Coupons 慰勞餐

April 15, 2011 (Friday)
    我好鐘意光淨架!! 全屋光光淨淨, 真係特別舒服.

    一有人黎我屋企, 我事先, 仲會額外再清潔下. 講真, 做清潔, 真係會做到成身攰晒.  所以, 係某程度, Brian唔太鐘意請朋友黎屋企坐架!! 因Brian 實知我會起勢清潔才安樂.  因此, Brian有見及此. 特鄧買個pizza.  當慰勞下我. 甜品, 還有雪糕添!!

    其實, 都無預料Brian 會買pizza 做晚餐架!! 查實, 雪櫃有好多食剩嘅餸, 翻熱就攪掂. 不過, 食pizza 又幾開心, 起碼唔洗清理太多碗碗蝶蝶, 咁就攪掂一餐. 不過, 重點係.......我鐘意食pizza 嗎!!
  
    不過, 最特別係Brian 識用coupons買pizza , 又用coupons 黎買雪糕作甜品. 買野習慣越黎越似我喎!! 哈哈~~ 叻.

↓XL Hawaii Pizza  .................................用$10 off coupons 買架!!

↓甜品有兩款雪糕, 都係用coupons 買架!!0

每月的慶祝

April 12, 2011 (Tuesday)
   每逢每個月嘅12號, 我們都會「係咁二」慶祝相認紀念日. 已經慶祝好多年. 我還差點計錯, 我們慶祝嘅次數添!! 但Brian 即時更正. 証明他都幾着緊依一日. 哈哈~~

   其實, 我們話---"慶祝". 查實, 都係無咩特別. 只是去買啲街外啲現成食物, 黎食下. 比平時食得特別少少, 就當慶祝架啦!! 說實話, 有個籍口食下街外野. 係會開心點.

   今個月, 就食Subway 三文治黎慶祝.  唔知點解, 我近幾日, 很喜歡食火腿. 但火腿此終都係加工食品. 現在會盡量少買. Brian 知我想食, 放工自行買下來, 一齊嘆一嘆.

   有少少surprise,他知我口味, 因為我啲口味, 成日轉, 唔係成日都一樣. 有時, 自己都覺自己煩煩哋架!...哈哈~~

   相認了.........十一年零十個月了!!

↓火腿三文治, 買咗footlong....食完好滿足0

↓還有--甜品Donut and Muffin and 飲品0

   

大廈維修日

April 11, 2011 (Monday)
   住Condo 就係咁, 每季都會有維修人員入屋, check 暖氣 & 冷氣system. 還順道吸冷暖氣糟啲塵. 也check 埋防火設備.....其實,仲有好多野check .....不能盡錄. 總之, 就每季如是. (但事前會作通知, 都唔驚有人無啦啦入屋). 講真, 我不太喜歡陌生人入屋.  雖然, 入屋時間不夠30 分鐘. 但內心總覺有點奇怪.


  他有他吸冷暖氣糟. 我有我坐在梳化食早餐, 總感覺依個配塔很奇怪. 有時, 令願早點上班or 外出. 等維修人員自行檢查吧!! 但我又不想太早外出. 因為不想為這樣, 而打亂自己全日的時間表. 

   但由於, 編排樓層嘅關係, 我個層次次都被check 先. 真係晨咁早, 就有維修人員拍門, 每季有依啲check, 每季的其中一天, 例必提早起身. 費事瞓係房啦!!

   平時會罵怨, 這天大廈檢查需要早起身, 但好彩這次維修檢查, 令我早起身咋!! 原來, 我正當是流緊鼻血的. 一醒就感覺到個鼻的紅水份. 身都唔敢大動.  馬上爬去取紙巾.

    如果沒有今天的檢查. 我相信, 我的pillow and comforter 一定有排我洗. 真多謝這個大廈維修檢查日.

↓看!!我的鼻血, 竟滴在床邊的iPhone 上. 0

陽光周末

April 9, 2011 (Saturday) 
        早排, 我都唔知發生咩事, 掂咩都壞, 做咩都錯.....名符其實-----黑過墨!!

       我對手, 掂到啲, 廚房用具, 也會無故損違. 掂部手提電話, 也會有裂聞. 連家中部電腦, 也給我對手整壞了. 染上viurs, 要從新set up. ......其實, 仲有好多, 好多事!! 我都無心情再一一盡錄. 總之, 就係好黑啦!!


      好辛苦才涯到依個周末, 原本邊度都唔想去, 只想坐在家休息. 但Brian 好有興致出街食早餐. 就爬起身, 和他一起去.

     幸好, 有出街, 感受到大大個太陽嘅溫暖. 好耐都未試過感受過太陽的溫暖. 出了街, 個心情真係可以過一過冷河架!! 頓然, 舒服咗好多.

     還去了商場行街, 左行右行, 最後, 買了對鞋添!!

