Vicky 在溫生活

我們相愛10年

June 12, 2009 (Friday)

    係呀!! 又十二號喇!! 時間到今日, 同Brian 已經一齊了十年!!! 由單位數, 進入了雙位數字了!

    零晨12 am.....搭正....一齊擁抱!!! 相識10周年快樂!

    擁抱當中, Brian 突然間搖頭感嘆...., 口中在講, 同前面依個人10年喇!! Brian 好像覺自己係依10年過着好悲慘生活咁!! 哈哈!!

   但我反而瞓唔着, 唔知係咪興奮過頭, 係張床"陸黎陸去", 又睇雜誌..... 都唔知自己做咩咁興奮....哈哈!!

   依十年,一齊實有開心,or 唔開心架喇!! 平平靜靜無野發生, 我講都無人信喇!! 不過, 依十年裡面, 我的確過得好實在!

   識咗Brian之後, 我有咩唔同, 我改變當然有喇!!算識食下野, 識飲下(紅酒---識皮毛), 識下廚, 識一啲打扮, 識啲golf, 識啲table tennis, 識啲滑雪.......,十年裡, 我仲知多咗唔同車嘅型號, 又知多咗手提電話囉!! .....一句講晒視野礦闊咗!

   我問Brian依十年......識咗我後有咩唔同,他話同我一齊, 識得坐地鐵,巴士 and 叮叮(Street kart)囉!! .....乜依啲野唔係係人都識咩??不過, 照Brian由細到大....都無咩坐過公共工具黎講(的士唔計)!! Brian肯每天乘坐公車上班, 又唔多渣他自己座駕!! 算好叻架喇!!

   所以,我成日覺我自己係同Brian 唔同世界嘅人黎架!! 能夠拉在一齊, 我自己都感覺好難得架!!而且,我屋企人又多,啲屋企成員又周不時嘈嘈貢, 但他仲肯去我屋企......錫埋我啲屋企人!! 仲有容忍我啲神經質!!鐘意得我好投入, 所以, Brian放工時..... , 我唔怕醜向Brian 講出以下句句子出黎!!

我覺得光榮　因為有你　擁戴

*算喇, 我哋十年喇!! 比我係度唔知醜, 講下喇!! 哈哈!!
---------------------------------------------------------------------------------------------------------

    放咗工, 便開始慶祝我們的十周年紀念日!! 原本, 我都想隆重啲, 想去雜誌介紹嘅一間特別嘅西餐廳慶祝架! 但Brian 最怕係啲大日子接觸新地方, 如果新地方唔好, 成個紀念日都好像好掃興, 最後, 便決定去Brian 最感自在嘅日本餐廳慶祝!!

   我都喜歡食日本食物, 所以, 去日本餐店慶祝, 我也沒有所謂, 大家感覺舒服便可!! 最開心,日本餐店近屋企,  唔需要渣太耐車就去到, 而且, Brian 同依間日本餐廳熟絡, 所有我哋叫嘅食物, 廚師都會私低下加大少少份量給我哋, 真係食到肚都脹, 哈哈!!

↓日本食物, 的的色色.....真係食了很多很多落肚! 有啲食物還忘記了影相添! 而且, 依日係我哋特別日子, 所以, 食得比較豐富!

   食完晚飯, 當然唔想太早返屋企喇! 話明慶祝, 便慶祝到深夜喇!! 之後, 去了屋企附近的西餐廳食甜品!!

   很喜歡現在市中心嘅Eaton centre, 係深夜時間都非常繁華, 五光十色!! 人又多, 節目又多嘅感覺, 有時, 夜晚渣車回家, 明明有條路可直接駛回家, Brian 點都要兜路經過這個Eaton cetre, 望望啲光到唔似夜晚啲燈光, 才開心!! 哈哈!! (所以, 我成日話Brian 適合香港生活多一些)

    食甜品地點, 其實都是時常光顧!! 但勝在地點位於高處, 有啲浪漫, 又可以飽覽市中心繁華景色, 雖然, 我哋今日係特別日子, 但都係傾下計, 食下野, 飲下野, 已經好開心!! 有時係度諗, 都一齊了這樣多年!! (人生有幾多個十年!!) 好多野大家都試過, 玩過!! 最緊要我知道, Brian 對我投入, 繼續同我一齊行.....就得啦!!

↓已經十二點, 零晨喇!! 條街好熱鬧, 好多人!! 好不容易才揾到個車位, 又好不容易,行去食甜品嘅餐廳!! 哈!!

