Leap year Leap day

February 29, 2012 (Wednesday)

   難得日曆上有Feb 29, 就開一篇blog 來賀一賀.
 
  其實, 我表弟是某年的Feb 29出生, 這天, 他終於可以正式生日啦, 我們時時笑他, 四年才生一次日. 所以, 他時常說自己很年輕. 哈哈~~~

    近年, 太多我的年齡嘅朋友生BB. 真係差不多, 每個月在facebook都見到一個新BB面孔. 而今天, 在facebook, 看見我朋友, 在這天作動, 之後順利生產. 又識多一個人, 係leap day 出生了. 恭喜恭喜!

  
-----------------------------------------------------------

    近日, 煮煮埋埋, 又影影埋埋, 一堆晚餐相. 係度post 埋啦!! 


↓有肉碎茄子煲+ 蝶菜,  有日食滑雞蠟腸煲仔飯+蠔油生菜 

↓放工, 係food court 食咗意式芝士批, 之後, 叫了外賣(燒鴨飯, 左公雞+星州炒米)

↓Leap day 食咗白汁煙肉意大利蝴蝶粉 (Farfalle)+自製蒜容包, 而另一日食豉油抆雞柳

↓依日係街買咗盒炒飯, 再加啲食剩意粉+豉油雞. 又一餐




*Feb 28, 2007 開始寫第一blog, 直到現在......原來我寫了5年blog

周末找綻去

February 24, 2012 (Saturday)


   我發覺曾經係香港生活過的人, 就會很喜歡周末出街.

   但我覺外籍人士, 很喜歡留在家中享受周末.

   係香港人天生怕悶, 定係外國人懂得享受生活? 依點就真係唔知點講. 但我身邊很多例子, 都是這樣.

    這個weekend, 超級大風. 冬天一吹大風. 就顯得份外冷. 但我們也是照出街.  步行去, 我們近來喜歡的蒲點---三文治店, 食一個Lunch.   之後, 再周圍行下商運場, 再入超級市場入貨 (買咗super like 嘅Prune Yogurt)..................一次過, 行足咁多地方, 真係咩「出街癮」都滿足晒.


↓Lunch---我是食雞沙律配湯, Brian食雞沙律配三文治

↓Lunch--- 特飲 (熱花茶和芒果冰), 食到差唔多上下網

↓三文治店的環境

↓第一次反轉個MJ袋用




  冬天一吹大風, 係條街行, 真係吹到頭都傻.   夜晚, 就煲啖湯, 暖一暖, 潤一潤.  煮埋個煲仔飯. 真係咩溫暖都返反黎啦!


↓花膠杞子響螺雞湯, 香蔥滑雞飯煲仔飯 和蒜頭炒西蘭花







-------------------------------------------------------------------------------------------------



February 25, 2012 (Sunday)
 

    Brian 一早出去銀行+做兼職. 而我就繼續軟. 點知軟到Brian收工. 佢call 我. 我先醒. 他在電話另一邊仲好有承意, 叫我出街食Brunch. 但我怕大風. 都費事出.  由於我懶, 所以演變為, 在家坐定定食Brunch.
   

   之後, Brian 仍好想出下街嘅, 但真係諗唔到有咩特別地方好去. 但Brian 就好想出街. 仲提議出街睇Hello kitty 添!! 真係比佢笑到肚鑾, 用Hello kitty引誘我出街.. 哈哈~ 但出面大風到不得了. 都係留係屋企為妙.

   最後, 都無出街, 幫Brian剪頭髮, 執下屋, 煮埋晚餐.  完全無任何負擔, 很舒服在家渡過星期日.


↓星期日的Brunch

 

Rimowa Salsa---Violet Luggage

February 22,2012 (Wednesday)


   情人節禮物, 終於抵達了!----- Rimowa 紫色輕身行李箱. (大愛---哈哈~~)
 
   我兩都是淡定派, 諗住每天經過, 每天見住. 就等待情人節當天才買!

   誰不知, 到了當天, 已經沒有貨了.

   他一心想買給我, 但是沒有我心水的貨. 而且, 還是剛剛的沽清.  

   謂有落下訂金, 等待下批Shipment. 幸好的, 是店員會免費送貨, 來我家.

   情人節, 一星期之後, 我的情人節禮物, 便在我眼前出現.

------------------------------------------------------------------------

   我是第一次擁有, 屬於自己的行李箱.

   這幾年, 去旅行的行李箱, 不是問家人借用, 便是霸佔Brian的行李來使用. 說實話, 有點不方便.  還感覺有點尷尬.

   響往出外走走的我. 行李箱, 已經是我急切性的物品. 所以, Brian有見及此. 送一個, 我超級喜愛的紫色行李箱給我, 作情人節禮物.

