啲豬柳包, 有時住外國就係咁, 好多野無, 就要自製!!
~我依邊啲超級市場,啲凍櫃都有一pack pack 薯餅賣架!! 買返屋企, 用焗爐焗, 都好似麥記薯餅架!! 你試下睇下超級市場啲凍櫃有無得賣!!
~你就黎返hk探親,你真係mark 低自己想食乜!! 返香港一次過食晒!!
Brian 煮得越嚟越好呀! 你大把口福啊!
ReplyDelete[版主回覆10/05/2012 11:31:06]小咪咪:
~都唔知會唔會三分鐘熱度架!! 佢都係近幾排先肯入廚房煮下野!!
平日你煮多，假期Brian喜歡煮，咁你可以休息下，佢煮得好認真，亦係好事！
ReplyDelete[版主回覆10/05/2012 11:31:22]ccKitty:
~而家真係七日都係屋企食飯, 以前,周末都會出街食下野, 而家就好心歸. 但而家先發覺, 周末係屋企都好舒服. 可能近來啲生活實在太頻撲啦!!
~Brian今次煮飯, 真係好認真, 連筆記都寫埋, 好好笑. 希望佢係繼續有興趣啦!!