April 18,2014 (Friday)
去得鬱金香園, 就當然去埋鬱金香園鄰近嘅Harrison Hot Spring嘅渡假勝地行下.
Harrison hot Springs 是溫哥華其中一個著名嘅旅遊地區, 出名在於這裡的酒店是附設天然溫泉. 而且, 溫泉設施是頗有規模. (酒店把大水管引入火山區域, 再加以先進技術, 把火山的水,引入酒店內的溫泉池. 所以, 酒店內的溫泉, 是非常天然. )
其實, 臨近個海, 旁邊有間特式酒店. 之後, 側邊又有啲食肆. 係依啲組織下. 真係已經好perfect嘅享受啦!!
↓Harrison Hot Spring 景色. 如果係夏天, 有很多水上活動開放
↓Harrison Hot Spring有間特式溫泉酒店, 酒店對住個海, 望到山, 已經好舒服.
我哋就無浸溫泉, 只係喺酒店行咗個圈, 不過, 我哋就坐係海邊旁啲長凳, 買啲嘢食, 對住個海, 望下堆山, 黎個歡樂野餐.
↓人真係要接觸大自然, 好簡單望下山, 望下海~~舒服. 我哋坐係度--野餐
↓歡樂野餐嘅食物. 啲食物係酒店旁邊啲舖頭買. 有雞肉三文治(熱), 水果, 日式熱狗(原來加咗千島醬, 就係日式熱狗)
↓食完咸, 就買啲甜來吃. Brian 食Rum & Raisin 雪糕, 我食朱古力芝士蛋糕
↓食完再繼續周處行下, 其實, 依度(Harrison Hot Spring) 真係純享受大自然嘅地方, 購物點唔多, 最多係農場人員搬啲新鮮收成係市集. 但估唔到, 都有成班五星人黎!! 而家, 五星人無處不在.
而我哋沿海邊行, 行行下見到個公園. 我忍唔住去咗玩韆鞦. 其實, 玩玩下有啲小朋友用啲唔太有善眼光望住我. 好似我霸咗佢哋啲玩具咁. 所以, 我玩咗一陣韆鞦就走.
不過, 可以對住咁美個景打咗陣韆鞦. 真係打一陣韆鞦,已經感覺難得!
↓對住海景和山景打韆鞦, 打到個口,笑到好大!!
如果係六月黎依度 (Harrison Hot Spring), 水上設施就會開放. Brian 話, 他細個時, 就係依度玩過踩下踩下嗰啲水上單車.
係呀! Brian 黎過Harrison Hot Spring, 他亦去過鬱金香園添!! 他專登帶我黎多次.
因為他想我認識溫哥華多啲嗎!! 所以, 他一放假, 就plan 定, 帶我去邊樹行. 因為Brian 話, 無理由, 住係溫哥華, 都未去過溫哥華啲旅遊頂點嗎!!
可能黎緊夏天, 我會多啲地方去.
↓而家離六月, 仲有兩個月, 水上活動未開放, 就行去渡頭影下相. 夏天時, 啲旅客係依度上啲觀光船, 遊下山. 觀下景.
↓近距離海邊影相. 山上仲有積雪, 啲雪去到夏天, 都會有!!
↓揾到人幫我影合照
↓似唔似坐係小船上影相?? Brian 專登影成咁
↓由朝行到黃昏啦!! 要返歸啦!! 臨走見到個好多積雪嘅雪山. 相信依度啲山長年累月, 都會係白色. 因為溫哥華啲山好高大, 離地面好遠. 地面熱辣辣, 山上仲係好凍!!!
↓返歸條路, 都見到雪山
↓過埋橋, 就返歸啦!
April 18, 2014 (Friday)
擁有四日復活節假期. 真係前所未試過. 真係自返學之後, 都未試過復活節, 可以放足四日假.
放假, 就當然諗啲活動玩下.
