Samsung Galaxy Note (White)

January 20,2012 (Friday)

放工時, 濕濕凍凍, 還飄着雪, 依啲咁嘅天氣, 最好即時返屋企啦!!

但Brian就是為了出新電話, 係依啲咁嘅天氣下, 渣咗成2小時車, 其實係塞了2小時車, 還以龜速行駛, 千里條條, 去買一部新電話.

新款手提電話真係咁有吸引力?我都唔識講, 但聽Brian話依部電話, 因識人才有discount, 而且係新色. 所以, 馬上要出一部.

我對手提電話知識不多, 只知依部新電話, 很薄 and 個營幕好大個囉!!

Brian 抱起新手機好樂在其中架!!  我晚餐放慢腳步準備, 他都唔會催食飯. 因有新電話嗎!! 等幾耐先食飯都無所謂. 可能, Brian 玩電話, 已經夠飽. 哈哈~~


↓就係買咗依部新電話. Samsung Galaxy Note (白色) (我覺discount咗都好貴!!)

↓我次次問Brian借個電話黎影張相, 他個樣子, 就是這樣, 很擔心. 好像我會對部新電話不利咁. (Brian 仲成日攞咗我張Hello kitty 被坐梳化,取暖!!! 我買Hello Kitty物品,Brian實有微言, 但另一方面又成日 "借家依"用我啲Hello kitty物品) 




今日, 買完電話,途經chinese supermaket, 即刻去埋啲Chinese supermarket 入賀年物品. 買到成車都係, 真係估唔到Brian 外型西化, 但一到農曆新年, 就好傳統, 可以買咁多賀年物品.
 
又買電話, 又去supermaket, 攪到餐晚飯, 成夜晚10:30pm 先食。 仲係打邊爐, 晚飯食到零晨. 哈哈~


↓晚餐---打邊爐

賀年Parcel

January 18,2012 (Tuesday)


每年將到Chinese New Year, Brian's 父母都會由溫哥華寄包裹黎多倫多, 個包裹有林林總總的賀年物品.  所以, 依個包裹, 我稱為「賀年包裹」. 每年收到都好開心, 即刻擦.

  
今年個包裹, 除咗有糖果+利事, 最特別係, 有埋冬菇+蠔豉+髮菜. (因為Brian's mom 想我整賀年菜).  本來Brian's mom 想寄埋啲藥材湯包比我煲, 但齋係啲賀年物品, 已經迫爆了個包裹. 所以, 其他個啲, 就遲啲再寄!!

 我試過飛過返溫哥華過農曆新年, Brian's family好有新年氣氛, 會佈置個屋企, 很有賀年氣氛.  而且, 都幾跟足傳統. 照Brian's parents 自少是在外國讀書, 真係好難得農曆新年會咁跟足傳統.

   
不過, 每年這個時候, Brian's mom 好興奮, 因為可以攞正牌去買糖. 因為平時, Brian's dad 唔係好鼓勵食糖果. 但Brian's mom又好鐘意食. 所以, 有時用了我和Brian的名義, 去買糖果食囉!! 而家, 農曆新年將到, Brian's mom 仲唔趁機入多啲糖果咩!!! 哈哈~~

 
收完包裹後, 就收到Brian 係溫哥華的maid 寄來個電郵.  個電郵係教我如何炮製「髮菜, 蠔豉」個菜譜. 個食譜唔難follow, 但就要啲時間浸冬菇+蠔豉. 遲啲係時候就會整.


↓脹book book的大包裹...................還有很多賀年食品+利事

↓賀年糖果, Brian's mom 年年會寄賀年糖果, 數量好多,吃不完....還有溫哥華maid 電郵來的賀年菜食譜

↓晚餐就食了好熱氣的炸雞

↓宵夜食了麥當當, 好超脂 (全是我着得厚厚, 行落街買, 天氣很凍, -15℃), 凍天就想食依啲野!! 哈哈

 

 

 

2012 第一場雪

January  13,2012 (Friday)


我在這個冬天很少見雪, 只是感覺到很寒冷, 我知十二月中, 多倫多落過幾場雪. 但當時, 我正直在夏威夷+溫哥華.  被了幾場雪.

今朝, 一起身,望出窗.....即刻「嘩!! 白晒啦!!  」 好彩,不是Heavy 雪, 只是薄薄的一層, 依場雪都算應
付到. 不會太影響日常生活太多時間. 但好明顯, 馬路上啲車, 唔敢開正常速度, 因為道路上真係幾滑.