----------------------------------------------------------------------------------------

↓回到家, Brian 在公事包攞了支紅酒出黎, 依支紅酒, 係Brian 在酒房, 悉心揾架!! 我會keep 住個酒瓶作紀念!! 哈哈!!

↓我哋好喜歡坐電梯時, 玩自拍的! 因為,屋企果六部電梯啲鏡好大, 好乾凈, 有時, 會到咗自己屋企都唔捨得出電梯!! 就係為了拍照, 便坐電梯河! 哈哈!!

茶餐廳

June 11, 2009 (thursday)

   我對茶餐廳.....又唔會話太愛, 但係加拿大都有得享受茶餐廳食物, 我覺好開心!!

   而Brian 比較喜歡去茶餐廳架!! 仲以為他係香港成日幫襯, 所以, 好掛住茶餐廳食物, 同埋茶餐廳獨有嘅飲品, 但原來, 他係香港什少去茶餐廳架!! 黎到加國先去多咗!! 可能跟得我多, 口味都會平民咗!! 哈哈!!

我去茶餐廳, 我會食焗飯多, 因為....實好味, 實熱辣辣,......而Brian 最喜歡茶餐廳嘅奶茶, 係茶餐廳飲完一杯, 仲會叫多杯凍奶茶行街架!!!

   由於, 今日要去同Brian 交易電話, 經開茶餐廳, 就入去開飯!! 換轉平時, 一定唔會走咁遠食架!! 不過, 好彩屋企附近無裝飾別緻嘅茶餐廳!! 如果有, 我相信Brian會時常提議食茶餐廳都似!!哈!!

↓玉米湯配蒜蓉牛角包, 咖哩雞焗飯(Brian嘅), 茄汁豬扒飯(我嘅), 仲有熱奶茶

兩件事

June 10, 2009 (Wednesday)

第一件事:
今日, 揾黎揾去都唔見咗件黑色V字領衫, 我屋企有幾大, 有得幾多個櫃吖!! 揾極都揾唔到,......其實, 依件衫唔值錢, 但作打底, 或者用黎襯外套之用. 好怕再買過新!!又好怕會留係媽咪度!!因為, 啲妹見到唔係自己啲衫會淋亂放....同石沈大海無分別!!

我好瘋癲, 係衣櫃逐件衫摷, 又好瘋癲咁, 逐件衫"接"返好!! Brian 見狀, 叫我買過件新!! 但新衫需要時間先習慣, 而且,去啲鋪頭揾, 又未必揾到心水, 唔想晒時間揾!! 攪到去bbq 都超無心機, 完全唔想講一句說話!!

   後尾, 最有手尾嘅五妹, 係Msn 同我講, (而家啲細路, 唔喜歡出聲, 喜歡send sms, msn, 留faceboook message...)原來我件黑色V字領衫, 在媽咪屋企個洗衣籃裡!!! 嘩!!! 霎時間, 成個人鬆晒!! 總之, 知道下落就開心晒!! 下星期三就同五妹去食壽司!! 哈哈!
-----------------------------------------------------------------------------------------

第二件事

    玩電腦時, 無喇喇見朋友M on line, 自己主動和朋友M打招呼!! 朋友M即時同我報喜, 宣佈年尾結婚喇!!! 真係恭喜晒!! (雖然, 感覺朋友M 結婚好突然....因為, 成日覺啲人結婚, 要用超長時間準備!! ....) 可能, 到我結婚時, 仲嗱嗱臨喇!! 皆因, 我同Brian 非常怕煩架! 哈

    成日感覺朋友M啲生活步伐, 同我有點相似, 因為我哋大家都係同男朋友同居生活, 只係我身處在加拿大, 她身處在香港!!

    我上年返香港,好想約朋友M 架!! 點知約她當日, 我病到了!!! 沒有機會見! 好可惜囉!! 不過, 黎緊九月朋友M 會飛黎加拿大, (她都好耐好耐無返加拿大了), 到時, 如果我幾病, 都會走去見佢架!!哈哈!!! ....

   嘩!! 我依個年齡, 最多就係聽到身邊啲人講結婚, 擺酒....生仔, 擺滿月,  ....什至決定唔工作, 揍小朋友返學!!! 聽依啲野, 真係聽得好多!! 如果我係香港就好, 比較容易分享依啲喜悅.....哈!!


