今日,專登好早好早起身,起身時仲係天暗暗! 我都唔理咁多, 以自己最快速度刷牙洗面, 同埋換衫,因為我要去續車牌,其實,應該係我生日前換,但我由生日之前之後都無渣過車, 所以, 等到今日先續! 因為續車牌係要去政府部門個樹續, 政府部門出名開門開得好早, 但生(關) 門就生得更早!!! 太陽未落山就生門! 但唔理點,續咗車牌先有得渣車! 所以,令願早少少起身,希望唔洗同太多人迫!
我一係自己apartment坐完電梯就急步走去政府service centre, 唔洗五分鐘就到, 點知去到政府services centre...咩部門都唔見晒,周圍都貼晒報紙! ....驚訝咗一陣就見到有個security 哥哥, 他話比我知, 政府service centre 搬咗! 好彩唔係搬咗好遠, 行都行到去! 去到當然就係排隊攞number, 再坐埋一邊等叫number...新政府service centre 大咗好多! 而且光蜢咗好多! 我一早去到都已經好多人! 由於係政府service centre...有d人係攞出世紙,醫料卡 ,考駕駛執照, or 續車牌,咩都有!!! 我周圍望無幾耐, 就見到自己手上嘅number 係screen個樹出現, 可以去 xx 櫃臺喇! 開心到彈起, 嗱嗱聲整理下自己d髮型,因交完續車牌錢就要影相!! 影相途中有個阿婆突然經過, 嚇咗我一跳, 但個影相哥哥話ok,唔洗再影, 都唔知自己將來張車牌相,會點! ----會唔會係一個嚇驚樣呢?
而家諗返起,原來自己擁有私家車車牌十年以上喇! 香港個張車牌都就過期, 時間真係過得快, 我仲好記得我係加拿大考車牌時的情景! 哈哈! 仲記得個日專登同--學校請假考車牌! 好彩依日假無白請! 因為我考一次就pass喇!Yeah!
*原來今日天氣有點凍, 續完車牌, 係咁流鼻水,打"蝦痴"!^~^
