Real ChristmasTree

December 14,2013 (Saturday)

好香呀!! 好香呀!

原來真嘅聖誕樹, 好香㗎!

我都係第一次用真嘅聖誕樹, 黎渡過聖誕節!!

真嘅聖誕樹嘅獨有香味, 真係唔同啲!! 聞到都感覺到聖誕節!! 哈哈~~

以前唔明點解, 有啲人會年年走去買真嘅聖誕樹!! 今年用真嘅聖誕樹就明點解啦! 因為真嘅聖誕樹獨有嘅樹味, 會令到全間屋, 都好有大自然嘅感覺!! 每日都聞到, 真係好開心!!

我唔知點係文字形容, 真嘅聖誕樹嘅香味, 但總言之, 香氣----真的會令人著迷, 令人開心啦!!

而且, 每日要同棵真嘅聖誕樹淋水, 好似每日都要同棵聖誕樹溝通, 增進感情咁~~哈

其實, 真嘅聖誕樹, 都幾特別!! 下年有機會,都可能再買!!



↓棵真嘅聖誕樹, 好高大, 有7尺高, 我同Brian放工返歸,就見到依棵真嘅聖誕節, 仲要裝飾埋!! 估唔到Brian's daddy 比咗個咁大surprise 比我&Brian! (因我哋早排只是言談中, 講話想係今年試下真嘅聖誕樹. 點知...無幾耐,就有棵真嘅聖誕節出現, 係眼前!!Happy~)

↓所以, 見到棵真嘅聖誕節, 好開心!!  棵真嘅聖誕節....真係好香!! 我而家寫Blog都聞到!!

↓係依個時候, 要準備買聖誕禮物比人, 係商場見到好多聖誕老人....哈哈~~見到聖誕裝飾, 好開心!!

Merry Christmas to Every Blogger

溫習

December 2,2013 (Monday)


近來, 我和Brian都很忙碌.

Brian 每日要開OT, 星期六也要返工. 出街時間都少咗!

而我諗住自己, 安份守己, 現在的position 就可以!!

點知突然間, 被選入, 要我去考試!!

我自己知道自己事, 我考試是缺乏天才波嘅材料.

所以,我一有試考就要, 讀,讀,讀,...............因此, 近幾個周末都要早起身溫習. 仲走去library 溫習, 寫notes. 總之, 就好攰啦!!

而且, 我一有試考, 個心就成日心掛掛......令到自己係每一日都攰多二錢重. Blog 都少巡咗!!

而近排天氣又凍咗, 仲落雪, 還只有零下10℃  (係呀!!溫哥華好少何咁凍! -10℃ 破咗記錄啦).


↓落雪呀!! 全地白. 仲要-10℃呀! 我係咪帶咗多倫多啲天氣黎? 又話溫哥華唔會咁低溫㗎!.......(不過,溫哥華-10℃, 好似無咁癲, 起碼無風!)

係依啲-10℃嘅寒冷天氣下, 室內地方, 實開大暖氣, 一暖就容易會棉, 我真係有幾刻, 係Library溫溫下書, 就咁就---瞓着咗!! 仲瞓到好淋添!!   哈哈~~

我連坐巴士都瞓得着!! 真係攰到, 隨街都瞓到!!


↓有陣時去圖書館溫習, 但圖書館太靜啦!! 真係靜到蚊飛過都聽到, 所以, 我有時會轉移鎮地, 去咖啡店溫書!

不過, 好好彩, Brian 係精神上和行動上, 都好支持我. 夜麻麻放咗工,都坐係我隔離陪我溫習. 又渣車, 渣到好遠路, 買Hello kitty 嘢鼓勵我! so touching

↓Brian 買Hello kitty 聖誕公仔鼓勵我, 還有溫書良伴---朱古力

不過, 人就係咁, 真係要迫下, 先會學到啲嘢!

Anyway, 我都唔理得太多, 得就得, 唔得就算!! 抱住依個心態.....會舒服啲!!


↓但周末, 點都想出下去, 雖然而家嘅周末變咗我嘅溫書日, 但周末都想食得特別少少, so去咗一間新發現嘅茶餐廳食hk style food (飲羅宋湯, 熱檸茶,食焗意粉 and 豬扒飯), 還食咗自己好鐘意食嘅公仔麵!! 滿足自己!!

Christmas parade 聖誕花車巡遊

December 1,2013 (Sunday)

每年都會去Christmas Parade. 這一年, 來了溫哥華, 也延續依個傳統.

但以前係多倫多觀賞Christmas Parade, 真係行落樓下就睇得!!

