依個周末返咗屋企,咁就帶咗個行李仔出去! 今次返去屋企好平靜, Candy,Brian又無出去,又無得玩wii,今次出去只係為咗去見下我個家庭醫生, 由於上次出去我驗咗身,今次去睇報告! 知道個結果之後好想喊,因我有好高"膽固醇"!!! 個醫生仲比咗個list我, list咗有咩唔食得! 仲要August再去check一次. 說實話,我閒日只係食素,唔食肉, 只係周末狂食d, 但好彩現時我依個階段係唔洗食藥控制. 但我媽咪見到我有依個疾病,立即去咗幾間supermarkets買d健康食品比我!仲去埋"food basic" 買嘢....水果,麥片,素麵,陵魚肉,菜芯,..之如此類. 我將所有嘢放係個行李道,就係星期日返自己屋企其間, 我個行李係地鐵個道都ok架!係返自己個apartment坐電梯個陣時諗住拉開個行李一邊. 就係依個時侯拉斷咗我個心愛行李個手柄! 好sad呀...仲喊添!
*睇下斷成咁!
0
*而家個行李手柄只係 "生" 到咁,"生" 唔晒!
雖然,我斷咗個行李手柄,但依個星期我食咗d好特別嘅嘢. 星期六午餐去咗食雲吞,魚蓉麵. 夜晚仲同Mable,flora,cindy偷食熱浪薯片,仲有朱古力pudding 哈哈! 而星期日去咗一間好特別嘅地方食lunch,係一間港式茶餐廳, 其實裡面咩港式快餐都有得叫, 但媽咪話桂林麵線最好食,又未試過,就食下,媽咪幫我叫咗個羊肉桂林麵條! 嘩,真係好特別,原來桂林麵---有番茄粒,雪菜,同埋辣辣地, 食完個身暖晒. 茶餐廳出名快,多數d服務員唔多理人.但依間茶餐廳唔同,個waiter介紹個桂林撈麵比我同媽咪and Cindy食! 仲叫我地唔好叫咁多嘢食. 因個waiter話三個人叫兩個order就夠, 我覺得好好笑,邊有人唔想d客叫多d嘢食架!?咁可以多d生意嗎! 個waiter真係講啱,兩個order真係夠飽肚. 食咗咁多嘢真係好開心....但美中不足係個行李囉! 諗住遲d買返個! 點解我會咁緊張個行李,因為依個行李係媽咪架, 整斷咗,好似對唔住媽咪咁.
*依張相係同Mable偷食熱浪薯片之前嘅影, 深消時分我地大家都着住睡衣,哈哈
0
No comments:
Post a Comment