April 28,2012 (Saturday)
周末就是好好補充正能量的日子,任意放肆下自己, 由起身飲飲食食到夜晚. 享受飲飲食食過程, 人都容易開心啲.
不知是否上個月, 去咗一轉旅行. 個"出街逛"嘅mode. 仍然在腦海. 所以, 一個星期裡更期待周末的來臨.
在上班的日子, 我們已經相討着,周末去那裡,有什麼節目, 等等...其實, 我們啲節目, 來來去去都係食和行商場. 但總是可以講足五日. 哈~
知道有一所專做美式早餐的專門店新開張, 星期六一早便渣車去試試.
新開張, 真是新開張, 美式早餐專門店, 檯檯凳凳都好新淨. 感覺舒服. 但店內有很多人排隊等位呀! 好不容易才等到位坐. 一坐低, 即刻叫杯熱飲+美式傳統重份量早餐. 嘆嘆嘆.
↓美式早餐的飲品(我飲茶, Brian 飲咖啡)
↓美式早餐, 超多份量, 有甜也有咸, 多士都有四塊(原來, 唔記得同多士影相添!!)
這天天氣好, 吃完美式早餐, 便去了行戶外商場. 我都沒有什麼特別東西想買, 只是周圍逛. 周圍望下. 看看鋪頭的產品, 雖然, 無咩心頭好, 但周圍望下, 令自己感覺有種新鮮感.
黎得戶外商場, 便去埋露天咖啡店. 其實, 我口中說天氣好, 但仍然很涼, 有陽光會好啲, 但無太陽, 被風吹着. 都是有冷的感覺. 不過, 在四月尾有15-16℃. 算是和暖.
我可能怕凍, 我令願夏天, 被太陽直晒. 我先會坐露天, 但Brian 超級害怕熱, 其實,他整年包括冬天, 在家中都是開着冷氣. 所以, 夏天我唔洗止意坐到露天茶座. 就算Brian 肯坐, 我見到他熱到唔出聲. 大汗滿面. 我見到都辛苦.
現在15-16℃,間中有陽光, 一人讓一步, 算是氣溫適中. 坐在露天咖啡店飲咖啡. 我當然飲熱飲. Brian 竟說熱, 要喝凍飲.
好彩越坐越多陽光. 坐露天都顯得舒服. 最後, 我還要吃雪糕, 但雪糕就要坐在室內食.
又一個飲飲食食的星期六.
↓露天咖啡店 (我飲Latte, Brian 飲lemon-mint凍飲)
↓坐在露天茶座
↓杯熱latte, 同時係一杯好好的取暖杯.......個商場中央是草地, 冬天是溜冰場, 夏天有噴水池, 都幾舒服.
↓最後還吃了雪糕, ..............天氣一暖啲啲, 很多人帶寵物行街
↓返到屋企, Brian's daddy send email 黎, 影咗幅相比我哋睇. 原來現在, 溫哥華啲櫻花, 已經開咗第二倫, 啲櫻花開得更大朵
----------------------------------------------------------------------
April 29,2012 (Sunday)
可以早起身, 我兩便走落樓下的超級市場, 購買一星期所需. 星期日買定餸, 點都會好啲. 起碼閒日放工再唔洗迫完地鐵, 再迫去超級市場.
在超級市場, 入完貨. 就自家製午餐. 然後, 坐在家中, 隨意看電視. 作休息. 其實, 坐在家, 好簡單已經消磨到大半天.
晚餐又是自家煮.........簡簡單單又迎接另一個星期.
↓午餐辣味吞拿魚三文治, 太陽蛋, 乳酪和蘋果汁. 晚餐---白汁玉米雞肉飯
↓在超級市場, 無意中見到Hello kitty 糖果便買下來, 還有現在, 我床頭已經越買越多Hello kitty 公仔, 有幾隻Hello kitty 公仔要放了出廳