-------------------------------------------------------------------------------------
記低完.....走人!!

鬧市...草地

June 7, 2009 (Sunday)

   現在, 日光時間真係好長!! 星期日, 返完媽咪屋企, 還可以去商場行個圈才返自己屋企!!

   行商場,....沒有特別原因, 只是見今個夏天, 唔太炎熱, 非常清爽, 便隨意走走!! 最奇怪, 今年夏天一點都唔熱 (臨時), 我覺好清涼添!! 有時, 我夜晚在街上, 都需要帶頸巾!!哈哈!

   很喜歡行Don mills Mall (戶外商場), 感覺唔似行Mall, 似行花園多一點! 哈哈!! 行到邊都見到花草樹木, 雀仔周處飛!!! 而且, 商場中央一大遍青草地, 傍邊還有茶座臺, 茶座凳坐....真係鬧市中嘅平靜!! 每次, 經開中央嘅青草地, 都見到小朋友追追逐逐!! 什至瞓在草地上"陸黎陸去".......外國小朋友就是咁不拘小節, 比着唐人家長, 見小朋友係草地"陸黎陸去", 啲唐人家長, 一定鬧生晒!! 哈哈!!

↓小朋友在大草地玩飛蝶....Brian 買了沙律, and 飲品嘆一嘆

↓但唔知點解, Brian無論咩時間, 一星期七日, 都會有Email, 仲要趕快check, 趕快覆,周不時渣住部電話"噤,噤,噤"!! 覆完Email 才望到鏡頭影相

↓一家人影相...Me, Brian and TT仔仔

Pre-Father's day

June 7, 2009 (Sunday)

   Daddy and 媽咪就黎返香港!! 我哋五姐妹, 又同Daddy and 媽咪分開咗半個地球喇!! 希望到時啲妹乖啲, 唔好再嘈嘈幣喇!! 哈哈!!

   六月嘅第三個星期係父親節, 但Daddy 已經係香港, 我亦都無可能飛到返香港同daddy 慶祝依個節日, 所以, 就趁Daddy 仲係加拿大, 就提早慶祝!!

我Daddy 最喜歡一家人, 整整齊齊用膳, 我Daddy 仲係比較早食飯啲人!! 如果, 我哋其中一個突然間要開Ot or 我哋家中其中一個人約咗人, 總之, 唔齊人喇!! 係依個時候, 我Daddy 食餐飯都會"抆僧"過人架!! ......但最特別係, 我媽咪係無所謂齊唔齊人食飯....但媽咪就次次食飯都齊人!! 真係好好笑!!

   慶祝......當然一家人整整齊齊喇!! 雖然, 當中發生了小插曲, 但最後, 都順順利利一家人齊齊整整在chinese restaurant食!! 其實, 我Daddy 好簡單, 見齊人就會開心架喇!! 唔需要禮物, 都已經足夠!! 但我都買了禮物給Daddy, 份禮物他覺好實用.   暗地裡, 聽到啲妹話Daddy 成日用添!哈哈!

↓咁岩同Daddy 着同顏色衫....第二張相: 我 & 媽咪......第三張相: 係家中有四個人都着粉紅色衫, 所以, 一齊排排坐影張相!

↓全家福+全家福with 男朋友

屋企越來越多人畢業!! 個個妹都話出外工作 (除五妹係學生, 都有返part-time), 所以, 好需要"車"黎代步!!! 係香港"車"係奢侈品, 但係加拿大, "車"係必需品!! 因為, 外國啲交通唔太完善, 無車就會出入不方便!!! 所以, Daddy 在早前買了多架車!! 希望, 夠用喇!!

↓Daddy 早前買的新車

----------------------------------------------------------------------

今年, 係自我畢業之後, Daddy第一次同我講, 「Vicky 唔需要破費買禮物.」....聽了這一句簡簡單單的話, 我已經非常感動了!! Daddy 好像開始明白我!!

一日遊

June 6, 2009 (Saturday)

現在, Daddy and 媽咪都比較優閒, 有時, 也會同埋一班優閒嘅Auntie and Uncle 去下啲一日遊......消磨時間!!!

見咁耐, 沒有同Daddy and 媽咪去旅行!! 我就叫埋Brian, 三妹, 三妹男朋友, 一齊join 媽咪啲優閒一日團, 出外走走都好!!

所以, 星期五一放工, 就同Brian 嗱嗱臨上去媽咪屋企, 準備星期六一大清早 (6am), 就一齊去一日遊出發!!

