February 6, 2012 (Monday)
我好幾年前, 都見過某些北美blog 友, 以及很多身邊朋友提及, 網上有間眼鏡店, 每一年裡, 都有一萬對眼鏡, 送出.
只要在指定時間, 上眼鏡店的web-site, 填寫個人視力資料和地址. 在網上付$15 cad 郵費. 眼鏡便會寄到上手.
而眼鏡框, 都有成百對選擇. 但大多眼鏡框都是普通貨式. 不過, 都已經是免費眼鏡咁濟. 都唔理是什麼品牌. 唔太差, 便可以了. 況且, 眼鏡都是在家先用. 哈哈~~
網上眼鏡店都幾有效率, 兩天之後, 眼鏡已經到手. 同Brian一人一對新眼鏡.
↓紫色個副係我的眼鏡
----------------------------------------------------------------------------------
近排吃的晚餐, 超級簡單. 來來去去都是一蝶肉, 一蝶菜, 沒有什麼驚喜可言. 所有晚餐都是隨意煮. 閒日生活, 都是無咩所謂. 肚餓便煮, 之後便吃. 攰便休息. 我已經覺很舒服.
但這星期, 多得Brian 提議我煮什麼餸菜. 他想吃豉油雞, 我便煮....要吃南乳雞, 我便去弄. 還掂都有材料係手. 只是調味不同. 想食便隨手煮出來. 這可能還益了我的腦根. 唔洗諗, .........今晚食咩餸
↓放工時的snack (cream cheese bagel 一個), 多汁豉油雞和一蝶蒜頭炒菜
↓南乳焗雞和煲仔飯 (近來, Brian 唔喜歡食電飯煲, 煲出來的飯. 係要我用Le creuset 煲, 來煲飯. 他話Le creuset 煲, 煲出來的白飯, 都會好味啲喎! 全個星期沒有用電飯煲,煲白飯了 !)
呢度配眼鏡好貴，你個＄15 眼鏡好抵啊，仲幾好樣添。Brian 會話你知佢想食乜真係好。要日日諗煮乜餸其實幾大壓力架。
ReplyDelete[版主回覆02/17/2012 02:29:38]Angela, 你係hk做LASIK定係喺美國做呀?其實我有考慮過做架！
[Angela回覆02/16/2012 22:25:12]唔該哂 Vicky! 等我話比 Dondon 知。我幾年前做咗LASIK，唔哂再帶眼鏡lu，你都考慮吓吖，做完簡直有重生感覺!
[版主回覆02/16/2012 07:24:03]Angela
我太耐無返香港, 唔太知香港配眼鏡情況. 其實, 依度配眼鏡都唔太便宜, 事前又
要自己去視光師驗眼. 又無咗好多個大洋. 之後先可去眼鏡店配眼鏡. 配眼鏡唔可
以一站式. 感覺有點痲煩. 依個網上眼鏡店, 係promotion 黎架!! 我希望遲啲會再有promotion.都時話你知, 講真, $15 咩都抵啦!! 試下係, http://www.clearlycontacts.ca望下
＄15超抵，下次有呢個promotion，記住話我知，嘻嘻！學Angela話齋，呢度既眼鏡超貴，一副都起碼USD＄200，所以通常都係HK配，哈哈！不過我大部份時間都用contact,係係屋企先帶眼鏡。
ReplyDelete[版主回覆02/16/2012 07:24:46]Mrs. Wu:
我好耐無返香港, 唔太清楚香港啲眼鏡價. 但依度啲眼鏡又平又貴啦. 但配眼鏡前
一定要自己去視光師啲診所, 驗眼+放低好多個大洋..........有視光師的視力paper. 才可去街外眼鏡店配眼鏡. 無得一站式配眼鏡. 我覺配幅眼鏡都有d煩覆. 個
promotion 只限多倫多住址嘅人. 試下係依個web-site(http://www.clearlycontacts.ca)望下, 都有好多抵野............我係屋企帶返眼鏡or 唔
帶. 但平時出街就會帶contact lens.
