2分鐘杯蛋糕

July 5, 2010 (Monday)

    自從屋企個磅(量度麵粉嘅磅)欄咗之後, 我都好耐無一手一腳咁, 真真正正焗蛋糕了! 

   但我有時會手痕, 都會係超市買啲cake mix 黎整啲蛋糕仔食, 因為cake mix 做法簡單, 加隻雞蛋....之後再攪均, 再放入焗爐, 咁就食得!!

   不過cake mix 越出越新穎, 而家, 市面上啲cake mix, 連焗爐都唔洗有, 就可以自己整蛋糕食. 仲只係用微波爐叮兩分鐘就食得!! 哈哈!~~ 認真簡易, 又方便!
   

↓係廚房攞個入得微波爐嘅杯,倒包cake mix 粉入杯, 加隻蛋攪均, 放微波爐叮兩分鐘, 就食得, 蛋糕味道似馬拉糕....哈哈~~ 蛋糕份量,同Brian一人一半, 就啱岩好.....0



↓就係依盒2分鐘蛋糕 (我係溫哥華買架!! 唔知多倫多有無呀!!)0





*題外話:
  近幾日, 多倫多唔知咩事, 非常炎熱, 有成40幾度, 最高都好似有47℃, 雖然, 我唔太怕熱, 但短短由地鐵站步行數分鐘回家. 我塊面也晒到紅. 而且, 感覺好sticky and muggy. 回家後, 連食飯嘅胃口都無埋, 只食三文治, 便以足夠!!

Posted by at

10 comments:

  1. Mui9 July 2010 at 17:00

    我係里邊未見過呀!如果你見到話我知呀，我都想試
    [版主回覆07/16/2010 04:31:00]Mui   其實, 我係溫哥華啲日本百貨店買依盒microwave cake mix架!! 依隻cake mix仲有幾種口味架!! 我試下係多倫多啲日本店幫你揾下有無啦!!有就幫你買兩包啦!

    ReplyDelete
  2. Nancy11 July 2010 at 01:38

    個蛋糕襯埋隻杯好有趣~  kekee
    [版主回覆07/16/2010 04:31:00]畫:   哈哈!! 咁依隻杯個size又啱用, 又可以放入微波爐丁....咪用依隻杯整微波爐蛋糕囉!! 無諗過依隻杯襯個蛋糕, 原來都幾得意架!!哈

    ReplyDelete
  3. Wing L11 July 2010 at 03:17

    隻杯好得意呀...... , 你同Brian一人一半, 夠唔夠食呀? ... .
    [版主回覆07/16/2010 04:31:00]WingL^^   ~我好鐘意買杯架!! 見得意嘅杯就會買!! 哈哈!! 多謝你讚我隻杯呀!!   ~個蛋糕係飯後先丁黎食, 所以, 一人一半當飯後甜品就啱岩好囉!! 哈哈~~

    ReplyDelete
  4. Mrs Cook 小花媽11 July 2010 at 08:50

    呢種 microwave  cake  mix 係香港好容易買得到，$12咋! Toronto 買得貴嗎？　嘩! Toronto 咁熱 ，真係全球暖化囉！以前夏天夜晚要著外套咖！
    [版主回覆07/16/2010 04:32:00]小花媽:   ~我都係聽香港朋友講過依隻microwave cake mix!! 就係見朋友整得好開心, 我係溫哥華旅行見到依包microwave cake mix 咪買黎玩下囉!! 一包cake mix 都係$2 加幣, 同香港差唔多啦!!   ~依幾年多倫多真係好熱, 係街行陣塊面都紅晒啦!!! 我都想多倫多夏天好似以前咁清爽呀!!

    ReplyDelete
  5. Mrs Beauty12 July 2010 at 01:12

    ~又幾得意喎！加埋你隻杯嘅表情好攪笑
    [版主回覆07/16/2010 04:32:00]靚太:   ~依啲microwave cake mix 係香港都有得賣架!! 你都可以試下買黎叮黎食架!! (好似$10 店有購)   ~我係好鐘意買杯啲人黎架!! 所以, 屋企有唔少杯!!   ~初頭叮蛋糕,  都係貪依個杯size 岩身, 而且, 又入得微波爐, 所以, 咪用黎叮蛋糕, 點知叮咗出黎, 都估唔到個蛋糕又同個杯幾襯喎!!哈哈~~

    ReplyDelete
  6. Col13 July 2010 at 09:31

    so cute.
    [版主回覆07/16/2010 04:32:00]小col   多謝!!

    ReplyDelete
  7. Connie13 July 2010 at 10:33

    好CUTE呀! 係響日本超市/店買架? 見個包裝係日文...
    [版主回覆07/16/2010 04:32:00]小水怪   係呀!! 我係溫哥華啲日本百貨店買依盒cake mix 架!! 所以, 包裝係日文囉!!

    ReplyDelete
  8. Wedy13 July 2010 at 18:59

    哈哈, 原來有咁嘅 cake mix, 可以用微波爐整蛋糕! 其實如果你冇磅, 可以搵啲食譜係唔駛用磅而係用量杯黎度材料啊.
    [版主回覆07/16/2010 04:32:00]Wedy   ~係呀!! 依家啲cake mix 越來越簡單方便!! 訂2分鐘就食得!!   ~多謝你教我用其他方法整蛋糕!! 其實, 我以前有整開蛋糕, 但自己手上啲食譜係用開磅係量度. 但我現在比較懶, 都無心機再試新蛋糕食譜啦!! 哈哈~~

    ReplyDelete
  9. 怡威13 July 2010 at 21:02

    個cake好特別呀!~
    [版主回覆07/16/2010 04:32:00]小威威:    多謝你呀!!

    ReplyDelete
  10. LaLa16 July 2010 at 09:08

    我都有試過呢隻cake mix,眞係好方便~
    哈,你隻杯好攪笑得意呀~
    [版主回覆07/20/2010 08:00:00]LaLa   ~係呀係呀!! 依隻cake mix 真好方便.   ~原來你個樹, 有依隻cake mix 賣架!! 我依邊(多倫多)好似唔多覺有依隻cake mix 賣. 依隻cake mix, 我都係溫哥華買返黎!!   ~我鐘意買杯架!! 依隻杯都買咗一段時間, 見依隻杯適合微波爐, 咪攞黎整蛋糕, 估唔到整完蛋糕出黎個效果咁攪笑!!哈哈~

    ReplyDelete

Subscribe to: Post Comments (Atom)