May 9, 2009 (Saturday)
現在, 有啲細妹已經工作, 讀書啲妹都做緊part-time, 所以, 母親節都會自己諗禮物送給媽咪!!
每年, 天氣和暖, 媽咪都會去啲園藝市場買花, 之後, 自己動手把花種植在前花園.... 但媽咪每次種花都會整到自己腰酸背痛.....我曾勸媽咪, 比啲錢比園藝公司啲人賺喇!! 唔好自己種花喇!! 但她喜愛自己種......
所以, 今年, 母親節前夕啲妹, 晨咁早 (7am)起身, 就同屋企前花園種花, 當媽咪母親節禮物!! 啲妹一早買定媽咪每年買嘅花 and 泥, 大家分工合作把花種入泥土內!! 全程, 三個妹唔比人幫手, 一定要自己黎喎!!! 雖然, 他們在初時種花都有點雞手鴨腳, 但最後都順利完成!! 但就整到成雙腳都係泥....哈哈!!
完成種花, 三妹還要趕去幫小朋友私人補習!! 真係忙......
媽咪, 九點幾起身, 見到前園有花仔, 仲以為係發夢, 媽咪感覺好驚訝! 原來係啲細妹送給她的母親節禮物!!
↓平時周末, 啲妹當然唔會咁早起身.....為了給surprise 比媽咪, 唔洗叫都識起!
↓其實, 她們真係好落力種, 值得一讚!
May 10, 2009 (Sunday)
今年, 母親節,一如舊年咁, 一早訂臺, 一家人一起飲茶, 食點心! 時常, 都發覺母親節係需要一早訂臺, 但是父親節, 就比較容易啲訂臺架!! 今年, 訂臺飲茶, 間restaurant 比了兩個時段我哋揀, 一係就 12pm﹐ 一係2pm ...無得1:30pm 依樣野.....幾巴閉呀!! 我哋最後選擇2pm 時段, 起碼大家可以瞓耐一點!!
平時, 媽咪唔係好識渣車黎依間restaurant 飲茶, 因為媽咪感覺去依間restaurant好遙遠, 要渣好耐先到, 母親節當日, 她唔需要渣車! 有daddy渣車, 媽咪去邊度食, 都沒有所謂!! 所以, 加拿大就係有依隻野煩, 好多時, 要渣車渣好耐, 先到目的地!! 交通唔便利, 就真麻煩!
但依間restaurant 沒有令我失望, 話2pm 有臺, 就有, 服務好好! 食物方面, 仍然都好特色, 味道好特別!! 真係好少restaurant 會做到咁多驚喜比顧客! 我哋在進食當中, 還見到總廚添!! 早輪先係電視機見過, 估唔到母親節當天可以親眼見到他!! 估唔到每次去間依間restaurant 都見到特別人物!! 哈哈!!
我們食了許多點心, 依餐lunch 食了兩個幾,三個鐘, 食lunch黎講, 算食得好長時間!! 其實,母親節只想媽咪開開心心, 健健康康!! 今年飲茶, 特別叫了許多傳統點心(蒸點心)!! 因為, Daddy and Mommy 年記開始大, 有許多食物, 都不能夠食太多, 需要清淡啲!!
食完Lunch, 還同媽咪周處行咗陣街!! 雖然, 沒有購物, 但一家人行下街, 影下相, 真係好開心!
↓喜歡依間restaurant 嘅啲餐蝶, 而且, 啲醬介係有xo醬, 好野味!
↓啲蝦卷炸到成個杯咁高, 仲有蟹肉棒, 金華火腿鮑魚批, 仲有三妹男朋友部相機!!
↓三文魚角, 芋頭蝦, 龍蝦芒果條(龍蝦好足....)
↓傳統點心--蝦餃, 雞肉餃, 最特別係個蟹肉餃,真係成隻蟹咁!! 哈哈!
↓還叫了炒飯, 炒粉, 啲粉炒得好乾身, 仲有foie gras 批, 啲foie gras真係入口即溶...好味!
↓鮑魚蒸餃(做到好似條魚, 但角度問題, 影得唔似), 甜品有蛋白撻, and 榴連酥.,,,,個榴連酥好好食, 好飽都仲想食....哈哈!
↓當然, 要同daddy, Brian, and Mommy 影返啲相!!
↓媽咪and 我!!
↓食完lunch, 去window shopping, 見到有間甜品啲, 啲display 好吸引, (橙色個蝶係display), 就係依蝶display, 三妹入去買咗盒甜品, 大家邊行邊食!
-------------------------------------------------------------------------
好感謝!! Brian 每年母親節, 都幫我出雞, 我只付出丁點豉油!! 我屋企, 計埋阿妹啲男朋友, 一大排人, 十個人以上, 真係要一定份量先夠食!! 多謝你,付出咁大隻雞比我屋企人!!