↓幾好陽光嘅早餐.................& 買了對鞋0

     趁住天氣還好, 陽光充足, 便去了星星咖啡店tea 一tea ! 仲特登揀露天位黎坐. 感受太陽暖.  我哋仲不知不覺坐咗兩個幾鐘. 真係唔望隻錶. 都唔知自己可以坐係咖啡店咁耐....哈哈~~ 

     唔知係咪今年凍得濟, 突然見到風和日麗嘅陽光, 人都舒服啲. 唔覺唔覺就係星星咖啡店消磨咗兩小時. (霸人張抬成2小時)

↓下午茶嘅茶點................幫Brian影咗張相 (Brian 身後 ---可以影到個天, 好藍)0

     不知是否, 早晨個餐麥當當, 真好像食完一餐麥當當, 全日都無餓意. 晚上都係好簡單個麵黎食. 順道煲劇, 咁又一晚啦!!

↓星期六晚餐---每人一碗麵 + 碗上湯椰菜0

------------------------------------------------------------------
April 10, 2011 (Sunday)
    星期日, 超遲才起床, 一起身仲非常肚餓.....還突然, 好想食火腿.  便馬上行落樓下買份Ham and Swiss 三文治, 滿足自己個慾望. 食完好滿足.

↓本來臨落街前都係天陰陰, 但order咗三文治之後, 就好猛太陽. 正!!0

    由於, 有Golf Master 2011 睇, 全個下晝就痴住部電視睇比賽. 都睇到好緊張架!! 因為今年, 好多參賽者都打到差唔多分數.  最後, 依個南非人----Charl Schwartzel贏咗.

↓依個人兄就係Charl Schwartzel ..................着到綠色褸係打Golf 嘅永譽0

↓看Golf 途中都不忙, 整返杯茶, & 一件餅, 黎個下午茶0

   

蝴蝶結

April 4, 2011 (Monday)
原本都放棄買新太陽眼鏡嘅念頭, 但這對太陽眼鏡上對蝴蝶結, 一見便愛上.  就係咁, 買咗幅新陽眼鏡帶咗返屋企啦!!

    其實, 自己一直都有幅太陽眼鏡. 但我很少帶, 只限去旅行時才帶上. 但上次去旅行, 發覺自己面型圓潤不少.  令到我想買幅新太陽眼鏡嘅衝動.  而且, 現在個太陽+雪嘅反光好利害. 有時晒到要檬住對眼步行.  

查實係早論, 都有行眼鏡店, 但自己鼻子唔爭氣. 有很多太陽眼鏡, 都帶不上. ......已經有啲放棄買新太陽眼鏡嘅念頭.

點知, 見到依對 "蝴蝶結" 太陽眼鏡.....感覺好啱自己. 一試就...不得了. 非常適合我. 至少, 鼻子能托得起副太陽眼鏡. 二話不說, Brian 便立即買下來

   現在, 放工時, 見到個日落太陽 or 反光.....都唔洗檬住眼行. 可以抬起頭行啦!!

↓就係依幅太陽眼鏡    0

↓最鐘意這個蝴蝶結0

周末

April 2, 2011 (Saturday)
     又可以擁有自己嘅周末啦!! 周末兩日時間都係自己, 無任何負擔, 感覺好舒服.

    星期六, 一朝早終於動手, 攪攪報稅單!! 每年都如此. 一陣間, 攪掂晒. 我個心都安樂晒.

    我們周末嘅慣例, 就是行下超級市場, 以便閒日, 一打開雪櫃就可以煮到飯. 不知, 是否加拿大嘅地理上嘅問題. 渣架車去, 行下超級市場, 入下貨, 再截返回家. 就已經消磨了許多時間!!!

    星期六午餐, 好簡單整咗----香蔥豉油炒麵+ 腸粉+豆漿. 一邊睇下報紙, 雜誌. 感覺好寫意.

    平時, 很少食雜糧 (即係零食), 但到周末就會好自然張口大吃. 好像每分鐘都同食有關係.  所以, 星期六晚餐, 煮個飯+條新鮮魚, 便足夠我 & Brian 個胃了!!

↓午餐(香蔥豉油炒麵+腸粉+豆漿).........晚餐---煲仔飯+新鮮魚 (最喜歡食魚) 

--------------------------------------------------------------------------------
April 3, 2011 (Sunday)
   真是好好瞓, 一起身已經是中午. 一較瞓到中午, 而中途沒有醒. 對我黎講, 真是很少數.

   我有時, 會有個出街心.....不想屈在家. 咁啱我隔離果個主動話落樓下食lunch, 真係好少何 (因為, 我隔離果個係星期天, 個心情好不安. 因為要準備心情迎接星期一嗎!!). 他提議出街, 當然立即換衫啦!!

   雖好簡單, 行去屋企後面街食麥當當lunch. 但就滿足我個出街心.....哈哈!! 有時, 真係覺我好容易就 feel ok !!

   再順道去下啲西人超級市場, 買啲cereal 作閒日嘅早餐. 就截返回家. 盡情在家休息, 做自己喜歡嘅野!! 雖平凡, 但覺好快樂.


↓午餐---麥當當...................晚餐---滾湯, 食埋食剩嘅煲仔飯+腸粉0