奧運會

August 9(Saturday)
     四年前, 雅典閉募禮, 有一個中國小妹妹,...話"Welcome to beijing".....當時, 真係好期待四年之後北京奧運會....估唔到咁快又四年之後喇!! 

     其實, 每四年一次奧運會, 我都會好留意, 今年仲更加會留意多啲喇!! 因為今次奧運係在北京舉行, 香港有份舉辦馬藝添....感覺份外親切!!  雖然,  由今年初開始, 電視新聞上or 報紙上都有講中國可唔可以順利舉辦得成奧運嘅消息, 總之, 一大堆負面報導!! 8月8號都過去咗...北京奧運順利舉行, 沒有因為政治因素而影響奧運舉行, 有時,我覺奧運係一件運動賽事, 同政治點都拉唔上關係...人哋啲運動員辛辛苦苦每日練習都係為自己國家真光!

    到8月8號, 我較定鬧鐘, 準時在我早上時間, ...就開電視看奧運開募禮!! 雖然, 中國係一個共產黨國家,  但我覺今次奧運開募禮都整得好有聲有色, 好代表到中國色彩!!! 我最喜歡就係李寧傳最後聖火個一part,   李寧吊住威也, 右手舉住聖火火炬, 姿態好美妙!! 而且, 李寧身後嘅營光摸仲播出所有傳聖火過程,  我覺依一part 好感動!! 不過, 我睇襯開募禮都會感動...而每次見到啲運動員攞獎, 我也會感動埋一份!! 真係要放盒紙巾係廳先得!!! 我依家一開電視就睇奧運喇!! 今次睇奧運都洗捱夜...因為我食dinner 時間就係北京朝早...可以係電視睇現場直播!

↓北京奧運開募禮, 我最喜歡依part!!李寧都成四十幾歲, 動作仍然好淡定, 凌空做住跑步姿態做足成三,四分鐘, 你估容易架!! 而且, 沒有丁點兒失誤, 步步一樣, 可想言知, 李寧一定練習咗好耐, 而且他對自己要求係極高,  亦代表咗中國精神...真好感動!!

   奧運會, 我當然支持中國隊喇!!  我知今年中國啲運動員會好大壓力, 主場喎, 當然想表演更加好喇!!! 我除咗支持中國隊, 也會支持加拿大隊, 當加拿大出場, 我都增大對眼望住架!!  但加拿大運動認真馬馬!! 而且, 加拿大政府太窮喇!! 無錢讚助運動員! 而且, 加拿大係舊年雅典奧運都唔係攞咗好多面獎牌...我今年都唔會抱太大期望加拿大隊會點好...但電視機多數會影住加拿大隊...我次次都見到加拿大被其他國家踢出局, 真係睇到唔想再睇!!! 哈哈! 有時等到電視影中國隊時, 就賣廣告, 好彩, 奧運好多時都有重播. 所以, 我都睇到其他國家奧運表演and 攞獎!

   依排奧運, 我依邊嘅麥當當, 都有奧運吉祥物--福娃杯換, 講真, 我無咩特別喜歡追奧運紀念品啲人, Brian 有日去麥當當食野, 幫我換咗一隻福娃杯, 我就算喇!! 唔會繼續追!!! 但我知麥當當出啲福娃杯好搶手...隔一陣先出一隻色, 但出無幾耐就sold out 喇!!! 好彩, 我身邊啲朋友已經揾齊五隻福娃杯, 如果唔係, 我而家都要幫手揾埋一份...係咁食麥當當都似,哈哈!!

↓我原本無諗過換福娃杯, 因為我無儲奧運紀念品嘅習慣,  我去麥當當食都係想幫朋友換杯, 但Brian 有一日自己去咗, 麥當當食lunch, 就買咗依個杯比我!!! 他話當應下奧運氣氛

↓以下就係麥當當, 一套五隻福娃杯!! 好似而家出晒五隻喇!!

Brian 去完旅行喇

August 7 (thursday)

    Yeah!! Brian 十七天遊輪之旅, 終於完結喇!! 17日無見Brian..., 17日後見返Brian...第一個感覺...覺得Brian 晒黑咗!! 連雀斑都多了..哈哈!!   但見返Brian 好開心! 

   Brian係Aug 5 夜晚已經返咗加拿大,  但Aug 6 朝早已經去咗返工, 啲行李而家仲係書房度仲未執!!!  但Brian 好乖, 他會自己執, 但我依排就要開多幾次洗衣機and 熨斗, 因為去完旅行,一定有大把衫要洗...洗完當然要熨, 屋企功夫又多咗啲喇!!!  所以,我依排都無咩點煮飯, 多數係街買啲外賣就返屋企食! 咁岩樓下新開咗間pizza 店...所以, 就食pizza 當dinner...!!! 唔知Brian 係咪今次旅行有去開意大利, 連食pizza 都比意大利人食pizza 文化影響...Brian 而家食pizza 要落oliver oil 架!! 哈哈!!.... 