不知是否First snow 原故, 網上外賣公司, 竟有特價優惠.  正直星期五, 當然襯機會叫外賣食啦!!  我們揀咗食泰國菜. 

寒冬天, 是很有衝動吃辣. 哈哈~~

↓2012 年, 第一場雪

↓泰國菜外賣

↓羊咖哩粉+chicken curry, 還有椰汁飯配蝦片, 和春卷.................而泰國菜最好配啤酒


-----------------------------------------------------------------------------------------------------------------------


January 14,2012 (Saturday)


星期六,  -22℃極度寒冷. 通常這些天氣, 電話一定響, 要出去做兼職.

我們選擇坐地鐵去工作, 一來, 係weekend 坐地鐵會有優惠, 二來, 坐地鐵仲快過渣車, 因為, 路面例必塞車. 而且, 坐車無咁傷神嗎!! 存存埋埋啲精神, 可以放工, 周圍去行下嗎!!

今次, 坐地板鐵好開心, 因為可以坐新款地鐵. 光猛之餘, 仲無咁嘈. 而且, 卡車與卡車之間是直通. 上到地鐵可以由車頭, 行到車尾. 仲有電子顯示. 感覺好新穎.   加拿大, 只是部分路段and 時段先有依架新款地鐵坐.

加拿大地鐵, 年年加價, 但就年年赤字. 啲地鐵車, 真是修無可修. 先要換過批新.

我依啲小市民, 有得坐新地鐵是bouns, 坐舊款地鐵都無所謂. 地鐵都是代步.....總之, 唔好close就得.

 

↓早餐漢堡蛋蕃茄bagel 一個, 之後, 齊齊坐地鐵做兼職




↓新款地下鐵.....................有電子顯示目的地.

做完兼職去Tea 一Tea. 買咗件餅+ 綠茶汽水,  享受下....... 之後, 就行街, 行下商場囉!! 禮拜六, 出開街, 通常都會直落.  而家, 過咗Christmas, 商場靜咗好多. 不過, 又唔係好見啲鋪頭, 減價大速銷. 所以, 我成日講, 加拿大啲鋪頭, 唔太識做生意. 時常都唔肯減價. 好似怕減價會得罪啲生產商..........攪到好多加拿大人過境, 去美國消費. 因為美國公司肯減價嗎!!

↓Tea- Time 綠茶汽水+ 曲奇餅 

晚餐去商場food court 食, 都唔係好洗排隊. 我哋兩個見凍凍哋, 都食咗泰國野, 貪夠辣, 可以暖身.

↓晚餐----食泰國野, Pad Thai (泰式炒河) and 冬陰公雞絲湯粉 (碗湯粉, 好味道!)

臨返屋企仲去咗書店打書釘, 順道飲咖啡. 但好驚喜, 我們這天的咖啡竟然是免費. 
事原, Brian 想飲星星咖啡的Apple Cider, 點知, 星星咖啡店話賣晒. 咁我哋order 第二款, 星星咖啡又話賣晒!! 就係咁, 星星咖啡店員, 話好唔好意思. 所以, 請我們飲咖啡囉!! 好彩, 我們之後想飲嘅咖啡, 都有存貨. 哈哈~~

無端端, 令我們享受一個免費娛樂的晚上. 


↓免費咖啡



------------------------------------------------------------------------------------

January 15,2012 (Sunday)


超級寒冷, -17℃全天候留在家. 剛巧, 香港有很多音樂頒獎禮. Brian 就坐着電視看, 他很喜歡看這類節目. 我相信, 身處香港啲港人, 都無咩興趣看音樂頒獎禮.  他真是比香港人, 還更香港. 我已經對這類音樂頒獎禮完全沒有興趣. 很耐了. 


他看電視時, 我就洗下衫, 執下行李, 執下旅行啲相, 仲好過.  


而這天早餐吃過麥當當, 下午便吃一小碗越南湯河. 就已經足夠.  估不到即沖的越南湯河, 很好味, 這兩杯湯河, 是無意中在超級見到. 完全無心買. ....不過, 就係依隻"無心", 就帶來驚喜.  



 ↓即沖越南湯河+ 配Cranberry juice.

