Vicky 在溫生活

Hello kitty sake cup 剪彩

April 12,2012 (Thursday)

要慶祝!!

慶祝1) 我和Brian 拍拖紀念日, 所以,要慶祝!!

慶祝2) Brian 的敏感+感冒痊癒了, 也要慶祝!

慶祝3) 我的手指唔再需要貼膠布, 傷口開始埋口. 當然要慶祝!!

而且, 買了套Hello Kitty Sake 杯, 半個月, 都未開封. 當然要找點籍口慶祝.

特意買了支梅酒. 來配Hello Kitty Sake 杯, 感覺好合配. 哈~~

可惜, Brian放工之後, 被同事拉了去Pub. 飲啤酒..........................其實, Brian 要出外, 我完全沒有所謂, 我可以延遲, 到別的一天慶祝, 也可以. 還掂梅酒和套杯都可以擺放的. 又沒有expiry date. 反而我在家自得其樂. 不會感到寂寞的.

但Brian硬係要為Sake 杯作剪彩. 晚上10pm他才返回家, 和同事飲完啤酒, 再硬係要和我飲梅酒. 我已經說, 留待別的一天才為Hello kitty sake杯作剪彩. 但不知是他硬頸. 定是他害怕我寂寞. Brian 臨回家前買埋宵夜(Pizza), 來為Hello Kitty sake杯剪彩.

Brian越飲梅酒, 說話的聲線便越大聲. 我唔理了. 我能享受到Hello Kitty Sake杯, 已經感到很開心. 這套杯也可珍藏, 也可以使用. 我覺很實用.

↓用到Hello kitty sake 杯了. 我覺又好睇, 又實用. 用Hello Kitty sake 杯點綴下, 全檯氣氛都唔同啲. 哈哈~~

↓宵夜有pizza and 炸魚條,還有梅酒.

-----------------------------------------------------------------------------------------------------------

April 13, 2012 (Friday)

黑色星期五!!

真的沒有特別事發生. 很感恩!! 但不想出外吃飯. 但Friday 總給人休息的感覺. 所以, 我便買了一堆fast food 返屋企食. 早排, Brian 敏感. 吃得比較清. 痊癒了, 當然吃點香口食物.

Fast food 是不健康. 但遇然一次放縱下. 其實, 係好享受. 此於,Fast food 是香口食物, 容易入口. 都唔理太多. 食咗先算.

不過, 買完fast food. 我即刻去水果鋪, 買埋一堆生果和yogurt. 當平和下囉! 我仲發現, 如果感覺喉嚨開始痛. 食杯yogurt會好好多架!!

↓Fast food Dinner, 漢堡包餐配洋蔥圈, 還有炸雞餐

休息的--復活節假期

April 9,2012 (Monday)

由溫哥華返回來多倫多, 在多倫多瞓醒一較, 便馬上投入多倫多應有的生活.

說實話, 去完旅行, 即時工作, 真的是很攰的. 而且, 時差問題, 有時都幾難頂.

但沒有想到, 返回多倫多之後, Brian 無故生病, 還敏感!! 而我在廚房, 唔小心介親隻手指. 介得很深. 傷了隻手指, 做什麼也不太方便.

幸好, 返回多倫多之後, 只是工作四天, 便是復活節假期. 可放下假.

↓由溫哥華回來多倫多之後, 我就介傷手指, Brian又唔舒服, 要煲粥

↓由溫哥華回來多倫多之後, 我也懶煮, 吃了兩天, 都是蕃茄肉碎配白飯. 還加煎蛋

平時,復活節假期, 當然想揾定節目, 出街玩下. 但今年我們的復活節假期, 真是邊度都唔想去, 只想在自己家, 休息再休息!!

今年的復活節假期,只去了超級市場入貨, 落下街買下野食, 其他時間坐係自己屋企,已經開心萬分了.

↓復活節Good friday, 信天主教的Brian要守齋, 但復活節又不是太多食店開門. 便幫襯快餐店.

↓我食炸雞, Brian守齋, 食了fish burger.

↓復活節的Good friday晚餐, 大家齊齊吃魚餐.

最利害是在復活節假期裡, 日日煲湯. 雖然唔知啲材料係咪有助精神充沛. 但此於覺飲多啖湯, 會好啲掛!! 而且盡吃可能清一點.

幾時都係身體健康最緊要. 健康, 人才有精神. 做什麼事都可以隨心做, 順順利利.

↓在超級市場入貨, 買煲湯的湯料. 煲啖湯飲, 點都會對身體好啲.

↓復活節假期April 7 的lunch (超級市場買的點心+ 自家粥), 下午茶行咗落樓下買件餅.一邊吃下午茶一邊睇Golf 球賽

↓復活節假期April 7的晚餐 (花膠元肉湯, 叉燒, 菜芯, 白切雞)

↓復活節假期April 8, 又是煲湯(雪耳玉竹蜜棗湯,煎三文魚塊, 薑蔥雞 )

↓April 9很多人還不需要上班, 還是復活節假期, 但我們要上班, 但晚餐都是有湯飲, 滾了一個菠菜湯, 另有一蝶蠔油清菜, 蒸餃子和混醬腸粉

March 31, 2012 (Saturday)

   在這天, 留多一整日在溫哥華, 我哋April 1 便坐飛機返回多倫多.