今年係溫哥華, 就要提早起身,揾停車場安頓架車, 之後, 再係條街霸定個有利位置. 等待聖誕花車出場. 真係用了額外多準備工夫, 才欣賞到!!

但好好彩, 這天的天氣好好, 還有陽光,唔洗凍住等聖誕花車出現! 依方面, 真係好好多!!

外國都係鐘意聖誕, 雖然外國啲商場唔興啲大型聖誕裝飾, 但外國人, 會很主動一家大細去欣賞聖誕花車巡遊, 而且, 還很投入聖誕花車巡遊,  一見到花車會大叫, 又同花車一齊唱聖誕歌, 令到個聖誕氣氛好濃厚. 

↓一大朝早, 聖誕花車嘅道路已經派咗!! 路邊已經佈滿市民, 大家都等睇聖誕花車. 好彩, 我揾到個有利位置, 係街邊坐住等聖誕花車出現!! 當日, 我帶晒聖誕帽and 聖誕裝飾物係頭上, 令到聖誕氣氛濃啲!

↓今年, Brian's mom都有去Christmas Parade. 她仲enjoy過我和Brian. 哈哈~



↓一出現, 就係溫哥華嘅紀律部隊表演,花式電單車, 樂器表演!! 還有小朋友表演唱歌跳舞!!

↓陸陸續續很多聖誕花車出現!!

↓啲聖誕花車, 還會一邊行一邊派聖誕紀念品比小朋友!! 所以, 現場啲小朋友好擁躍大叫, 氣氛好好!

↓最後, 聖誕老人花車出現, 啲小朋友好開心!!因為依邊啲小朋友真係信, 有聖誕老人. 所以, 見到好興奮

↓散場之後, 同Brian 去某間酒店影聖誕樹, 順道行街!

40th Anniversary

November 30,2013 (Saturday)

每年都聽到, Brian的父母, 係邊度邊度, 慶祝結婚周年紀念. 

今年, 我和Brian身處溫哥華, 係Brian 父母身邊, 當然便是四個人,  一齊去慶祝, Brian父母的結婚紀念日!!

我知Brian's daddy 為了這一個結婚紀念日, 四處做research, 以及打電話去book 餐廳!! 還問定餐廳當天有什麼特別食物供應. 以便有適當食物給Brian's mom 吃!!

Brian's daddy 做定一切準備, 目的是, 想順順利利慶祝他和Brian's mom 四十周年的結婚紀念日. 

Brian父母, 慶祝這個結婚周年紀念日, 有成40年, 年年都會慶祝!! 就算幾忙碌都會慶祝, 所以, Brian父母, 直到現在, 都好恩愛!

所以, 我成日都覺, 父母做嘅行為, 唔多唔少會影響下一代!!

點解我會咁講!!

好像, 我和Brian 啲乜乜周年紀念和乜乜慶祝日子, Brian 會好有心機去安排一切!! 

而我就不懂安排, 就算是安排, 也安排得不夠恰當(好guilty). 我甚至要有人提點才醒起. 有日子需要慶祝!! 

因此, 我覺Brian 好有他Daddy嘅影子!! 


--------------------------------------------------

講返Brian's parents 慶祝結婚周年紀念日, 他們通常出外, 去一間有情調嘅西餐廳. 食一餐豐富嘅西餐來慶祝!!

情調和高雅氣氛, 真係西餐廳, 先容易感覺到!! 這一點, 我也有同感!!

餐廳環境, 餐廳的服務, 和餐廳的食物, 全都很良好. 

最緊要是Brian's daddy 的細心安排, 40年都如是這樣細心對Brian's mom!! 旁人見到都Happy!!


↓餐廳知道, 我們這餐飯是慶祝結婚紀念日, 所以, 逢上一客免費的小甜點.

↓就是這間意大利西餐廳, 餐具也很美, Brian's daddy 還點了酒.

↓頭盤有意大利風乾火腿, 配橄欖和意大利熱辣辣的包, 還order 了一些爽口龍蝦意粉和意大利飯, 一齊當頭盤食!!! 啲意粉好香, 好新鮮, 又爽口...美味!!

↓主菜有羊架,foie gras(鵝肝), 和鴨肉.

↓甜品

↓當然最後來張大合照!

靜英英的Black Friday

November 29,2013 (Friday)

隔離---美國的Black Friday, 人人都瘋狂購物.  最重要係----美國啲零售業肯減價!!

加拿大, 有就有Black Friday嘅推廣.  還大事宣傳, 零售業點減價, 商場也提早開門營業. 但真正的是-----零售商啲貨品, 減得好少量. 例如, 一間時裝店, 只是門口個架, 啲貨品先有啲啲減, 但其他全是原價.