   去遊輪旅行,  除咗影相之外, Brian 當然帶咗好多手信比我喇!!!  Brian 啲行李衫都未執, 就即刻係行李摷咗啲旅行禮物比我, 當中有啲係Brian's 媽咪送, 有啲係Brian 買比我!!! 哈哈!! 我有禮物收當然開心喇! 我自己去旅行都未必買咁多野比自己!!! 哈哈!多謝晒!

↓手信.....有兩對鞋...(係羅馬買)

↓有銀包and 介指

↓希臘果仁, 肥皂, and 風景磁石

↓愛琴海風景嘅mouse pad

回家....看妹妹

August 5 (tuesday)

     依個星期係長周末假期, 好多人星期一都唔洗返工!!! 但我就返咗媽咪屋企, 本應,媽咪去咗旅行, Daddy 又唔係加拿大, 返咗香港, 我係唔洗返媽咪屋企, 我有得啲阿妹自己出街玩...只要唔好太過份就得!!  而且, 依家放緊暑假, 我當然唔介意啲妹出街玩喇!! 但就係daddy and 媽咪唔係屋企嘅時候, 啲三, 四,五妹同二妹有argue!! 其實, 我知道她們argue嘅 "度火線" 係二妹男朋友!! 有時啲細妹(三, 四, 五妹)會倫住打電話黎同我數苦!!  而且, 我Daddy 都由香港打電話黎同我講屋企細妹啲野!!!  所以, 我襯自己長周末有時咪返媽咪屋企囉!!!
   
     唔知點解, 我返到屋企好似有種神奇力量...啲妹無再argue!!! 但二妹and 二妹男朋友就只係同我食咗餐lunch...之後, 就唔見人, 係食完即閃!!! 好似扮無事咁!! 有時, 我見到二妹and 二妹男朋友無嘈住啲細妹, 我都費事講太多野!! 費事我走咗返自己屋企時啲細妹更加難做!! 

↓同啲妹出街食咗餐粥粉麵飯 for lunch!

     今次, 返媽咪屋企, 我係坐地鐵再坐viva bus 返媽咪屋企, 其實viva bus 係新巴士線...我覺viva 都好方便...好多野都自動化!! 每個站都有廣播話...仲有幾多分鐘就到下一站!!! 真係好容易預到時間!! 同我以前細個係加拿大坐啲bus...差好遠!!! 加拿大終於有啲比較先進巴士喇!! 哈哈!! 

↓下面就係viva bus stop...啲巴士好舒服, 啲冷氣當然好喇! 而我最欣賞, 就係一上巴士, 就會指示下一個站會係幾時到達,  可以容易預時間!  但仍然要帶定散銀買票上車!!

    講返...今次, 返媽咪屋企先, 其實, 我都係同啲妹出街食下lunch and dinner...買下餸, 買完餸就行一陣商場就返屋企!!! 食完飯玩wii, 之後, 做下家務囉!! 就係咁簡單...但我出到去, 見到啲妹之間無講返啲argue野, 她們唔想講...定係扮乖又好, 定係點...我都唔理得太多喇!! 我prepare 好晒屋企啲食物, 洗好屋企啲衫褲,washroom...and 碗蝶!! 我要做都做晒!!!也分呼好晒, 三, 四,五妹她們的崗位!! 如果, 二妹and 二妹男朋友係要嘈我都無辦法!!

↓今次去行街, 四妹男朋友都有去, 他帶我去看金魚呀!! 哈哈!!! 其實, 四妹男朋友屋企有養魚, 我哋去一去買魚糧先行街!! 我見到賣魚哥哥話比影相, 我咪同啲魚影幾張相囉! 行街當然有收獲喇!!! 買咗個card reader (比Brian) and 自己買咗個Hello kitty mouse 比自己用!

↓三妹由香港返咗黎加拿大, 前排先開始執返好啲行李, 我三妹原來係香港買咗好多hello kitty 手信比我!!  我見到hello kitty 當然開心喇!!!三妹好有心, THANKS!!  我仲即刻用個hello kitty 模整椰汁糕, 哈哈!!

↓而dinner 就唔煮喇!! 我係街買咗啲壽司 and kfc 同啲綠茶...就當一餐!! 我買得太多喇!! 我同三, 四, 五妹 and 四妹男朋友一齊食, 但仲食剩好多!!!

