情侶錶

November 4 (Tuesday)
       我本來Halloween 個日好想post 篇blog!! 點知寫咗一, 兩句, 就眼瞓, 所以, 都無係度同啲blog 友講Happy halloween 添!! Halloween 夜, 我都無出街玩, 同Brian 打完邊爐, 我就瞓!!! 哈哈!!

       我近排, 除咗多野做外, 我好像特別想睡!! 見到張臺, 想伏係張臺瞓, 見到sofa 更加趴住成張sofa 瞓!!! 總之, 就好眼瞓喇!! 平時, 唔多肯瞓嘅我!! 終於, 要瞓返夠本!! 有時, 我還比Brian 更加早入睡!! 哈哈!!

         --------------------------------------------------------------------------------


      過去個weekend加拿大轉咗冬令時間, weekend 多了一小時休息, 真係舒服!! 係Weekend 同Brian 出下街食下野!! 而Brian 行街時, 買咗對錶, 大家一人一隻!! 由於, 錶帶and 牌子相同, 所以, 我當Brian 買了對情侶錶架喇!! 雖然, 唔算得係啲咩名貴錶, 但隻錶幾容易襯衫!! Yeah!!!  

      其實, 我唔係貪啲情侶錶, or 情侶手鐲啲人!! 我個人最緊要實際!! 唔好浪費就ok!! 前排Brian 唔知點解話要買情侶手鐲, 我覺好唔實際架!! 做咩無喇喇買依啲野!! 平時都唔帶開手鐲, 無端端話想買, 買咗咪要帶囉!! 之後, 我問Brian 點解要買情侶手鐲?  Brian 個解釋得好好笑!!
    Brian 話:「如果有日唔見咗我, 啲差人問我, Vicky身上有咩特別野!! 我咪即刻show 隻手鐲比啲差人睇!! 話比差人知, Vicky 都有依隻手鐲囉!!!等啲差人容易啲揾我!!!」
    我:「已經係咁笑, 哈哈哈!! 我有幾何會走失!! 就算走失我都識自己坐車返屋企喇!!」

       不過, 無論男士 or 女士, 要買野都有特別理由嘅喇!!! 好彩, Brian 無買到手鐲, 買咗錶, 我覺實際啲!! 可以時時用到!!! 


▼一人一隻錶......買完錶就去食Brian 最喜歡嘅hamburger!!  

▼夜晚, 我煮飯..蝶雞係我煮完先攞個煲上, 扮煲仔菜!! 哈哈

▼同場加演....我近排換啲免費物品!!係blog 友比啲coupons 我, 我得閒就去換, 有啲換完, 直情用咗!! 無影到相!!! 而支飲品係街頭啲唔知咩咩推廣, 總之, 見人就派依支野飲品喇!!