怪不得加拿大black friday 時份, 啲商場會靜英英啦!!

但勝在black friday 嗰日, 加拿大啲商場, 係7am 就開門, 返工前, 都可入商場行個圈.

雖然, 減價減得好啲啲, 但總好過無減. 最後, 都買到啲啲嘢!!

↓個商場,幾靜.....又無咩人. 未行到入鋪頭, 都知無咩嘢減啦!

↓係black friday嗰日, 買咗個Hello Kitty 風筒. 依個風筒我望咗佢成一年, 平時點都唔肯減價, 今日有20% off, 雖然計埋稅, 都唔係減好多. 但好過唔減.



↓還買咗件粉紅色褸, 再加件冷衫!



↓由於, Black friday個日啲商場真係好靜, 一陣就比我行晒個商場, 還有時間比我係食麥當當食早餐. 我諗諗下, 原來我喺溫哥華定居之後, 相中嘅早餐, 係我第一個, 係溫哥華麥當當食嘅早餐

↓臨走仲去埋7-eleven 攞免費咖啡, 就開工.

禮拜六,日

November 24,2013 (Sunday)

是忙碌的. 不過, 不是我忙吧!!

忙嗰個是Brian.  他連續好幾天, 都要開OT.  晚上, 十時許才吃飯.

因此現在, 我開始要自己坐巴士返歸. 幸好Brian家, 近巴士站. 真是落咗車, 唔係好洗行太多步. 就返到歸. 好方便.

講開巴士, 溫哥華啲巴士司機和乘客, 真是非常有禮貌, 特別是上落車時, 啲乘客會同巴士司機講"Thank you". 而巴士司機便回答"Welcome" 及"Have a nice day". 真是坐咗咁耐公共交通工具. 第一次見到依個咁有禮嘅局面!!

好啦, 唔拉開話題, 講返周末先............這個周末, 都唔想特別出街玩太多. 因好想Brian 休息下!!

所以, 星期六無出街, 下晝食咗外賣pizza.

貪Pizza特別少少之餘, 又方便簡單. 而且,我又貪Pizza 做緊特價呢~~ 哈(因這周末係加拿大superbowl比賽, Pizza 大減價呀!!當然響應下. 哈~)



↓星期六下晝, 食大pizza + 雞翼+ 薯條. (依一餐, Pizza餐外賣,  係7-eleven 買回來,就係7-eleven 令我想起多倫多以前間屋. 因為以前樓下就係7-eleven. 揾宵夜食都好方便. 所以, 依個7-eleven pizza 好有親切感)

雖然, 周末是想休息多, 但都落咗去downtown一轉, 幫個某個Auntie 做啲嘢.  

之後, 去咗Richmond 某個商場入下零食!! 不過, 零食唔入得太多, 因為我真係會有幾多食幾多!! 所以, 令願逐啲買, 等自己慢慢食.

↓過咗海, 去Richmond 某個商場買零食. 順便同商場啲聖誕裝飾影下相! 

↓星期六晚餐, Brian's daddy 煮西餐, 件白汁蘑菇雞扒好美味!!  餐酒有日本sake.





















---------------------------------------------
到星期日, 更加唔願周圍去!!

我mostly 都喺依一日, 洗衫, 洗床單+熨衫. 之後去church. 簡簡單單.

而現在的溫哥華開始得0℃, 許多電子媒體, 會呼預市民穿着溫暖一點. 才上街.  好像零度. 對溫哥華, 就是一件特別的事. 電子媒體會額外呼預嘅?  其實, 我從前在多倫多, 九月尾已經0℃  了.

但聽Brian說, 溫哥華真是不會像多倫多長期零下十多度的天氣. 所以, -1℃ or 0℃ 在溫哥華來說是非常寒冷.

不過, 就是因為冷了點. Brian父母提議去食熱辣辣日本拉麵作---星期日晚餐.

他們提議, 我和Brian當然去啦!!



↓我和Brian, 還有Brian父母, 總共四個人,去食日本拉麵. 天氣涼, 食拉麵最適合, 真係食完一碗拉麵, 真係暖淋淋

↓依度啲日本拉麵好正宗, 啲麵質好彈. 而且啖湯仲好好飲. yummy!!

↓除咗拉麵, 還叫了飯.四個人一齊share 黎食!!

↓星期日食完拉麵, 返歸睇加拿大superbowl. 原來Brian 以前間中學(加拿大個間),出產了很多football球員. 有啲球員Brian 都識!!