   更早前, 和Brian去旅行. 為着行李箱. 令到每次登機前, 都抱着膽戰心驚狀況.   因為現在航空公司捉得很嚴. 只可帶一件行李外, 還要限住行李的大小和磅數. 要不言, 就罰錢. 曾試過, 行李沒有過磅, 但行李太腫脹, 也給航空公司拒絕.   真是很為難.

   現在, 有了一個最輕身的行李, 帶來信心. 執行李都不至於太過膽怯
 
  
  用行李電子磅, 磅過這個紫色行李箱. 原來它還比一個手提行李,  還要輕.  而且, 一隻手指托得起這個紫色行李.  真是輕型無比 


   感謝Brian的心思. 將來去旅行也可放心, 執行李這一關.

   
   咁我去旅行, 咪可以放心買野啦!! 哈哈~


↓Rimowa --紫色行李. 還有四個碌. 很方便, 而且很輕身. .連埋個盒, 我一隻手都拎得起.

↓開箱, 見到個行李啦! ....... 依個size的行李, 可去歐洲.



↓很喜歡, 這個紫色.

 

↓行李很輕身. 一隻手指都能提得起

靜 + 中獎杯

February 20, 2012 (Monday)

     這天是星期一, 是加拿大---多倫多的假期. 但其實, 加拿大其他省份是沒有這天的假期! 所以, 這天都仍然要上班. 

    這天,在交通工具內,平時走的走廊, 平時行的道路. 完全沒有丁點人. ...好靜呀!  多倫多假期, 很多商鋪都關閉. 鋪頭門都唔開, 條街仲邊有人吖!!

    平時多麼想條街少人啲, 可行得舒服啲, 唔洗被來被去街上的人群. 

    平時也多麼的想坐交通工具時, 能有空位坐, 唔想太迫人, 擠擁在地鐵車箱內,   甚至多麼的想連隊都唔洗排就入到車站.

    平時, 多麼想的希望, 在這天, 通通都實現了. 

    但原來平時擠滿人的地方, 現在空無一人. 都真是靜得幾恐佈. 

    這天, 假期上班都是循例的安排, 但換來, 多多一天有薪假期. 都是值的.

    說實話, 令願好像平時一樣. 感覺平時擠滿人的街才像樣.

很美好, 這天上班, 跟本不多工作. 還可以提早走人. 哈哈~~


↓平時擠滿人的走廊, 這天, 一丁人都沒有. 靜到驚

↓提早可回家, 去了咖啡店, 買點小食和咖啡嘆, 而且, 咖啡店又舉辦一年一度「卷起邊中獎活動」. 飲得多, 就會多啲機會中獎...哈哈~~~




↓飲完咖啡, 即時卷起杯邊, 有一杯中了一個Donut . 真係一個好開始!! 展望其他獎品....電視,相機, 現金獎, or 一架車.....哈哈, 發夢ing.

↓晚餐, 食生菜墊底嘅髮菜蠔豉煲(隔夜), + 炒雞粒 +白飯任裝.

這天, 雖有得早放, 但食完咖啡店的食物, 就肚痛. 痛到半夜, 還痾了五次, 全晚廁所陪我瞓.

Surprise guests

February 19,2012 (Sunday)


沒有特別工作, 遲起床, 是我星期日的指定動作.

但這天, 10am 便有電話來電. 還以為有什麼事. 原來我班妹想來我家. 我話都未說, 我班妹, 便說「兩小時之後便來到我家.」 還說「記住落樓下開門比我呀! 」

咁Surprise!! 事前, 一點先兆都無. 昨天, 臨睡前, 大家還whats App了一倫. 丁點都沒有提及來我家的事.   只可說, 現在的八,九十後. 真是難觸摸. 哈哈~~

我班阿妹咁緊急黎, 我就很緊急抹好間屋, 再緊急化妝+換衫. 而Brian就很緊急去超級市場. 買點零食+汽水作招呼.

我班阿妹, 其中一個妹, 三妹剛去完旅行回加拿大. 原來她緊急來, 是想趁長周末, 來我家顛一顛. 順便帶手信給我. (嘩!! 多謝晒呀!!~~) 估不到三妹去旅行, 都買了不少手信給我. 去旅行已經花費不少, 還肯買手信給我. touching.....

而五妹和同學行街時, 留意到, 我的至愛物品. 又會買下來!! 買下買下, 都買了幾樣. 今次, 和三妹一齊, 一袋過, 送給我!! 

兩個妹送給我的物品, 都係生活上的用品, 但她們的心意就好明白.

