意粉熱

August 27,2010 (Friday)

    原來, 我發覺我哋兩個, 好多時都食Pasta當晚餐.....一星期裡面, 都有成三日都係食Pasta !!  但又唔係食到好厭喎!!       

   有日, 我仲開咗罐Hello kitty pasta 黎食添!! 原來, 罐裝Pasta啲味道都唔差, 可能係Hello kitty 嘅吸引力, 令到碗粉更加好味啲....哈哈!! 唔知係咪我太耐無食罐裝pasta呢.....原來罐頭pasta啲份量都唔少. 兩罐都夠我同Brian食.  下次再買先得!!哈哈~

  而家, 見超市啲Pasta做特價, 都會特登買多啲返屋企作存貨.  因為我哋兩個真係食pasta仲多過食飯. (我咁講法, 覺自己好師奶添!! 哈哈~)

   其實, 我煮Pasta唔係特別好食, 只覺Pasta 容易整, 而且, 好快有得食. 好方便! 講真煮Pasta 唔係太覆雜, 都可以食到自己嘅口味. yummy....


↓豬扒白汁意粉.......................................番茄Hello kitty 通粉0

↓星期五, 在家嘆的日子, 也嘆白汁Pasta, 配排骨 and 粟米, 食得好開心!0

*好sad, 每日看新聞都講緊菲律賓件事!! 我一邊看, 流淚會自然流下.......唔識講,總之, 諗起依單案就好悲痛...

日本空運

August 22, 2010 (Sunday)

     好興奮,好興奮, 我無端端又收到包裹.

     份包裹係由香港寄黎架!! 但內裡啲物件,全是來自日本!! 因為, 我朋友剛去了日本旅行, 去完旅行, 馬上由香港寄件出日本手信給我.   寄出突然......因為, 當中有一盒日本草餅. 我朋友怕草餅過期. 所以, 我個香港朋友, 一到香港便馬上寄包裹給我!! (做乜對我咁好呀~~!)

     其實, 早幾日, 五妹已經在msn通知我, 「You got a parcel from Hong Kong.....and ba ba ba.....」, 但我要等到周末, 我回娘家, 才正日感受到份喜悅. 哈哈!

     查實, 我好多香港朋友, 都只是知道我娘家居住地址, 雖我搬出娘家居住有成十幾年. 但我仍沒有和香港班朋友更改我現時居住地址.  因我第一個比香港班朋友嘅地址, 就是娘家地址.  雖自己搬出娘家, 但怕攪亂朋友, 怕朋友寫錯我住址. 由其事,我讀書時, 差不多每一年搬一次屋.   但還掂我點搬, 回娘家都好密, 所以, 我好多時, 要等到回娘家才知香港朋友, 寄咗咩比我, 有啲延遲了, 朋友給我嘅喜悅. 哈哈~~~ 

    今次, 朋友寄給我嘅草餅, 我怕加拿大天氣太熱, 草餅會變壞, 便一早分呼五妹, 幫我提早擦咗盒草餅食住先!! 幸好, 日本草餅仍食得.....好好味!! 但我回娘家時, 盒草餅只得半盒, 被班妹吃掉半盒了!! 哈哈~~~

↓大大個包裹.......一打開.....好重日本味道...全是日本包裝.0

↓日本真好主重包裝, 擦完膠袋, 仲有紙袋要擦......全是Hello Kitty 物品. 有Hello kitty白色環保袋, Hello Kitty 熊仔是裝牙刷套 (去旅行, 返娘家岩我用), Hello kitty coin bag and Hello Kitty 毛巾. 0

↓日本草餅0

海鮮餐

August 21, 2010 (Saturday)

    今個周末, 有點不想回娘家, 有點衝動, 一朝早, 打電話娘家, 話唔想返去! 因為自己流鼻水, 喉嚨痛現象好嚴重. 聲都變埋!!

    但一早應承了Daddy回家, 現在突然間話唔返, 好怕佢哋原定計畫有變而唔開心, 什至有脾氣. 所以, 自己點唔舒服, 應承咗就會返去!

   謂有一起身, 衝衝在Brian's 醫藥箱, 拿點特強藥物, 希望有進展啦!

    但我唔係食仙丹, 去見Daddy and 媽咪仲係病緊, 連化妝都遮唔到個病樣. 但仍會依照屋企人原定計畫, 去飲茶, 陪屋企人去買餸. 但幸好, 食了點特強藥物, 入夜時, 真的好了點!!
  
    回娘家, 最開心, 就係見到班妹以及她們的另一半. 因為我哋真係癲癲哋嗎!!
最特別係二妹&二妹男朋友有喜宴, 唔洗唔啱channel, 大家今晚, 真係盡情癲呀癲!

