這個星期.....

August 7, 2010 (Saturday)
   
     睇下幾多零食.....其實, 通通都係Brian買架!! 而且, 打開雪櫃仲有好多肉類添!! 突然買咁多.....係因為Brian 飛咗返溫哥華探親一星期(July31- Aug 8).  咁這個星期為咗我能夠方便啲!! 咪買定啲糧食過我!! 咁我挽下手, 都有野食嗎!!

    不過, 每次我自己一個生活時, Brian都會比啲allowance fee 我, Brian話如果自己唔想煮, 可以自己用啲 fee 去買外賣喎!! 但其實, 買野食,我自己比都無問題架!!....做咩無啦啦比啲 fee 我呢???哈哈~~

↓零食+雪糕 (全是Brian買). 計埋屋企本來剩落啲零食, 變相更加多零食係屋企!!0

     由於, 屋企太多儲糧, 真係唔想晒, 咁我就每日, 逐啲逐啲煮黎食囉!! 仲配合埋我啲Hello kitty廚具元素入我啲晚餐度. 咁食都食得開心啲!!

    其實, 我自己一個生活, 我又無嫌悶喎!! 又唔會話特別唔慣嘅!! 每日, 都如常過,如常上網玩電腦,  如常煮野食, 過過下又一日啦!!

    以下, 就係為自己煮嘅晚餐!! 其實, 自己為自己煮晚餐有樣好, 就係可以煮完, 慢慢影相, 作紀念. 哈哈~~

↓用依隻Hello Kitty 蝶食, 依餐晚餐......青瓜+蕃茄+燒雞, 麵包係低0

↓有日, 食咗燒雞+青瓜+蕃茄+玉米拉麵, 飯後食雪條!!0

↓自己整咗杏仁豆腐食, 但我甩Hello Kitty 模時, 用滾水座模, 差啲連杏仁豆腐都溶埋. 所以, 啲杏仁豆腐出咗黎嘅效果係啲散散哋, 而且, Hello kitty 樣唔多靚. 甩完模, 配白玉桃+Mango食0

↓整咗啲印度薄餅,夾什菜+芝士+辣味吞拿魚. 0

↓有日,用早餐食材,煮晚餐食...................有日,青瓜+燒雞+吞拿魚三文治做晚餐0

↓用依隻Hello Kitty湯碗飲湯(套碗係朋友送架!),滾咗什菜番茄湯配香草吞拿魚三文治0

↓番茄+麵根+青瓜湯米........................又是早餐材料,但就係晚餐時食,但有埋水果0

↓而這個星期....啲天氣都好焗, 每日都見唔清個天,好檬!! 但咁樣仲更加熱!!!0

    仲有,仲有, 而依個星期, 最特別係有個香港朋友, 咁啱係依段時候放緊大假. 見大家時間許可, 我每食完晚飯就同香港朋友上網傾計囉!! 有時調返轉, 香港朋友食完晚飯, 又同我傾.

   我哋有次癲到, 傾電話, 傾足五頭鐘添!  諗返自己傾咁耐, 真係好好笑...點解可以咁長氣嘅!! 講電話馬拉松呀!! 哈哈~~ 但好享受同遠方朋友傾計. 好開心!!