一早(May 12,saturday)就約埋d細妹係holt Renfrew等,諗住買個銀包比媽咪!見到holt Renfrew好多人,我同Cindy (2妹),Candy(3妹)一齊行holt Renfrew,我地睇咗好多牌子嘅銀包.連LV都睇埋!後尾就選擇咗個Ferragamo銀包,個價錢比較合理! 之後,買完就去咗飲茶,順便送個銀包比媽咪! 但媽咪話我地係茶樓送銀包比佢,好浮誇! 叫我地下次返屋企先送比佢! 哈!哈! 返屋企無一陣,媽咪就換咗新銀包,媽咪仲show咗比我地睇佢換咗新銀包,銀包每一格放d咩....證明媽咪都好仲意! 晚上,就打邊爐!Brian黎埋,仲買咗白酒&蠔!之後打麻雀,打到零晨2點先打完! 我地本來話邊個輸咗要去24小時營業嘅大統華超市買溜蓮,但實在太疲倦,買咗都無人食! 哈!
May13,媽咪一清早就出咗街,買野食比我攞入自己apartment,媽咪買咗三文魚,紅腸,蛋糕,草莓, duck﹐asparagus, broccoli,mango.....總之,就好多野! 因媽咪...怕我唔食野,我知媽咪仲想幫我慳錢...真係好多謝媽咪對我咁好..之後,我地成家,連埋我男友&Candy男友又去飲茶, 叫咗好多野食,龍蝦飯,瑤柱蛋白飯,and 勁多點心..食得好豐富! 年年母親節都係Brian請. 由於lunch time我地係茶樓成日講龍蝦,所以飲完茶之後,去咗loblaw買龍蝦,但一早就買清晒! 但同咗媽咪and細妹行咗一陣loblaw超市, 又比我買咗個環保購物袋, only 0.99 cents. 我覺Loblaw出嘅環保購物袋係最好睇. 好開心估唔到自己係母親節都買到野! 到3點幾返屋企, 執野返自己apartment. David,Candy,&Mable送我and Brian去Finch subway. 母親節就係咁過.過得好開心! 哈!
No comments:
Post a Comment