Brian 真是個好懂妳心的男友,
ReplyDelete他知妳喜愛 LC廚具, 便話愛吃LC煮的飯餸.....好讓妳煮的時也心花怒放, 煮得開心...!!
免費眼鐘....真的好正喎..!!
[冬日 Winter回覆02/16/2012 10:25:16]咁我都要買番個 LC 煲來煮飯啦....!! 每日我不能沒有米落肚的啊...!!
[版主回覆02/16/2012 07:25:03]冬日Winter:
又不至於一用LC就心花怒放, 只是LC 煮啲飯, 原來唔同電飯煲的味道 . LC有飯香啲
....哈哈~~~ 網上眼鏡店, 好彩有人話我知咋!! 真的好, 抵用
好抵喎!
ReplyDelete[版主回覆02/16/2012 07:25:15]靚芒:
粗用都抵啦!! 有埋自己度數眼鏡. 真係好抵.
嘩 咁抵 仲有無呀 ~~
ReplyDelete呢度落後到C 話咩安全理由 無超薄玻璃鏡片架 得普通膠鏡片 厚到嚇C人呀 @@
所以之前我跌爛咗副眼鏡 都係要寄返HK配咋 ><"
[Jo 姐姐回覆02/16/2012 07:51:37]THANKS A LOT ^^
[版主回覆02/16/2012 07:25:34]Jo姐姐:
聽身邊朋友講, promotion. 而且, 限多倫多住址嘅人才可................我
成日以為美國會先進許多, 咩先進貨品都有. 但竟然無超薄鏡片都有. 你試下去依個web-site 去望下. 其他眼鏡用都好抵.http://www.clearlycontacts.ca/
可以比個web-site我嗎？我星期日見到你係名門金宴飲茶呀！
ReplyDelete[版主回覆02/16/2012 07:26:52]shui hing:
個web-site 係http://www.clearlycontacts.ca 但依家仲未有promotion. 但依個網址啲野都幾抵. ..........係呀!! 我星期日係名門金宴飲茶呀!! 你見到我呀!!你都果度飲茶﹐ 又會咁岩嘅!!
都真係幾抵喎！
ReplyDelete[版主回覆02/17/2012 02:23:01]Fion,有promotion 先係咁抵!
Vicky~~~咁好既, 乜原來有D咁既網上眼鏡~仲要底成咁樣~~~~
ReplyDelete[版主回覆02/17/2012 02:25:57]力高--蛋糕： 都係promotion 先係咁抵，平時，邊有吖！好彩今次掌握到時機
去我個blog睇睇~多謝
ReplyDelete即係俾左CAD15蚊就有副眼鏡送到屋企呀?? 超抵呀!!! 我都只係O係屋企WEAR眼鏡ga喳....出街都係用cons....
ReplyDelete[版主回覆02/17/2012 02:37:12]菲on, 係呀！CAD 15 就有一幅，有自己視力嘅眼鏡，都係有promotion 先係咁抵，所以好好彩，今次掌握到時機......我出街都帶con, 係屋企就有時帶眼鏡，有時就唔帶.哈！
妳幾多度近眼呀?深唔深呀?
ReplyDelete我都好鐘意用LC黎煲飯架，因為我屋企冇電飯煲:p
[版主回覆02/17/2012 02:44:39]Oli, 我是其中一隻眼深度數d,另外隻眼都ok,所以我有時係屋企懶到連眼鏡都唔帶....但大多數都係屋企帶眼鏡，出街就帶con..........係咩,真係好少人無電飯煲....不過，Brian 用LC 煲飯，有飯香d.
Brian要求用LC煲飯咁都好呀！煮餸煲湯都用LC，咁睇嚟可以再買入新成員！haha！^v^
ReplyDelete[版主回覆02/17/2012 02:48:47]ccKitty: 哈哈！真係有籍口買新LC了......其實早幾日先買咗個新LC水煲.還未post上黎