↓食完飯運動,當然解玩wii...因為就黎奧運, 所以, 玩咗一倫奧運game...玩到好嘈 and 好攰, 但五妹讀緊summer course...要exam, 所以, 無得玩, 五妹曾經用自己個身遮住個電視!!! 但五妹都係玩下咋!! 我同其他妹繼續玩!! 哈!

↓我返自己屋企時, 係同五妹一齊坐車架!! 因為五妹話要早啲返學校溫書喎!! 我哋等viva bus 時, 三妹男朋友間便利店, 就在viva bus 站隔離, 三妹男朋友比咗支綠茶我飲...話啲綠茶係新上市, 比支我試!!  我仲在等巴士途中買咗成袋麵包, 叫車我去viva bus 站個三妹比啲麵包男朋友 and 攞啲麵包返屋企!!! 比二妹or 四妹返工做lunch! 我同五妹也一人食個包當早餐...係viva bus 坐完一倫要再轉車...等車時又係bus站玩影相!! 哈!!

   但今次返去媽咪度, 我覺啲細妹(三, 四,五妹)好乖, 好生性呀!!   而且, 四妹男朋友玩到打成一片!!!  雖然, 無咩特別地方去, 只係一齊食野, 一齊玩...一齊傾計, 我覺同啲細妹做埋啲簡單野, 我都覺好開心!! 依個長周末都幾有義意呀!!

十年後....

August 1 (Friday)

    在加拿大中學生時期

, 我會在每個星期五夜晚, 都去夜校做義工, 當時,我年記少!! 做義工多數都係做影印工作,...影印完之後, 就分配不同班房, 簡唔中都會幫夜校啲office, 計下數, 數下學費, 當時做義工就是做依啲簡單工作.....就係做義工裡頭, 我識了一位朋友. 她是chinese, 香港人, 大家年記也差不多, 所以,  好自然便投契 ,相熟起來!!! 還記得, 我哋當時做完義工, 也要一齊出街食啲野, 傾一陣計, 先捨得返屋企!  但到中學畢業之後, 大家方向不同!! 便沒有太多時間聯絡, 我還在這個時候, 搬離父母家, 自己出外讀書, 過着獨立生活!!

        

     十年之後嘅今日, 我哋係網上看到大家!! 還講起電話來

!! 不經不覺, 我個義工朋友, 返香港生活已經十年了!! 雖然, 大家十年之後,再聽返大家把聲, 但完全沒有陌生, 感覺好親切, 仲周不時講返以前中學時啲傻野...係度"話當年", 笑聲不段, ...也講大家依十年近況!!!  雖然,大家係唔同地方生活, 但原來我哋大家過着相當近似的生活, 而且, 思想也相當近似, 哈哈!!!   真的後悔無和依位義工朋友早點交談!  雖然, 依十年都是用電腦的msn 有聯絡, 但點可以好似講電話...你一句,我一句, 這樣直接呢!!!

         

    我哋十年無見面, 十年無直接傾談, 到今日我哋係電話傾返計(是香港義工朋友打長途電話比我)...一傾....就唔經唔覺已經傾了好兩幾個小時, 真係傾到電話也無電...才肯收線!!哈哈!!  我真係好開心

...可以同識咗咁耐嘅朋友再次傾計, 我同依個朋友傾完計, 真係開心到瞓唔係好着! 哈哈!! 而且, 我依個朋友不流都有留意我寫的blog.....原來寫blog 便拉近我哋對大家的了解!! 我依位朋友話我, 睇咗我個blog 咁耐都唔見我煲湯...第二日上msn, 她已經send 咗個教人煲湯嘅網頁比我!! 真係好窩心!!

         

    我覺得, 係朋友永遠都係朋友, 就算好耐唔見, 一傾返計就會有話題!! 說話好自然!!! 其實, 我自己好主重, 親情, 愛情, and友情架!! 所以, 我係用好多時間係屋企 and Brian 身上!!! 但就可能係咁少咗同朋友聯絡, 但如果係了解我嘅人都會明白...我唔應約原因!! 雖然, 年紀大大下, 同以前識啲朋友少聯絡...而且大家生活圈子都唔同, 但當我每日望日曆

, 見到自己朋友生日的日子!! 我都會同自己講,....唔知我朋友生日點過呢!! 我會祝福她/他們永遠開開心心

咁生活!


** Brian 已經返咗黎喇!!! 好多謝咁多blog 友關心我! 我知你哋對我好好! 會每一日看住我近況! 我而家忙緊執野 and 開洗衣機...但我會盡快update blog and 話比大家知 Brian 去旅行啲情形,而且, 我會盡快去返你哋個樹留言架喇!!  等一等我呀!