↓星期五返媽咪度, 就立刻同Daddy去茶餐廳衣肚.....仲享受其中一個優閒Aunt 親手做的砵仔糕

     其實, 啲"優閒" Auntie and Uncle, ...佢哋已經上了年記, 大部分都退咗休, 沒有工作, 仔女都大了!! 所以, 比較多時間, 大家組埋一齊學健身操, 一齊飲茶, 一齊打牙交, 一齊去一日旅行團!

     所以, 今次join媽咪啲一日旅行團, 成車都係上年記啲公公, 婆婆, 有啲仲滿頭白髮, 但他們樣子好健康, 有啲樣子還比真實年齡後生!!! 其實, 依啲一日遊, 通常都需要去賭場, 之後, 再去指定地方食野, 再去一個商場or 景點, 就完成!!! 一日裡面, 可以玩咁多野!! 又唔洗自己渣車, 已經好好玩喇!!

    我們坐旅遊巴去了美國Buffalo, 首先到了賭場玩一輪, 估唔到自己可以贏了點游水!! 哈哈!! 但指定地方啲野食, 真的非常咸, ...........所以, 沒有影食物相!! 去了美國, 就好掛住加拿大啲食物!!

↓Buffalo 城市啲景色, 完成了旅行, 同屋企人馬上去擦中餐

    原本, 好想係美國啲商場買野, 因為美國啲野, 真係比加拿大便宜好多, 而且, 媽咪就返香港, 可以買點禮物送給香港啲親戚!! 但導遊就立刻同我哋講, 一日團買什麼東西, 回加拿大海關, 都一定會抽稅, 我話: 「抽稅, 我預咗!! 而且, 抽咗稅都係便宜過係加拿大買!! 我唔介意」....但導遊話:「但成車公公, 婆婆, 如果一個人抽稅, 成架旅行車啲人, 都需要比稅, 啲公公, 婆婆有啲英文唔好, 要比加拿大海關問....到時就麻煩!!」 (我都明,依啲處景)

   所以, 到最後, 買嘅野, 能夠着得, 都着晒上身!! 我都未試過在夏天, 需要着成四件衫出街!! 第時, 去依啲"優閒"旅行團, 真係觀光好了!!

   不過, 同Daddy and 媽咪去旅行, 最好, 就是什麼都有Daddy 安排, 真係我自己個人出現就得!! 哈哈!!

   而美國, 好像個市比較靜, 我依個旅行團, 行果個商場, 我以前都去過, 以前依個商場好巴幣, 入一間店鋪, 都需要排隊架!! 但現在, 個商場無咩人行之外, 仲唔洗排隊....但我喜歡啲物品就無以前咁平了!! 有許多人同我講, 七月頭, 美國先有大減價, 到時, 自己再去shop 過....哈哈!!

↓今次,旅行我和Brian都有戰利品!!

Auto Cafe

June 3, 2009 (Wednesday)

一早請了假, 帶了TT 仔仔去車行 check 啲野!! 人要保養, 車都要架嗎!! 其實, check TT 仔仔個過程好快, 但只有閒日, 啲車行啲人先有時間, 所以, 就係閒日去check !!! 順便同Brian 係閒日有個Break.....輕鬆下!!!

現在, 車行裝飾好別緻, 除有新車睇, 仲有個cafe 比人在等車時,休息用, 個cafe茶水,咖啡任飲 ......哈哈!! 其實, 依啲cafe 仲有電視, 電腦比人睇下and 玩下! 咁等架車保養時, 我哋都可以偷閒一陣. 我趁機靜靜坐在一張好舒服嘅梳化, 一邊飲熱茶, 一邊看新出嘅雜誌添!!..... 哈哈!!

↓Auto Cafe

TT仔仔好乖, 好合作, 話咁快就保養完!!! 之後, 就同Brian 出外食個lunch......簡簡單單坐係快餐店, 享受一個漢堡餐!!! 而我去快餐店, 唔係為漢堡包, 我係因為喜歡食連薯皮炸嘅薯條, .....好香好好味!!
而且, 閒日出外進餐, 唔似得weekend 咁多人, 喜歡在快餐店邊個各落坐, 也可以.......所以, 我慢慢食, 享受了好耐...哈哈!!

↓South St. Burger. Co, 又有burger 又有我喜歡啲薯條..岩晒我同Brian 去!!