星期六下晝食咗一個好大份量晏晝, ......之後, 便去打H1N1 疫苗針! 初頭, 都無諗住打依啲防疫針架!! 我黎咗加拿大咁耐, 係有啲針學校要求要打之外, 我連感冒針, 都無咩點打過, 需則我知加拿大醫療費係全免. 但咁又點呀?? 感覺自己無需要, 便沒有約見醫生....費事喇!
↓Lunch time 食咗魚香茄子米, and 豆腐班腩飯
今次, 決定打H1N1 疫苗針, 係因為我黎緊十二月尾, 會去旅行, 要坐飛機, 又坐車,...接觸唔同地方嘅群聚, 安全起見, 便決定打H5N1 疫苗針!!
得知, 剛剛嘅周末, 加拿大啲疫苗針, 開始供應給大眾, 便打電話去某醫療中心預約打針時間, 又好好彩, 星期六可以預約到打針, 唔洗在返工日, 趕住收工去打針, 真係好!!
其實, 我唔太怕打針, 打針時, 我盡量唔望支針, 打針需時幾秒....我都ok架! 唔會驚! 但反而Brian 仲擔心過我!! 成日問我打針係點架???..... 而且, 在醫療中心裡, 需則我們有預約, 但都需要等候,....... Brian 等得好唔耐煩, 仲問我, 點解預約咗都需要等咁耐架!! 其實, 係香港睇私家醫生都需要等喇!! 可況, 依邊醫療費係全免. 要等, 我係接受架!!
我感覺.........Brian 你太幸福了, 你由細到大, 家中有位私家醫生隨時應診!! 所以, 沒有接受過什麼是等待看病的難處!!! 還記得, 我和啲妹在小時候, 需有幸看私家醫生, 但等待看病是相當困難事, 有時, 診所病人眾多, 連座位都沒有......企在診所等候....之後, 還要等配藥!! 香港雖然係有效率, 都係要"等" 架!
幸好, 在今次打針過程, 我們只是等了半小時, 便完成整個過程, 醫生嘅態度和等候時間, 已經比我想像中好好多了!!
↓醫療中心 and 醫生房
↓打咗針喇!!
打完針, 再如常, 同Brian 出外, 買下一星期所需嘅日用品and 食物!! 但在購買途中, 個人開始感覺好疲倦, 好想瞓, 仲以為自己太早起身, 所以, 有點疲倦添!!
之後, 經過一個商場, 見到有好多燈飾, 便順道入去影下相!! 但唔知點解, 成個人好提唔起勁, 總之, 係好攰!!! 以前, 我見到燈飾好開心......但今次, 我同Brian 講, 想快啲返屋企, 因為好眼瞓.......所以, 好快看完燈飾, 求其係屋企附近食個肉汁burger, 就嗱嗱臨返屋企休息!!
可能, 打完針, 真係成個人都攰得很.....可以話周身唔舒服!! 由其事啲肌肉, 感覺好酸, 也感覺自己成身都好滾, 仲有啲頭痛添......半夜仲咳.....總之, 就好攰好攰, 係星期六黎講, 我算最快跳上床瞓的一天!!
↓商場啲燈飾
好幸運, 星期六打了針, 可以在星期日在家全日休息, 休息了一整天, 成個人舒服咗好多.........如果換咗返工天才打針, 一定辛苦多二錢重!!!
111111 ... where are u going for vacation ah ?
ReplyDelete[版主回覆11/26/2009 01:42:00]表叔公: 都去唔到遠....去滑雪and 去美國!
its H1N1 not H5N1 ar
ReplyDelete[版主回覆12/02/2009 10:22:00]Kitty: 哈哈!!
等左半個鐘都ok，好過早排既人排半日去打
ReplyDelete[版主回覆12/02/2009 10:22:00]Mui: 早排睇新聞, 見到啲人想打依支針, 都唔容易......現在, 好好多了!! 都係等一陣就ok.....你有無打算打呀?
我好怕打針呀!~
ReplyDelete[版主回覆12/02/2009 10:22:00]小威威: 其實, 我唔太怕打針!! 唔望住支針. 我就ok! 而且, 打針都幾秒,好快!!
打針痛嘛?? 你個邊好有聖誕氣氛呀
ReplyDelete[版主回覆12/02/2009 10:22:00]心樂: ~打針實有啲痛, 不過, 都係忍幾秒!! 都ok! ~係呀!! 依邊十一月就開始有聖誕節裝飾!! 都算有氣氛架!
香港有報導加拿大有批流感針出現問題, 而家見到你地打咗冇事就安樂晒喇.....其實, 呢支針的藥力應該幾勁, 我見你都出現唔舒服, 不過而家冇事就好喇.....
ReplyDelete你今年好早就影聖誕節嘅燈飾喎, 我仲未去影添, 遲d啦....
[版主回覆12/02/2009 10:22:00]爆炸魔女: ~係呀!! 我都有聽新聞話, 有批疫苗係有問題, 依邊政府知道之後, 已經回收咗!! 你放心喇!! 你真係好留意加拿大啲新聞呀!! 我係香港出生, 我daddy 又係香港, 我反而, 都無咩點留意香港新聞添!! ~我都覺依支針啲藥力好勁呀!! 好似打咗啲毒上身!! 打完成身酸晒, 感覺自己好似病咗咁!! 好攰, 好想瞓!! 好彩, 在星期六打, 打後果日都可以全日休息....舒服好多! 不過, 係得我, 有依啲反應, 三妹(比我更早打依支針), 打完之後, 又無咩野!! ~你現在, 當然唔會淋亂去街街, 你哋一家三口要閉關一陣嗎!! 點呀!! 仲言考完試未呀?? (仲言, Good luck) 考完就快放假, 你哋到時大把時間enjoy 聖誕節喇!! 哈哈!! 其實, 依邊已經有好多店鋪啲廚窗已經好有聖誕氣氛(我相信香港都係), 但現在我哋都好忙, 有時衝衝忙忙經過咗,都無影到相!! 哈!
很喜歡看看別人的生活故事，謝謝您的分享哦~~ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
ReplyDelete打左針始終會安心一點吧！
ReplyDelete[版主回覆12/02/2009 10:22:00]傻妹: 好多人都係咁講, 所以, 輪到自己打針時間, 便走去打返支囉!!
i had a vaccination shot for yellow fever 3 months ago and i was sick (tired) for 5 days!
ReplyDelete[版主回覆12/02/2009 10:22:00]Mrs. Tin Tin 嘩!! sick for 5 days!! 你打完針, 都幾辛苦下!! 其實, 都係一啲啲人, 有啲人打完係無咩事架! 有啲就好似我哋咁, 打完針會有反應!!