   玩了一星期, 都不是很多行李執,臨收執行李時, 才發覺很多褲子都很緊. 這個溫哥華之旅, 真是吃得很多, 哈哈~~~


   不知是否就離開溫哥華, Brian's daddy 想我們有個好印象, 主動移遷早餐, 在客飯廳吃. 給了我和Brian的驚喜.

我很喜歡這張客飯廳的餐檯, 在這兒吃早餐也感覺特別舒服. 次次係客飯廳食早餐, Brian's mom 都有很多說話講. 很有趣. 哈哈~~

↓早餐在客廳, 我很鐘意這張圓形玻璃餐檯

午餐, 我們去了訂生日蛋糕的法國餐廳吃, 這間法國餐廳是主攻pastry . 麵包+蛋糕做得很細心. 只是餐廳地方比較少, 座位有點迫. 不過, 試到很可口的熱辣辣三文治, 法式麵包和法式甜點. 都唔理迫唔迫. 哈哈~~

↓在訂生日蛋糕的法式蛋糕+麵包店吃午餐 (法式餅店的環境)

↓法式麵包Panini sandwices

↓法式甜品, pistachio croissant (全部好味)

法式Pastry 店內的合照.

吃過午餐, 行了陣街, 再去溫哥華東區買啲野, 便和Brian's 家人打Golf. 其實, 我氣到不想去打Golf, 因我氣Brian, 不肯應承我的東西. 也胡亂在網上幫我解決我心想的事. 但我冷靜諗一諗, 平時Brian 在我娘家, 他大部分時間都是獨自一個坐在梳化, 我是理不到他, 但他也沒有發我脾氣. 想深一層, 我在Brian的家, 都不要令Brian 難做. 因此, 我最後都是和Brian's 家人去打Golf.

人就是咁, 行遠啲, 望遠啲, 專心打Golf, 個腦裡面的事, 這好像過了冷河. 慢慢想到辦法.

不過, 都要Brian's parents 對我的愛護, 令我最後完成心想的事.

↓最後一天在溫哥華, 啲櫻花越開越靚. ........之後, 去打Golf

打完Golf, 沖涼等時間到, 便出外吃晚飯. 等待出外時, 上上網, 胡亂在facebook 逛, 也順道抹一抹房間,因為Brian's maid 返咗菲律賓探親. 其實, 我知有maid都會照抹的. 點知被Brian's mom 發現, 我在抹屋. 其實, 我說是順手. 但估不到Brian's mom 會在飯局上向其他Brian's auntie 面前稱讚我. (blushing)

↓等待出外吃晚餐,便在房間上下網, 玩玩相機

晚飯和一堆Brian's Auntie 一起吃, 這些場合, 聽了很多說話, 看見了許多舉動. 在一堆Aunties 中, 感覺這些Auntie 真的很懂說話, 不過, 這場合最好便是顧住吃, 便可. 說話不應太多, 適當時間笑一笑, 其他都藏在心, 靜靜的, 反而是最好.

↓晚餐, 和Brian家人和Brian's Aunties 們一起吃飯. Auntie 預訂了翅

-----------------------------------------------------------------------------------------------------------------------------

April 1, 2012 (Sunday)

這天下午3pm 便需要上飛機, 返回多倫多.

但星期日, 無論如何趕時間, Brian's daddy 也會去教堂望彌撒. 適逢復活節將

到, 教堂有棕閭樹葉給每一個信徒.

↓在溫哥華常去的教堂

彌撒之後, 便去港式茶餐廳吃午餐, 其實這餐吃時,有點不捨得, 因為吃完午餐,便要去機場了.

↓午餐Brian吃海南雞飯, 我吃蕃茄魚湯米線

在離境大堂, 相擁道別, 其實, 好難停止到眼淚. 又要等待下一個假期才可以再見大家.

↓Boarding gate等上飛機, 上到飛機見到行李入飛機.

↓坐飛機回多倫多, 回到多倫多夜晚12am. 瞓醒就開工

而戰利品, 今次都係買日本野, 因為溫哥華多嗎!!! 仲買咗唔少Hello kitty 野添!! 哈哈~~

而且, 我在溫哥華, 都是旅行心態嗎!! 所以, 很容易買到野. 哈哈~~~

不過, 今次我在溫哥華買野創造咗個笑話, 話說我買咗幾支, 大支裝綠茶, 但Brian‘s daddy 話離遠見我捧住支好大嘅生油(因支綠茶顏色似生油顏色), 所以, Brian's daddy 問我溫哥華啲生油係咪特別平, 要特登由溫哥華買生油, 捧回多倫多. 後來, 我才發現Brian's daddy 誤綠茶為生油. 所以, 弄了一個大笑話.哈哈哈~~ 最後, 我還請Brian's daddy 飲一飲我的生油(綠茶). 賞賞生油的味道.

現在, 我們暗地裡, 說「飲綠茶」為「飲生油.」哈哈~~

↓買埋買埋一堆日本零食, 還有Hello kitty物品. 最開心係買了套Hello kitty Sake set