班妹和她們另一半來我家, 人夠多. 班妹竟提議一齊飲茶.   我們試了一間新茶樓.  味道和裝修不錯 (因以前係西餐廳, 現在給這間茶樓頂咗黎做.) 但價錢都幾貴.  算啦!! 間中一次, 同班妹開心下.  平時, 班妹唔鐘意飲茶, 但同我and Brian就會主動提飲茶. 還坐咗好耐添.

飲完茶, 大家還行了一陣街, 我啲妹好鐘意在我家附近行街. 無目的購物都要周圍行一陣。 其實, 茶樓和我家很近, 5分鐘步行路程. 但飲完茶, 行咗兩個鐘先返到我屋企.  但好開心, 人人都購物. 哈哈~~

↓當天午餐的點心和飯, 依餐我係咁二影啲食物, 無逐一影.  (依日, 全間restaurant都係西人, 他們叫野食, 還叻過我哋, 我哋見到隔離檯啲野食好靚, 就跟住叫,所以啲食物都係一倫倫黎, 影不到大合照)




↓在茶樓的合照.......................飲茶後, 去了行街的戰利品





其實, 我的家沒有什麼東西好玩, 但我和班妹又可以顛一倫, 沒有悶場. 人多就連看一個簡單電視節目, 一人評論一句, 都講足好耐了. 哈哈~~

班妹來到我家, 才知道我和Brian在星期一, 是沒有假期. 班妹及她們的另一半好識做. 玩到差唔多就話要食晚飯, 玩到差唔多就話走. 怕我和Brian 在第二天會無精神返工!!!

 

↓晚餐 (叫外賣), 我只淥兩蝶菜和煮白飯. 超簡單. .........和三妹, 五妹的合照

↓三妹去旅行, 買給我的手信 (有食品, 美容用品, 還有Hello kitty 廚具和擺切)

↓五妹和同學仔行街時, 留意到合適我的物品, 便買下買下, 日積越慮, 就買了以下的Hello kitty物品給我

三文治店

February 18,2012 (Saturday)


每到禮拜尾, 大概都會同Brian相討.... 「周末去邊道玩好.」 其實, 我哋話去玩, 都是出下街食下野. 行下商場. 全都是一啲平凡節目. 但起碼出下街, 望下街, 望下人, 望下周圍, 視野有新鮮感,內心便會輕鬆一些


很美好, 這幾年, 加拿大很多銀行服務都會在周末辦工, 周末正好去銀行處理一些事務.  辦理好. 便去享受星期六的午餐

午餐, 我們剛顧了一所新開業的「三文治店」. 環境都很舒服. 食物也不錯. 可以再encore.



↓三文治店的環境  (幸好早啲啲到, 隔無陣, 全場都是人)

↓在三文治店, 我們吃的食物. 

↓三文治店, 主打Pastry ....甜吃都是甜包點.(肉桂果仁包和朱古力包).還有我當日的容貌





吃飽了, 行下商場,  當飯後消化, 也好. 這天商場份外多人, 可能是長周末假期的原故吧! 但我們沒有長周末的感覺. 因為星期一(紅日)當天. 我們還是要上班. 所以, 感覺不到長周末的興奮感覺. 只知街上很多人.

原本行商場是都沒有購物目的. 但總是行行下, 就會有東西走上眼內.  最後, 也在商場放抵啲大洋才走人.


↓當天商場有手提電話推廣活動 ...................在手機畫人像

↓在商場, 買了Hello Kitty 指甲鉗 (我多麼想指甲快點長, 可立刻用) 還買了個電子行李量度器(以後去旅行前, 唔驚行李重, 唔敢執太多野)

↓手痕---買了特式果醬和特式果汁

 

在街上渡過大半日, 全程坐公共交通工具和利用自己雙腳.  不需要找(or爭)車位, 不需要看時間, 大家還可以邊行邊睇, 邊傾計. 咁樣去街法, 原來好舒服.

晚上, 自己煮飯吃. 預先浸到冬菰+蠔豉, 再加腩肉和生菜.  一煲過, 全部材料順序入煲抆.  再加昨天的湯. 好快便開得飯.  咁又一餐.

有時在想, 我煮飯已經沒有以前的熱情, 有時但求填飽肚子, 簡簡單單的攪一餐. 便算.   但看見在我身旁的人. 突發的話, 例如:「Vicky 個啲好食啲」. 或者「我要家姐教我整」(家姐=我), 令我對下廚, 有點信心和動力. 說實話, 我煮的食物很簡單, 一般家庭都懂. 甚至是亂煮一通. 雪櫃有什麼, 便煮什麼.  但聽到有人的突發讚許, 確是開心.


↓晚餐, 一個煲仔菜 (冬菰+蠔豉+髮菜+腩肉和生菜) 和 冬瓜意米蜜棗排骨湯