↓晚餐前, 三妹男朋友買了我最喜愛嘅飲品,~~ Bubble Tea.   

     今躺, 我回娘家, 我Daddy and 媽咪計畫食海鮮餐. 去買了很多魚,clam,蠔,...... 但啲蠔就要自己開, 但開蠔都需要一點力量.  所以, 娘家啲後生男士就努力開蠔. 開呀開呀!!!

↓Brian, 三妹男朋友and 四妹男朋友努力開蠔中.

↓美味海鮮餐,  有炸魚仔, 煙三文魚, clam and 蠔.  還有條蒸魚, and 白汁意粉未入鏡.

  我們, 係依躺, 回娘家食飯, 除了食了一頓好豐富嘅海鮮餐外, 我們一班人還飲了許多酒, 連食完晚飯, 都繼續飲, 我和Brian雖買了兩支酒回娘家飲. 但我們為盡興, 越開越多酒飲, 最後飲了五支酒才收手. 玩到個個都興奮. 到半夜2am,  還去了咖啡店飲野. 真係癲足成晚. 哈哈!

↓酒精下的相片

飯盒

August 20, 2010 (Friday)

    星期五本應打算出外走走, 順道食下日本拉麵.~~~

    但突然有兼職, 而且, Brian 需要整理部 ipad 3G. 我都費事為咗碗拉麵, 而趕頭趕命咁. 一啲都享受唔到出外進食嘅樂趣.

    所以, 到晚餐時候, 我行去後面街, 買咗兩個飯盒作我們嘅晚餐!! 反正, 我也喜歡留係自己屋企嘅感覺. 唔知係咪人大咗, 坐在自己屋企感覺好自在.

    吃過晚餐之後, 感覺自己有啲不對勁, 當然不是飯盒啲食物有問題, 查實, 我由朝早起身, 也感覺自己病病哋, 喉嚨有點痛, 鼻有點塞. 晚餐之後, 靜坐在梳化上, 倍感自己患的病慢慢嚴重起來.

    不知是否, Brian上星期的鼻塞 "痊瘉" 給我了!

   
↓上海粗炒(我)  +  楊州炒飯(Brian)0

到齊

August 18,2010 (Wednesday)

    中午, Concierge (管理處)打電話黎啦!! 通知我有件郵包到達!!

   個心都知份郵包係咩!! 總之, 知道有郵包收, 就好開心, 真想原地跳躍咁興奮!!

   一放工, 走咗去買食材, 準備為我份郵件內的物品作開齋,.....哈哈!!!

   去完買野, 連連忙忙趕回家, 揾Concierge取郵包, 一見到Royal Mail 個心就甜晒.  我係網上Bid 嘅Hello Kitty Pasta Bowl.  終於, 係我面前出現啦!!  

↓就係依個郵包........郵包上有個大大個嘅英女皇郵票.0

↓就係依隻Hello Kitty Pasta Bowl .......估唔到seller 會順道寄埋啲Hello Kitty 糖比我!!0

↓終於儲齊, 兩隻杯, 兩隻蝶, 兩隻Pasta Bowl.......晚餐食Pasta慶祝.哈哈~0

    其實, 我再想買成set 依個款嘅餐具架!! 因為仲有cereal bowl, 細蝶....之如此類. 想儲夠一set 兩樣. 同Brian齊齊用.  但好可惜每次Bid 一件貨, 都要令我花好多心機 and 時間望住個網站, 才能到手. 而且, 啲餐具又係英國. 由英國寄黎加拿大, 啲郵費好「溶」呀!!

    同自己講儲到依個地部, 好停啦! 有兩隻杯,兩隻蝶, 兩隻Pasta Bowl 都夠用一餐飯有餘啦!! 咩都齊晒啦!! 哈哈~~

宵夜蛋糕

August 17, 2010 (Tuesday)
   食完晚飯好耐, "較"都就黎要瞓 , 但正係依個時段, Brian係廚房無啦啦咁, 摷到包Cake Mix, Brian見到包Cake Mix 即刻兩眼發光,  仲係咁問我洗唔洗整好耐架!! 因為Brian話想食 "蛋糕" 喎!!

   就係咁, 無啦啦係臨瞓前, 開焗爐焗蛋糕食!! 其實, Cake Mix 好容易上手咋!! 打隻蛋, 溝啲水, 再撈下, 就變蛋糕醬.....放入焗爐焗就得!! 頭尾都唔洗半個鐘就有得食!

   我忍唔住都食咗一個作宵夜! 哈哈~

↓藍梅杯裝蛋糕0