一個字---焗!

    星期五(June 1),我同Brian大多數都出街食dinner. 但依一日我地兩個都想食d清淡野

! 可能天氣比較焗,成日都見到好多smog 啦! 但諗黎諗去都唔知去邊道食野會清淡d, 最後就決定係屋企食, 我煮咗湯河粉, 再整咗d餃子and魚肉燒賣 on the side. 咁就一餐!之後,我地睇flyer見到屋企附近間sobey's supermarket有朱古力脆皮雪條on sale. 所以,我就提議買脆皮雪條做dessert. 哈哈!我落到去supermarket仲順便買埋chocolate milk 添! 真係death by chocolate!!!
    星期六(June 2),一朝早起身就見到,一大袋麥當勞早餐 放係茶几道,係Brian一早起身買,Yeah! 有早餐食﹐一朝早嘅好開始,....今日,係去Niagara Fall玩,我地通常坐一點鐘個班巴士,但個班車full咗! 所以,就坐3點幾個班車,見朝早得閒有d時間,就去咗superstore買comforter. Yeah! 我有新被瞓. 之後,就去等巴士入Niagara Fall.嘩!班車仲要遲咗15 mins,晒唔緊要,係d空氣好焗! 上到車仲以為可以ok. 坐坐下又話要換另外一架巴士坐,點知另外個架巴士個冷氣係壞, 成架車五十幾人,一齊坐,一齊呼吸,唔焗都幾難, 而且,依d巴士d窗係開唔到, 但開到又點吖! 出面d 天氣同樣咁焗, 總言之,就攞命. 我第一次坐車有想嘔嘅感覺,仲作咗好多次嘔,....好彩食返粒薄荷糖, 作嘔感覺少好多,但依間旅行公司好有問題,點解明知架巴士冷氣壞,仲要人上車,仲要比平時坐得耐,因為仲要接第二個地方d人,平時都唔洗嘅! 其實,係巴士上有多乘客嘈,幾驚變咗巴士阿叔事件, 但,好彩無咩事發生,如果唔係我and Brian都唔知點算......Anyway,終於都到Niagara Fall,平時只要1個鐘就到嘅地方,而家要3個鐘,真可怕. 入到去,當然去賭場, 我自己而家對Brian賭,唔會好angry。只要適可而止....就得!今次有贏,但之後又輸, 再返贏少少! 唔理啦! 哈!   之後,就去咗一個...我等咗好耐,好想去嘅地方,....Shoeless Joe食dinner仲坐patio. 嘩!我地叫咗好多野食,我叫咗個ribs 好大碟架! Brian就叫咗個blue cheese burger and order咗nacho 一齊share. And,叫咗三大杯beer.  Super enjoy 呀!d野好好食! Patio又坐得舒服. 出其地坐patio嘅空氣幾好,可能間cafe近Niagara Fall啦!所以,d空氣清新, 坐到唔捨得走. 依日仲食得好飽,講真依間cafe d野,好大碟. 食唔晒! Brian今次十分豪.因為依餐埋單都唔少錢.  但就好享受.  之後,再入多次賭場, 初頭贏,之後輸好多,再贏返d。 今次,我地延遲時間返多倫多,返到屋企都3 am. 我就上網,saved icons. 到天光先瞓! 諗住用新comforter.點知太大張,...所以,即刻收埋.諗住exchange 張細d.


*Shoeless Joe 食店門口

*我個樣幾疲倦,坐係一架咁焗嘅巴士裡面成3個鐘,hair spray&遮pimple膏都溶晒!--it's my 真面目

*我碟ribs,幾大碟! 但我食得晒!食剩d薯餅仔

*Brian個碟,blue cheese,sweet onion burger with lobster soup

*臨離開Niagara 影成零晨1點!個樣都幾精神? right?

  星期日(June 3)一起身就同Brian講,張被太大張,我自己捲到自己成條春卷咁, 好唔舒服,Brian話同我去換個張新, 而且Brian又話要買手提電話,所以,我地星期日都要出街,一出街,就知天氣焗, 有好多smog,我隻眼allergy係咁流眼水, 幾驚對隱型眼鏡會丟出黎,...好彩無事!  依日, 我地渣車出去,可能highway關閉咗,local road勁traffic jam. 渣渣下車,Brian話想去washroom. 我提議去starbucks,諗住買杯咖啡 ,順便借washroom用,點知Brian無買咖啡,佢買咗個咖啡杯, 都幾靚, 我地幾經辛苦到達superstore去換comforter. 原來細張d嘅被,係平d,我地仲有返錢攞返! 之後,我and Brian係superstore行咗一陣,買咗一盒甜筒雪糕 ,幾包河粉,and福麵, 再之後,就去買Brian新手提電話, 我地渣渣下車無意之中比我地發現有間食蒙古烤肉店,我地話有時間一定會去試下,...我地到油站等個電話賣家個陣時,我自己就係架車裡 面 食甜筒, 而Brian就無端端係便利店買咗杯可樂仙樂冰比我,我依日嘅lunch,就係咁樣食飽咗! Brian部新手提電話blackberry都幾靚! 我自己越睇越仲意!  左撲右撲返到屋企都四點, ...Brian好求其食咗塊花生漿麵包當lunch

.非常求其. 而dinner就食咗,炒河粉,我就食公仔麵

,...睇下電視﹐無幾耐就sleep.

*Brian部新電話,blackberry8系 full keyboard

*我張新被!

*Brian買比我飲嘅可樂仙樂冰!