而每年復活節開始, 溫哥華嘅鬱金香園, 就會對外開放. 舉行鬱金香節. (Tulip Festival)
但check check 天氣報導, 原來四日復活節假期裡面, 有三日都會落雨.
我哋就揀咗無落雨嗰日, 去咗睇鬱金香.
↓而去鬱金香園, 路程唔近. 要上高速公路, 又要過橋. 所以, 出發前, 去咗A&W快餐店食個早餐先
↓出發啦, 首先, 過橋. 我覺溫哥華啲橋, 外觀好有型. 感覺好宏偉. (突然係度諗, 溫哥華需要咁多橋, 係度讀工程師, 咪會好吃香. 哈哈)
↓沿途見到山景, 山頂上高, 仲有雪堆積. 山上高, 仍然好凍下. 而行行下高速公路就擠車. 真係公眾假期, 就真係公眾假期. 人人都諗節目去. 去鬱金香園都零舍多人啲.
↓坐咗兩個幾鐘, 終於到啦! 見到路牌指示啦!! Agassiz Tulip Festival (如果條路唔擠車, 個幾鐘就到㗎啦!)
點知, 去到鬱金香園門口, 門口位工作人員, 突然間話, 鬱金香園要close.
理由係停車場無位和園裡面太多人. 好擠迫.
我當躺打了個特. 山長水遠黎, 竟然係門口話, 無得睇
但當然, 無人願意走.
我咪單人匹馬, 行入去園內, 同啲其他工作人員講, 點知園內啲工作人員, 竟然同我講, 「我無聽過鬱金香園要close喎!! 」
所以, 我咪叫Brian 去第二樹, 迫好架車, 照行入鬱金香園囉!!
跟本, 鬱金香園門口個位工作人員, 一對手應付唔到, 咁多人流, 就係咁趕人走. 其實, 好多人有心黎睇, 係唔介意排隊等. 但門口工作人員, 唔識應變, 就趕人走囉!!
鬱金香園請到依啲前線人員, 真係同公司倒米.
雖然去鬱金香園過程, 比較混亂. 但最後都能達到目標. 入到園內. Happy. 仲有啲滿足感. 嘻 (因有啲人, 真係被趕走咗, 白行咗躺)
↓Anyway, 終於, 入到黎鬱金香園啦!! 啲鬱金香一節節唔同色.
↓紅色鬱金香, 望落去, 好似紅海
↓身後是不同顏色鬱金香, 遠望一條條不同顏色, 啲旅遊書話係地下的彩虹.
↓係鬱金香園, 影咗張合照.
↓鬱金香背景係被山圍住, 當時置身其中, 感覺好舒服. 但如果, 等多一,兩個禮拜先黎, 啲鬱金香開得大粒啲, 我相信風景會更美
↓黎得花園, 農莊地方. 實會有泥. 原本一入場係會附送鞋套, 點知當日人太多, 一早派晒啲鞋套, 我就自己用購物膠袋製作成鞋套囉!!
↓Brian 平時好少要求影相, 黎到鬱金香園, 他影相竟擺埋手勢. 我都和應下!! 哈哈~
↓而鬱金香園, 係溫哥華其中一個旅遊點. 遊客實多, 但現在就好多五星人呀!! 其實, 黎得加拿大啲五星人, 算係ok, 起碼肯排隊. (但好好笑, 他們入場時, 會不段提自己和他們近親 "排隊,排隊". 聽到好好笑) 但此終五星人文化和態度, 仍是有點不同. 有時, 係旅遊地方想影相係會有難度. 同埋園內寫晒簡筆中文. 就知幾多五星人黎旅遊.
↓這個鬱金香田園出名在於, 田園旁邊是群山. 山頂仲有雪㗎. 花+山+雪+藍天. 顏色配合成一層一層咁. 望到係好舒服. (我用手機影, 影唔係好到啲山上積雪. 但其實山頂端, 係有好多雪)