 

蠟腸煲仔飯

January 10, 2012 (Tuesday)


回來多倫多, 感覺份外寒冷. 真的不知何解, 多倫多會咁寒冷.

但我們回來多倫多後, 便即時回服正常生活, 還做埋兼職. 係多倫多都是要傅殺. 咁先有目標. 計畫下一個旅行嗎!! 哈哈~~

而這個星期, 差不多有很多餐, 晚飯都是吃蠟腸煲仔飯.

因為, 我們臨離開溫哥華時, Brian's mom 買了很多蠟腸給我們帶回多倫多. Brian's mom 話, 這蠟腸味道很不錯. 很香. 連好多香港人去溫哥華旅行, 都是指定買這款溫哥華的蠟腸回香港. 哈哈~~

竟然, 有咁多人調轉頭買蠟腸返香港. 聽落去依堆蠟腸又真係好似好得.  哈. 不過, 不得不承應, 溫哥華真是很多香港移民. 我有時感覺溫哥華有點像「小香港」. 做蠟腸都是專業工作. 有做蠟腸大師父, 移民咗去溫哥華, 大展拳腳都唔定!!

回來多倫多, 太凍了. (可能, 慣了溫哥華的零上溫度), 沒有特別出外買餸. 十天內, 竟吃了三次蠟腸煲仔飯.  不過, 啲蠟腸味道, 真是不錯!!


↓Jan 4, 在多倫多第一餐晚餐, 便是吃咸蛋蠟腸煲仔飯+ 蠔油生菜

↓Jan 5, 再吃煲仔飯, 但材料是"肉碎蠟腸煲仔飯" + 日本Sake

↓Jan 6, 吃了Frozen foods, Chicken wings + Pizza and 珍珠奶茶

↓Jan 8, 辣肉餅蠟腸煲仔飯+ 生菜. .........還有Brian 放工時, 買了很多餅, 作看電視時的零食



-----------------------------------------------------------------------------------------------------------------------------

January 11, 2012 (Wednesday)


  已經是今年來第二次兼職日. 剛巧這天, 將到我們的12th 拍拖紀念日. (慶祝了12 年半)  所以, 便有個籍口,做完兼職, 便去粥店吃晚餐當提早慶祝.


↓吃clam 粥, 叉燒燒鴨飯 and "混醬"腸粉. (但啲醬要自己混)

戰利品

January 4,2012 (Thursday)

寫遊記, 真是寫了很耐.  哈哈~~ 今篇blog終可說, 這次在旅行所買的東西.

由夏威夷 + 溫哥華之旅, 回來多倫多之後, 全個人都散了. 雖然只有六小時夏威夷時差 和 三小時溫哥華的時差. 但回到多倫多, 遲遲都未能入睡. 還是要等待溫哥華時間才夠進睡. 睡了幾小時, 便要起床. 每天如事. 真是很攰! 

早幾年去旅行, 有幾多時差都沒有影響. 現在反應慢了. 真是要時間適應.

這次四個行李, 回來之後, 仍放在書房, 很遲才執完.

在旅行時,總覺買了許多, 害怕行李過重. 很多物品都沒有勇氣入手.  但回來之後, 又唔係覺自己買了許多. 總是在旅行時, 顧慮太多, 有點後恢, 當時沒有買多一點!!! 哈哈~~~

↓今次, 去了夏威夷, 在當地買了許多Hello Kitty 物品. 事前都想不到, 夏威夷又如此多Hello Kitty 物品購賣. 令到我很興奮, 令我更喜愛夏威夷...哈哈. Hello Kitty 物品大合照



↓每到一韃地方, 我一定買杯, 不知為何, 我對杯有情意結. Hello Kitty 杯都買了三隻, 另一隻係夏威夷便利店送的杯和夏威夷Starbucks 杯 (藍色個隻便是Starbucks coffee 杯)

↓Hello Kitty 湯勺和飯勺..................還有一大堆日用品




↓食物又買了不少...............................有夏威夷果仁

↓夏威夷果仁朱古力, ......................還有菠蘿味百力滋

 

↓買了個日用手袋, 亦可反轉使用

↓買了個鑰匙包 (由於我大廈是用卡開大堂門, 所以, 這個鑰匙包很適合我, 可裝卡和鑰匙)


還買了一堆衫褲鞋, 日本調味料和聖誕禮物....................但沒有閒情和時間逐件拍照. 但今次收獲真是很豐富. 哈~~~